Popular Bible Verses from Matey 16

શેર કરો

Tbꞌajlinxiꞌ ikyjo, tzaj tqꞌmaꞌn Jesús qeꞌy, a awoꞌy t-xnaqꞌtzbꞌin: Ankye jun taj tuꞌn tok te nxnaqꞌtzbꞌiꞌn, il tiꞌj tuꞌn tel tiꞌn toj tkꞌuꞌj tkyaqil tajbꞌil, ex tuꞌn t-xi tqꞌoꞌn tibꞌ, tuꞌn t-xi lipe wiꞌja toj tkyaqil, exla qa ma kyim twutz cruz.

Ex kxel nqꞌmaꞌn tey, qa a tbꞌiy Pegr, a abꞌj tzꞌelpine. Ex tibꞌajjo abꞌj lo kjawile nbꞌinchiꞌn Ntanima. Ex nlayx kubꞌ tiꞌj tuꞌn tkyaqil tipin kyimin.

Ex kxel woqxeninjiꞌy Nxnaqtzbꞌila tey nyakutlaj jun tal tal tjpel ja, tuꞌntzintla noq tiꞌj ktqꞌmaꞌbꞌila, tzꞌele kynikyꞌxjal tiꞌjjo Tbꞌanil Tqanil Tkawbꞌil Dios. Ex qa ma kotpitjo xjal tuꞌn toj kyil, noq tuꞌn ktqꞌmaꞌbꞌila tzaluꞌn twutz txꞌotxꞌ, ex aj kyok toj paꞌbꞌin twutz Dios toj kyaꞌj, kchi kotpajil te jun majx. Ex qa mi xi kynimin a ktqꞌmaꞌbꞌila, ma chi kꞌlet tuꞌn kyil tzaluꞌn twutz txꞌotxꞌ, ex aj kyok toj paꞌbꞌin twutz Dios toj kyaꞌj, chi xel toj najin te jun majx.

Ikytziꞌn, ankyeꞌ taj noq tuꞌn tkubꞌ tbꞌinchin tajbꞌil tzaluꞌn twutz txꞌotxꞌ, kxeꞌl toj najin te jun majx. Ex ankyeꞌ kꞌwel ttzyuꞌn tibꞌ tiꞌj tkyaqiljo at tajbꞌin kyexjal tzaluꞌn twutz txꞌotxꞌ, noq tuꞌn npaja, ktenbꞌil tchwinqil te jun majx.

Quꞌn ¿tiꞌxsila tajbꞌin tuꞌn tkanbꞌit tkyaqiljo ajbꞌil tzaluꞌn twutz txꞌotxꞌ, exsin tuꞌn tnaj tanmin? ¿Ma akutzin tzꞌok tkyaqil tqꞌinimil te klol tanmin?

¿Yajtzin kye toj kywutz? ¿Ankyeqiꞌn? chi Jesús. Xi ttzaqꞌwin Pegr: Atejiy Crist, a Tkꞌwaljo Dios itzꞌ te jun majx, a skꞌoꞌnxix tuꞌn, tuꞌn tul tzaluꞌn twutz txꞌotxꞌ.

Xi ttzaqꞌwin Jesús: Kyꞌiwlinxix te, ay Simun, a tkꞌwal Jonás; quꞌn mix aꞌl jun xjal saj qꞌmante tey, qalaꞌ a nMaꞌn, a at toj kyaꞌj.