Reema 10
10
De Radunk es fa aule Menschen
1Breeda, ekj wensch von Hoaten, daut Israel seelich woaren mucht, un ekj bäd fa an to Gott. 2Ekj jäw an daut Zeichnis, daut see fa Gott iewren, oba see weeten nich om waut. 3See kjanden Gott siene Jerajchtichkjeit nich un vesochten äare ieejne häatostalen, un soo stalden see sikj uk nich unja Gott siene Jerajchtichkjeit. #Reema 1,17 4Christus haft met daut Jerajchtichkjeits Jesaz een Enj jemoakt. Wäa aun am jleeft, dee es jerajcht. #Mat 5,17; Joh 3,18; Gal 3,24-25; Heb 8,13
5Moses schrift von de Jerajchtichkjeit, dee derch daut Jesaz kjemt: “De Mensch, dee daut deit, woat doaderch läwen.” #3Mo 18,5 6Oba de Jerajchtichkjeit dee derch däm Gloowen kjemt, sajcht soo: “Saj nich to die selfst: Wäa woat nopp foaren nom Himmel?” (Daut meent Christus rauf holen.) #5Mo 30,11-14 7ooda: “Wäa woat rauf foaren no de Doodes?” (Daut heet Christus von doa rut holen), 8oba waut sajcht dee? “Daut Wuat es dicht bie die, du hast daut em Mul uk em Hoaten.” Daut es daut Wuat vom Gloowen daut wie prädjen. 9Wan du met daut Mul Jesus aus Harn bekjanst, un jleefst, daut Gott am vom Doot oppjewoakt haft, woascht du seelich. #Mat 10,32; 2Kor 4,5 10Wäa von Hoaten jleeft, woat jerajcht, un wäa met däm Mul bekjant, woat seelich. 11De Schreft sajcht: “Wäaemma aun am jleeft, woat nich toschaund woaren.” #Jes 28,16 12Doa es kjeen Unjascheet tweschen Juden un Griechen, wiels deeselwja Har es Har äwa aule, rikj jenuach aule daut to jäwen, no waut see bäden. #Apost 10,34-35; 15,9 13Wiels “wäaemma dän Harn en sien Nomen aunroopt, woat seelich woaren”. #Joel 3,5
Israel haft de Bootschoft jehieet oba nich aunjenomen
14Oba woo sellen see dän aunroopen, aun dän see nich jejleeft haben? Ooda woo sellen see aun dän jleewen, von däm see nie jehieet haben? Un woo sellen see hieren, wan doa kjeen Prädja es? 15Un woo sellen see prädjen, wan see nich jeschekjt woaren? Soo aus jeschräwen steit: “Woo wundascheen es daut wan dee komen, dee ons dän Fräd prädjen, dee ons daut goode to sajen haben!” #Jes 52,7 16Oba see haben nich aula doaropp jeacht, waut daut Evangelium säd. Jesaja säd: “Har, wäa jleeft, waut wie prädjen?” #Jes 53,1 17Soo kjemt de Gloowen derch de Prädicht un de Prädicht von Christus sien Wuat. #Joh 17,20 18Ekj froag oba: Dee haben daut secha noch niemols jehieet, haben see? Secha haben see!
“Äare Stemm es äwa de gaunze Ieed jegonen
un äare Wieed soo wiet aus de Welt rieekjt”. #Psa 19,5; Reema 15,19
19Ekj froag oba: Israel haft oba secha nich jewist, deeden see? Moses säd aul:
“Ekj well en junt een Aufgonst wakjen derch dee, daut nich een Volkj es;
un junt toom Oaja reizen derch een Volkj daut von nuscht weet.” #5Mo 32,21
20Un Jesaja woacht sikj to sajen:
“Ekj wort von dee jefungen, dee nich no mie sochten.
