Kupang Malay - 2016 UBB (NT) Non Drama

Kupang Malay - 2016 UBB (NT) Drama

<div class="version vid1287 iso6393mkn" data-vid="1287" data-iso6393="mkn">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Tuhan Yesus katumu satu tukang tagi bea, nama Sakeos</div><div class="p"> 1Ais Yesus dong maso iko kota Yeriko, ko dong mau jalan tar&#250;s. 2Di situ ada satu kapala tukang tagi bea kasi pamarenta Roma. Dia pung nama Sakeos, deng dia orang kaya. 3Waktu dia dengar Yesus ada mau lewat, ju dia kapingin lia sang Yesus. Ma dia sonde bisa dapa lia deng bae, tagal orang talalu banya makarubu sang Yesus, deng dia pung badan talalu pende. 4Andia ko dia lari-lari lebe dolo, ais nae pi atas satu pohon di jalan pung pinggir, yang Yesus mau lewat.#19:4:Tulisan bahasa Yunani bilang ini pohon sukomorea. Jenis pohon itu sonde ada di Indonesia sabl&#225; timur.</div><div class="p"> 5Sampe di bawa itu pohon, ju Yesus lia pi atas. Ais Dia pange sang Sakeos bilang, &#8220;Sakeos! Mari, turun su! Cap&#225;t, te ini hari beta mau manumpang di lu pung ruma.&#8221;</div><div class="p"> 6Sakeos taheran-heran. Ju dia turun cap&#225;t-cap&#225;t, ais bawa sang Yesus pi dia pung ruma. Dia pung hati san&#225;ng mau mati. 7Ma ada banya orang mangomek bilang, &#8220;Cue! Sakeos ni, orang tar bae! Akurang ko Yesus maso pi manumpang di dia pung ruma?! Samua orang su tau na!&#8221;</div><div class="p"> 8Sampe di ruma ju, Sakeos badiri di Yesus pung muka, ais omong bilang, &#8220;Bapa Guru! Mulai ini hari beta bagi dua beta pung harta samua, ko kasi satu bagian pi orang malarat dong. Kalo beta parn&#225; tagi pajak lebe-lebe, beta bayar kambali sang dong ampa kali lipat.&#8221;</div><div class="p"> 9Yesus manyao bilang, &#8220;Bae. Ini hari Tuhan Allah su kasi salamat sang lu deng lu pung kelu samua, tagal lu parcaya sang Tuhan sama ke ba&#42892;i Abraham. 10Te Tuhan Allah utus sang Beta jadi Manusia Tulen di ini dunya. Beta datang ko cari orang yang su serong dari Tuhan pung jalan, ko kasi salamat sang dong.&#8221;#Mateos 18:11</div><div class="s1">Carita so&#42892;al budak yang ator bae-bae dia pung tuan pung doi</div><div class="r">(Mateos 25:14-30)</div><div class="p"> 11Itu waktu, ada banya orang yang iko dengar sang Yesus. Dong su mau deka-deka deng kota Yerusalem. Dong ju sangka Dia su mau kasi jalan Tuhan Allah pung parenta di situ, sama ke satu raja. Ais Yesus carita kasi sang dong satu umpama lai, 12bilang, &#8220;Ada satu orang b&#233;sar. Dia mau barangkat pi luar negr&#237;, ko dong lantik sang dia jadi raja. Ais itu, baru dia mau kambali lai jadi raja di dia pung negr&#237; sandiri. 13Waktu dia su siap mau jalan, dia pange dia pung orang karj&#225; sapulu orang, ais kasi sang dong satu orang satu doi mas.#19:13:Tulisan bahasa Yunani bilang dia kasi dong, &#8216;10 mina&#8217;. Satu mina, andia 100 denari, ko, satu tukang pung gaji 100 hari karj&#225;. Dia parenta bilang, &#8216;Bosong pake ini doi jadi modal. Te nanti kalo beta pulang, bosong lapor bosong su ontong barapa.&#8217; Ais ju dia barangkat.</div><div class="p"> 14Ma dia pung rakyat dong binci sang dia. Jadi dong kirim utusan pi sana ko kasi tau bilang, &#8216;Botong sonde mau ini orang pegang parenta kasi botong.&#8217;</div><div class="p"> 15Biar bagitu ju, ma dong lantik sang dia di sana. Ais ju dia pulang. Sampe di dia pung ruma, ju dia pange ame itu orang karj&#225; sapulu orang dong, ais tanya sang dong bilang, &#8216;Bosong su ontong barapa dari itu doi mas yang beta kasi sang bosong tu?