This translation, published by the Bible Society of Zambia, was published in 2015. If you are interested in the work that the Bible Society of Zambia is doing please visit www.unitedbiblesocieties.org.

Ishiwi Lyakwa Lesa 2016

<div class="version vid1097 iso6393bem" data-vid="1097" data-iso6393="bem">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Abramu na Loti bapatulukana</div><div class="p"> 1Kanshi ilyo Abramu afumine mu Egupto abwelele ku matololo ya Negebu, ali no mukashi wakwe na fyonse ifyo akwete, kabili Loti aile nankwe. 2Abramu aba umukankala nganshi, akwata ifitekwa, silifa na golide. 3Ukufuma ku Negebu, apitile mu ncende ishalekana lekana, asuka afika na ku Betele pa ncende imo pakati ka Betele na Ai, apo kale acitile inkambi yakwe, 4kabili apo akuulile ubulambo bwantanshi. Pali iyi incende epo Abramu apepele Yawe.</div><div class="p"> 5Nomba Loti uwaleendauka na Abramu nao alikwete imikuni ya mpaanga, imbushi ne &#331;ombe pamo na matenti. 6Lelo impanga baleikalapo yacepa ilyo bali pamo pantu icuma bakwete califulishe icakuti bafilwa no kwikala pamo. 7Bakacema ba fitekwa fyakwa Abramu balaumana na bakacema ba fitekwa fyakwa Loti. Pali iyo nshita ninshi abena Kenani na bena Perisi nabo bene baleikala muli ici calo.</div><div class="p"> 8Elyo Abramu aebele Loti ati, &#8220;Tatufwile ukulaumana iwe na ine, nangu bakacema bobe na bakacema bandi, pantu tuli ba mu lupwa lumo. 9Bushe icalo conse ici tekuti cibe cobe? Natupatulukane, iwe nga uleya ku kuso, ine ninshi ndeya ku kulyo. Elyo nga cakuti iwe uleya ku kulyo, ine ninshi ndeya ku kuso.&#8221; 10#Icite 2:10Loti ainuna amenso amona iwanga lyonse ilya Yordani ukuti mwaliba amenshi kwatifye ni mwibala lyakwa Yawe, nangu kwati mushili wa mu Egupto ukulola ku Soari. Ili cali ilyo Yawe ali talaonaula Sodoma na Gomora. 11Kanshi aba bantu babili epakupatulukana. Loti asalapo umwine iwanga lyonse ilya Yordani, aima alungama na ku kabanga. 12Abramu ashala aleikala mu calo ca Kenani elyo Loti aleikala mu musumba wa mwiwanga, kabili acitile inkambi yakwe mupepi no musumba wa Sodoma. 13Nomba abantu ba mu Sodoma bali ababi kabili balebifya nganshi kuli Yawe.</div><div class="s1">Abramu akukila ku Hebuloni</div><div class="p"> 14Panuma yakupatukana kwakwa Loti na Abramu, Yawe aebele Abramu ati, &#8220;Inuna amenso, uloleshe ukufuma apo pene wiminine, ku kapinda ka kuso, ku kapinda ka kulyo, ku kabanga na ku masamba. 15#Imili 7:5Icalo conse ici ulemona, nkacipeela kuli iwe na bana bobe. 16Nkalenga ukuti abana bobe bakafule kwati lukungu lwa pano isonde. Nga cakuti umuntu kuti apenda ulukungu, ninshi lyena kuti apenda na bana bobe. 17Ima, wende ukuya mubutali na mu bwipi bwa calo, pantu ni kuli iwe ndecipeela.&#8221; 18Kanshi Abramu epakusesha inkambi yakwe aya ikala mupepi ne miti ikulu iya oki iyakwa Mamure ku Hebuloni, kulya kwine eko akuulile Yawe ubulambo.</div>
 </div>
 </div>
</div>

Kanshi ilyo Abramu afumine mu Egupto abwelele ku matololo ya Negebu, ali no mukashi wakwe na fyonse ifyo akwete, kabili Loti aile nankwe. Abramu aba umukankala nganshi, akwata ifitekwa, silifa na golide. Ukufuma ku Negebu, apitile mu ncende ishalekana lekana, asuka afika na ku Betele pa ncende imo pakati ka Betele na Ai, apo kale acitile inkambi yakwe, kabili apo akuulile ubulambo bwantanshi. Pali iyi incende epo Abramu apepele Yawe.
Nomba Loti uwaleendauka na Abramu nao alikwete imikuni ya mpaanga, imbushi ne ŋombe pamo na matenti. Lelo impanga baleikalapo yacepa ilyo bali pamo pantu icuma bakwete califulishe icakuti bafilwa no kwikala pamo. Bakacema ba fitekwa fyakwa Abramu balaumana na bakacema ba fitekwa fyakwa Loti. Pali iyo nshita ninshi abena Kenani na bena Perisi nabo bene baleikala muli ici calo.
Elyo Abramu aebele Loti ati, “Tatufwile ukulaumana iwe na ine, nangu bakacema bobe na bakacema bandi, pantu tuli ba mu lupwa lumo. Bushe icalo conse ici tekuti cibe cobe? Natupatulukane, iwe nga uleya ku kuso, ine ninshi ndeya ku kulyo. Elyo nga cakuti iwe uleya ku kulyo, ine ninshi ndeya ku kuso.” Loti ainuna amenso amona iwanga lyonse ilya Yordani ukuti mwaliba amenshi kwatifye ni mwibala lyakwa Yawe, nangu kwati mushili wa mu Egupto ukulola ku Soari. Ili cali ilyo Yawe ali talaonaula Sodoma na Gomora. Kanshi aba bantu babili epakupatulukana. Loti asalapo umwine iwanga lyonse ilya Yordani, aima alungama na ku kabanga. Abramu ashala aleikala mu calo ca Kenani elyo Loti aleikala mu musumba wa mwiwanga, kabili acitile inkambi yakwe mupepi no musumba wa Sodoma. Nomba abantu ba mu Sodoma bali ababi kabili balebifya nganshi kuli Yawe.

Panuma yakupatukana kwakwa Loti na Abramu, Yawe aebele Abramu ati, “Inuna amenso, uloleshe ukufuma apo pene wiminine, ku kapinda ka kuso, ku kapinda ka kulyo, ku kabanga na ku masamba. Icalo conse ici ulemona, nkacipeela kuli iwe na bana bobe. Nkalenga ukuti abana bobe bakafule kwati lukungu lwa pano isonde. Nga cakuti umuntu kuti apenda ulukungu, ninshi lyena kuti apenda na bana bobe. Ima, wende ukuya mubutali na mu bwipi bwa calo, pantu ni kuli iwe ndecipeela.” Kanshi Abramu epakusesha inkambi yakwe aya ikala mupepi ne miti ikulu iya oki iyakwa Mamure ku Hebuloni, kulya kwine eko akuulile Yawe ubulambo.

להקשיב ל Icitendekelo 13