Ekj wort met soone bekaunt, dee nich no mie fruagen.” #Jes 65,1; Reema 9,30
21Oba von Israel sajcht hee:
“Ekj hool miene Henj dän dachäwa utjestrakjt
no een wadaspanstjet Volkj, daut nich horchen well.” #Jes 65,2
હાલમાં પસંદ કરેલ:
Reema 10: PB
Highlight
શેર કરો
Compare
નકલ કરો
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Reema 10
10
De Radunk es fa aule Menschen
1Breeda, ekj wensch von Hoaten, daut Israel seelich woaren mucht, un ekj bäd fa an to Gott. 2Ekj jäw an daut Zeichnis, daut see fa Gott iewren, oba see weeten nich om waut. 3See kjanden Gott siene Jerajchtichkjeit nich un vesochten äare ieejne häatostalen, un soo stalden see sikj uk nich unja Gott siene Jerajchtichkjeit. #Reema 1,17 4Christus haft met daut Jerajchtichkjeits Jesaz een Enj jemoakt. Wäa aun am jleeft, dee es jerajcht. #Mat 5,17; Joh 3,18; Gal 3,24-25; Heb 8,13
5Moses schrift von de Jerajchtichkjeit, dee derch daut Jesaz kjemt: “De Mensch, dee daut deit, woat doaderch läwen.” #3Mo 18,5 6Oba de Jerajchtichkjeit dee derch däm Gloowen kjemt, sajcht soo: “Saj nich to die selfst: Wäa woat nopp foaren nom Himmel?” (Daut meent Christus rauf holen.) #5Mo 30,11-14 7ooda: “Wäa woat rauf foaren no de Doodes?” (Daut heet Christus von doa rut holen), 8oba waut sajcht dee? “Daut Wuat es dicht bie die, du hast daut em Mul uk em Hoaten.” Daut es daut Wuat vom Gloowen daut wie prädjen. 9Wan du met daut Mul Jesus aus Harn bekjanst, un jleefst, daut Gott am vom Doot oppjewoakt haft, woascht du seelich. #Mat 10,32; 2Kor 4,5 10Wäa von Hoaten jleeft, woat jerajcht, un wäa met däm Mul bekjant, woat seelich. 11De Schreft sajcht: “Wäaemma aun am jleeft, woat nich toschaund woaren.” #Jes 28,16 12Doa es kjeen Unjascheet tweschen Juden un Griechen, wiels deeselwja Har es Har äwa aule, rikj jenuach aule daut to jäwen, no waut see bäden. #Apost 10,34-35; 15,9 13Wiels “wäaemma dän Harn en sien Nomen aunroopt, woat seelich woaren”. #Joel 3,5
Israel haft de Bootschoft jehieet oba nich aunjenomen
14Oba woo sellen see dän aunroopen, aun dän see nich jejleeft haben? Ooda woo sellen see aun dän jleewen, von däm see nie jehieet haben? Un woo sellen see hieren, wan doa kjeen Prädja es? 15Un woo sellen see prädjen, wan see nich jeschekjt woaren? Soo aus jeschräwen steit: “Woo wundascheen es daut wan dee komen, dee ons dän Fräd prädjen, dee ons daut goode to sajen haben!” #Jes 52,7 16Oba see haben nich aula doaropp jeacht, waut daut Evangelium säd. Jesaja säd: “Har, wäa jleeft, waut wie prädjen?” #Jes 53,1 17Soo kjemt de Gloowen derch de Prädicht un de Prädicht von Christus sien Wuat. #Joh 17,20 18Ekj froag oba: Dee haben daut secha noch niemols jehieet, haben see? Secha haben see!
“Äare Stemm es äwa de gaunze Ieed jegonen
un äare Wieed soo wiet aus de Welt rieekjt”. #Psa 19,5; Reema 15,19
19Ekj froag oba: Israel haft oba secha nich jewist, deeden see? Moses säd aul:
“Ekj well en junt een Aufgonst wakjen derch dee, daut nich een Volkj es;
un junt toom Oaja reizen derch een Volkj daut von nuscht weet.” #5Mo 32,21
20Un Jesaja woacht sikj to sajen:
“Ekj wort von dee jefungen, dee nich no mie sochten.
Ekj wort met soone bekaunt, dee nich no mie fruagen.” #Jes 65,1; Reema 9,30
21Oba von Israel sajcht hee:
“Ekj hool miene Henj dän dachäwa utjestrakjt
no een wadaspanstjet Volkj, daut nich horchen well.” #Jes 65,2
હાલમાં પસંદ કરેલ:
:
Highlight
શેર કરો
Compare
નકલ કરો
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.