Popular Bible Verses from EKSODA 2

શેર કરો

Xikwembu xi yingisa ku rila ka vona, xi tsundzuka ntwanano wa xona na Abrahama, na Isaka, na Yakobo; kutani Xikwembu xi languta vana va Israele, xi va tiva.

Kuteloko malembe layo tala ma hundzile, hosi ya Egipta yi fa. Loko va ri vana va Israele, a va ri karhi va rila hikwalaho ka vukhumbi bya vona; va huwelela, kutani ku huwelela ka vona hikwalaho ka vukhumbi bya vona ku fika eka Xikwembu.

Kuteloko n'wana a kurile, a n'wi yisa eka n'wana Faro, yena a n'wi endla n'wana wa yena, a n'wi thya vito ra Muxe (hileswaku la humesiweke ematini), a ku: “Hikuva ndzi n'wi humesile ematini.”

N'wana Faro a ku eka yena: “Teka xihlangi lexi, u ndzi an'wisela xona; ndzi ta ku hakela.” Kutani wansati a teka xihlangi, a ya xi an'wisa.

Kutani n'wana Faro, wa wanhwana, a ngirimela enambyeni ku ya hlamba; vanhwanyana va yena a va fambafamba eribuwini ra nambu, kuteloko a vonile ngula exikarhi ka nhlanga, a rhuma nandza wa yena ku ya yi teka.

Emikarhini yoleyo, kuteloko Muxe a kurile, a endza eka varikwavo, a ta vona ntirho wo tika wa vona; kutani a vona wanuna wa Muegipta a ba wanuna wa rikwavo, wa Muheveru. A languta hala ni hala, kutani leswi ku nga vonakiki munhu, a dlaya Muegipta, a n'wi lahla esaveni.