&#8217;</div><div class="p"> 16Orang karj&#225; partama lapor bilang, &#8216;Bapa raja! Beta su dapa ontong sapulu kali dari modal yang beta tarima!&#8217;</div><div class="p"> 17Ju raja kasi tau sang dia bilang, &#8216;Bagus! Lu ni, orang karj&#225; yang bae. Tagal beta bisa parcaya sang lu deng hal kici dong, andia ko sakarang beta angka sang lu ko parenta sapulu kota.&#8217;</div><div class="p"> 18Tar&#250;s, orang karj&#225; nomer dua lapor bilang, &#8216;Bapa raja! Beta dapa ontong lima doi mas dari modal yang beta tarima.&#8217;</div><div class="p"> 19Ais, itu raja puji sang dia bilang, &#8216;Bagus! Kalo bagitu, beta angka sang lu ko parenta lima kota.&#8217;</div><div class="p"> 20Ma orang karj&#225; nomer tiga bawa pulang dia pung doi mas. Ais dia kasi tau bilang, &#8216;Ini bos pung doi! Beta bungkus, ais sambunyi sang dia bae-bae ko jang ilang. 21Beta bekin bagitu, tagal beta taku. Beta tau bapa ni orang kar&#225;s. Te bapa suka ame apa yang bukan bapa pung, deng ketu ame apa yang bapa sonde tanam.&#8217;</div><div class="p"> 22Dengar bagitu, ju raja masparak sang dia bilang, &#8216;Lu ni, kurang ajar! Lu pung omong su hukum lu pung diri sandiri. Lu kira beta ni orang kar&#225;s, yang ame apa yang bukan beta pung, deng ketu apa yang beta sonde tanam. 23Kalo bagitu, na, akurang ko lu sonde pi simpan ini doi di bank? Ko biar waktu beta pulang, beta bisa dapa dia pung bunga. Biar sadiki ju bae.&#8217;</div><div class="p"> 24Tar&#250;s, itu raja suru orang laen dong di situ bilang, &#8216;Ame dia pung doi tu, ko sarakan kasi orang karj&#225; yang dapa ontong sapulu tadi.&#8217;</div><div class="p"> 25Ma dong protes bilang, &#8216;Pak! Itu orang su dapa cukup. Akurang ko mau ame dari orang yang pung sadiki, ko kasi tamba sang dia lai?&#8217;</div><div class="p"> 26Ma itu raja manyao bilang, &#8216;Pikir bae-bae! Te orang yang pintar urus apa yang orang su parcaya kasi dia, nanti dia dapa tamba lai. Ma orang yang malas urus, nanti dong ame bekin abis apa yang dia pung.#Mateos 13:12; Markus 4:25; Lukas 8:18 27Naa! Sakarang bosong pi tangkap beta pung musu dong yang sonde suka beta jadi raja di sini. Bawa sang dong datang di sini, ais bunu sang dong samua di beta pung muka. Pi su!&#8217;&#8202;&#8221;#Mateos 25:14-30</div><div class="s1">Tuhan Yesus maso pi kota Yerusalem</div><div class="r">(Mateos 21:1-11; Markus 11:1-11; Yohanis 12:12-19)</div><div class="p"> 28Yesus carita abis ju, dong jalan tar&#250;s pi Yerusalem. Yesus ada jalan di muka. 29Waktu su mau deka-deka deng dua kampong, andia Betfage deng Betania, yang ada di gunung Saitun pung pinggir, ju Dia suru Dia pung ana bua dua orang ko jalan lebe dolo. 30Dia suru sang dong bilang, &#8220;Bosong dua pi kampong yang di muka tu. Nanti bosong dapa lia satu keledai ana ada ta&#42892;ika di situ. Orang bal&#243;m parn&#225; nae sang dia. Bosong buka dia pung tali ko hela bawa datang di sini. 31Ma kalo ada yang tanya bilang, &#8216;Akurang ko bosong buka itu keledai pung tali?&#8217; na, kasi tau sang dong bilang, &#8216;Botong pung Bos ada mau pake sang dia.&#8217;&#8202;&#8221;</div><div class="p"> 32Ais dong dua pi, ju katumu itu keledai ana, sama ke Yesus pung omong. 33Waktu dong ada lap&#225;s itu keledai ana pung tali, ju dia pung tuan tanya sang dong bilang, &#8220;Akurang ko bosong lap&#225;s ini binatang?&#8221;</div><div class="p"> 34Ju dong manyao bilang, &#8220;Botong pung Bos ada mau pake.&#8221; 35Itu tuan tarima bae, ais dong dua hela bawa itu keledai ana pi sang Yesus. Dong buka dong pung salimut di itu keledai ana pung balakang. Ju dong kasi nae Yesus pi atas.