Popular Bible Verses from VARHOMA 11

શેર કરો

Hikuva swilo hinkwaswo swi hume eka yena, swi kona eka yena, kambe swi endleriwa yena! Ku kwetsima a ku ve eka yena hilaha ku nga heriki! Amen!

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

“Hikuva i mani la nga tivaka ku anakanya ka Hosi, kumbe i mani la nga mutsundzuxi wa yona?”

Swi tano ni le mikarhini yoleyi; ku sele ntlawanyana lowu nga kona hi ku hlawuriwa ka tintswalo. Kambe loko ku ri hi tintswalo, a ka ha ri hi mitirho; hikuva loko ku ri hi mitirho, tintswalo a ti nga ha vi tintswalo.

Kambe loko marhavi man'wana ma phatluriwile, kutani wena, mutlhwari wa nhova, u tlhomiwile eka wona, kutani u hlanganisiwile ni rimitsu, u phameriwa mafurha ya mutlhwari wa le kaya, u nga tshuki u tikukumuxa, u sandza marhavi ya kona; hikuva hambi u tikukumuxisa xisweswo, a hi wena la rhwalaka rimitsu, kambe rimitsu, hi rona leri ku rhwalaka.