#19:35:Di sana, orang b&#233;sar nae kuda, ma orang kici nae keledai. Tuhan Yesus nae keledai tu, jadi tanda Dia pung rand&#225; hati. Di Sakaria 9:9, ju ada satu janji yang bilang orang Isra&#42892;el pung raja nanti mau datang nae keledai. 36Orang banya ju ame dong pung salimut deng salendang, ais buka di jalan, ko sambut sang Yesus sama ke tarima orang b&#233;sar. 37Waktu Dia mulai jalan turun dari gunung Saitun, ju itu orang banya deng Dia pung ana bua dong mulai ba&#42892;eki puji-puji sang Tuhan Allah, tagal samua tanda kuasa yang dong su lia tu. 38Dong ba&#42892;eki bilang,</div><div class="q1">&#8220;Dia ni, Raja yang Tuhan Allah utus datang!</div><div class="q2">Tuhan Allah kasi berkat sang Dia!</div><div class="q3">Sakarang manusia su bisa badame deng Tuhan di sorga.</div><div class="q1">Puji sang Tuhan yang dudu parenta di langit yang paling tinggi.&#8221;#Lagu Puji dong 118:26</div><div class="p"> 39Ma ada orang Farisi di itu orang banya dong pung teng-tenga. Dong lapor sang Yesus bilang, &#8220;Bapa Guru! Togor ko dong jang batarea bagitu, te ini su talalu!&#8221;</div><div class="p"> 40Ma Yesus manyao bilang, &#8220;Hee! Beta kasi tau memang! Kalo ini orang dong tutu mulu, nanti batu dong yang puji sang Tuhan!&#8221;</div><div class="s1">Tuhan Yesus manangis kasi Yerusalem</div><div class="p"> 41Waktu dong su deka-deka maso Yerusalem, Yesus dapa lia itu kota, ju Dia manangis 42bilang, &#8220;Aduu, orang Yerusalem, &#233;! Beta mau ko ini hari bosong tarima dame yang Beta bawa. Ma tagal bosong sonde toe sang Tuhan, jadi sakarang su talambat. Itu dame su jao dari bosong. 43Nanti bosong pung musu dong timbun tana kuliling kota pung tembok, ais dong maso sar&#225;ng sang bosong. 44Dong kasi rubu sang bosong pung kota rata deng tana, ais bunu bosong deng bosong pung ana-ana dong samua. Dong sonde kasi tenga satu batu badiri, tagal Tuhan su datang ko mau kasi salamat sang bosong, ma bosong sonde kan&#225;l sang Dia!&#8221;</div><div class="s1">Tuhan Yesus maso pi Ruma Sambayang Pusat</div><div class="r">(Mateos 21:12-17; Markus 11:15-19; Yohanis 2:13-22)</div><div class="p"> 45Ais ju Yesus maso pi dalam Ruma Sambayang Pusat. Di itu ruma pung kintal, orang su bekin jadi pasar ko jual binatang korban. Lia bagitu ju, Yesus mulai usir kasi kaluar sang dong dari situ. 46Dia masparak bilang, &#8220;Tuhan pung jubir su tulis memang bilang,</div><div class="q1">&#8216;Beta kasi bangun ini Ruma,</div><div class="q2">ko samua orang bisa datang sambayang di sini.&#8217;#Yesaya 56:7; Yeremia 7:11</div><div class="p">Ma bosong su bekin sang dia jadi parampok dong pung tampa bakumpul.&#8221;</div><div class="p"> 47Ais itu, tiap hari Yesus pi Ruma Sambayang Pusat ko ajar di situ. Ma kapala agama Yahudi pung bos-bos, guru agama deng tua-tua adat Yahudi dong cari-cari jalan ko mau bunu sang Dia.#Lukas 21:37 48Ma dong sonde dapa jalan, tagal itu orang banya dong talalu san&#225;ng dengar Yesus pung omong.</div>
 </div>
 </div>
</div>

Ais Yesus dong maso iko kota Yeriko, ko dong mau jalan tarús. Di situ ada satu kapala tukang tagi bea kasi pamarenta Roma. Dia pung nama Sakeos, deng dia orang kaya. Waktu dia dengar Yesus ada mau lewat, ju dia kapingin lia sang Yesus. Ma dia sonde bisa dapa lia deng bae, tagal orang talalu banya makarubu sang Yesus, deng dia pung badan talalu pende. Andia ko dia lari-lari lebe dolo, ais nae pi atas satu pohon di jalan pung pinggir, yang Yesus mau lewat.
Sampe di bawa itu pohon, ju Yesus lia pi atas. Ais Dia pange sang Sakeos bilang, “Sakeos! Mari, turun su! Capát, te ini hari beta mau manumpang di lu pung ruma.”
Sakeos taheran-heran. Ju dia turun capát-capát, ais bawa sang Yesus pi dia pung ruma. Dia pung hati sanáng mau mati. Ma ada banya orang mangomek bilang, “Cue! Sakeos ni, orang tar bae! Akurang ko Yesus maso pi manumpang di dia pung ruma?! Samua orang su tau na!”
Sampe di ruma ju, Sakeos badiri di Yesus pung muka, ais omong bilang, “Bapa Guru! Mulai ini hari beta bagi dua beta pung harta samua, ko kasi satu bagian pi orang malarat dong. Kalo beta parná tagi pajak lebe-lebe, beta bayar kambali sang dong ampa kali lipat.”
Yesus manyao bilang, “Bae. Ini hari Tuhan Allah su kasi salamat sang lu deng lu pung kelu samua, tagal lu parcaya sang Tuhan sama ke baꞌi Abraham. Te Tuhan Allah utus sang Beta jadi Manusia Tulen di ini dunya. Beta datang ko cari orang yang su serong dari Tuhan pung jalan, ko kasi salamat sang dong.”


Itu waktu, ada banya orang yang iko dengar sang Yesus. Dong su mau deka-deka deng kota Yerusalem. Dong ju sangka Dia su mau kasi jalan Tuhan Allah pung parenta di situ, sama ke satu raja. Ais Yesus carita kasi sang dong satu umpama lai, bilang, “Ada satu orang bésar. Dia mau barangkat pi luar negrí, ko dong lantik sang dia jadi raja. Ais itu, baru dia mau kambali lai jadi raja di dia pung negrí sandiri. Waktu dia su siap mau jalan, dia pange dia pung orang karjá sapulu orang, ais kasi sang dong satu orang satu doi mas. Dia parenta bilang, ‘Bosong pake ini doi jadi modal. Te nanti kalo beta pulang, bosong lapor bosong su ontong barapa.’ Ais ju dia barangkat.
Ma dia pung rakyat dong binci sang dia. Jadi dong kirim utusan pi sana ko kasi tau bilang, ‘Botong sonde mau ini orang pegang parenta kasi botong.’
Biar bagitu ju, ma dong lantik sang dia di sana. Ais ju dia pulang. Sampe di dia pung ruma, ju dia pange ame itu orang karjá sapulu orang dong, ais tanya sang dong bilang, ‘Bosong su ontong barapa dari itu doi mas yang beta kasi sang bosong tu?’
Orang karjá partama lapor bilang, ‘Bapa raja! Beta su dapa ontong sapulu kali dari modal yang beta tarima!’
Ju raja kasi tau sang dia bilang, ‘Bagus! Lu ni, orang karjá yang bae. Tagal beta bisa parcaya sang lu deng hal kici dong, andia ko sakarang beta angka sang lu ko parenta sapulu kota.’
Tarús, orang karjá nomer dua lapor bilang, ‘Bapa raja! Beta dapa ontong lima doi mas dari modal yang beta tarima.’
Ais, itu raja puji sang dia bilang, ‘Bagus! Kalo bagitu, beta angka sang lu ko parenta lima kota.’
Ma orang karjá nomer tiga bawa pulang dia pung doi mas. Ais dia kasi tau bilang, ‘Ini bos pung doi! Beta bungkus, ais sambunyi sang dia bae-bae ko jang ilang. Beta bekin bagitu, tagal beta taku. Beta tau bapa ni orang karás. Te bapa suka ame apa yang bukan bapa pung, deng ketu ame apa yang bapa sonde tanam.’
Dengar bagitu, ju raja masparak sang dia bilang, ‘Lu ni, kurang ajar! Lu pung omong su hukum lu pung diri sandiri. Lu kira beta ni orang karás, yang ame apa yang bukan beta pung, deng ketu apa yang beta sonde tanam. Kalo bagitu, na, akurang ko lu sonde pi simpan ini doi di bank? Ko biar waktu beta pulang, beta bisa dapa dia pung bunga. Biar sadiki ju bae.’
Tarús, itu raja suru orang laen dong di situ bilang, ‘Ame dia pung doi tu, ko sarakan kasi orang karjá yang dapa ontong sapulu tadi.’
Ma dong protes bilang, ‘Pak! Itu orang su dapa cukup. Akurang ko mau ame dari orang yang pung sadiki, ko kasi tamba sang dia lai?’
Ma itu raja manyao bilang, ‘Pikir bae-bae! Te orang yang pintar urus apa yang orang su parcaya kasi dia, nanti dia dapa tamba lai. Ma orang yang malas urus, nanti dong ame bekin abis apa yang dia pung. Naa! Sakarang bosong pi tangkap beta pung musu dong yang sonde suka beta jadi raja di sini. Bawa sang dong datang di sini, ais bunu sang dong samua di beta pung muka. Pi su!’ ”


Yesus carita abis ju, dong jalan tarús pi Yerusalem. Yesus ada jalan di muka. Waktu su mau deka-deka deng dua kampong, andia Betfage deng Betania, yang ada di gunung Saitun pung pinggir, ju Dia suru Dia pung ana bua dua orang ko jalan lebe dolo. Dia suru sang dong bilang, “Bosong dua pi kampong yang di muka tu. Nanti bosong dapa lia satu keledai ana ada taꞌika di situ. Orang balóm parná nae sang dia. Bosong buka dia pung tali ko hela bawa datang di sini. Ma kalo ada yang tanya bilang, ‘Akurang ko bosong buka itu keledai pung tali?’ na, kasi tau sang dong bilang, ‘Botong pung Bos ada mau pake sang dia.’ ”
Ais dong dua pi, ju katumu itu keledai ana, sama ke Yesus pung omong. Waktu dong ada lapás itu keledai ana pung tali, ju dia pung tuan tanya sang dong bilang, “Akurang ko bosong lapás ini binatang?”
Ju dong manyao bilang, “Botong pung Bos ada mau pake.” Itu tuan tarima bae, ais dong dua hela bawa itu keledai ana pi sang Yesus. Dong buka dong pung salimut di itu keledai ana pung balakang. Ju dong kasi nae Yesus pi atas. Orang banya ju ame dong pung salimut deng salendang, ais buka di jalan, ko sambut sang Yesus sama ke tarima orang bésar. Waktu Dia mulai jalan turun dari gunung Saitun, ju itu orang banya deng Dia pung ana bua dong mulai baꞌeki puji-puji sang Tuhan Allah, tagal samua tanda kuasa yang dong su lia tu. Dong baꞌeki bilang,
“Dia ni, Raja yang Tuhan Allah utus datang!
Tuhan Allah kasi berkat sang Dia!
Sakarang manusia su bisa badame deng Tuhan di sorga.
Puji sang Tuhan yang dudu parenta di langit yang paling tinggi.”
Ma ada orang Farisi di itu orang banya dong pung teng-tenga. Dong lapor sang Yesus bilang, “Bapa Guru! Togor ko dong jang batarea bagitu, te ini su talalu!”
Ma Yesus manyao bilang, “Hee! Beta kasi tau memang! Kalo ini orang dong tutu mulu, nanti batu dong yang puji sang Tuhan!”

Waktu dong su deka-deka maso Yerusalem, Yesus dapa lia itu kota, ju Dia manangis bilang, “Aduu, orang Yerusalem, é! Beta mau ko ini hari bosong tarima dame yang Beta bawa. Ma tagal bosong sonde toe sang Tuhan, jadi sakarang su talambat. Itu dame su jao dari bosong. Nanti bosong pung musu dong timbun tana kuliling kota pung tembok, ais dong maso saráng sang bosong. Dong kasi rubu sang bosong pung kota rata deng tana, ais bunu bosong deng bosong pung ana-ana dong samua. Dong sonde kasi tenga satu batu badiri, tagal Tuhan su datang ko mau kasi salamat sang bosong, ma bosong sonde kanál sang Dia!”


Ais ju Yesus maso pi dalam Ruma Sambayang Pusat. Di itu ruma pung kintal, orang su bekin jadi pasar ko jual binatang korban. Lia bagitu ju, Yesus mulai usir kasi kaluar sang dong dari situ. Dia masparak bilang, “Tuhan pung jubir su tulis memang bilang,
‘Beta kasi bangun ini Ruma,
ko samua orang bisa datang sambayang di sini.’
Ma bosong su bekin sang dia jadi parampok dong pung tampa bakumpul.”
Ais itu, tiap hari Yesus pi Ruma Sambayang Pusat ko ajar di situ. Ma kapala agama Yahudi pung bos-bos, guru agama deng tua-tua adat Yahudi dong cari-cari jalan ko mau bunu sang Dia. Ma dong sonde dapa jalan, tagal itu orang banya dong talalu sanáng dengar Yesus pung omong.

להקשיב ל Lukas 19