<div class="version vid1340 iso6393mna" data-vid="1340" data-iso6393="mna">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">Merere iboobo Abaram</div><div class="p"> 1Aigule ta, Merere ipet ki Abaram mi iso pini ta kembei. Iso: &#8220;Abaram, zem toono ku, mi tomom ma nom ma to&#331;matizi&#331; ku, mi ma&#331;ga ma la pa toono tabe a&#331;so u pa i.#&#330;go 7:2; Ibr 11:8 2Nio ko a&#331;kam popo&#331;ana ku ma tipet ma tiwe boozo kat mi wal zan&#331;an. Mi kampe&#331;ana tio ko imbotmbot se ku, mi a&#331;kam zom ma iwe biibi. Mi nu ko we zaala pa wal boozomen be tikam kampe&#331;ana ambai&#331;ana. 3Wal ta so tikampe u, na nio ko a&#331;kampe zin. Mi zin wal ta so matan pasomu, na kete&#331; malmal&#331;ana tio ko ise kizin. Mi nu ko we zaala be kampe&#331;ana biibi ise kizin karkari ta boozomen ta timbotmbot pa toono na.&#8221;#&#330;go 3:25; Ga 3:8</div><div class="p"> 4Merere iso sua tana, to Abaram ito kal&#331;aana, mi ima&#331;ga ma izem kar Aran. Mi tiziini lutuunu Lot igaabi ma zi&#331;an tila. Indee&#331;e tana Abaram ndaama kini irao 75 kek. 5Tana Abaram ikam kusiini Sarai, mi lutuunu Lot, mi mburu kizin ta boozomen ma zi&#331;an zin mbesoo&#331;o kizin tau tikam zin su kar Aran na, tima&#331;ga pa pai kizin. Tiwwa ma tila, mi tipet toono Kanaan.</div><div class="p"> 6Abaram bizin tiwwa pa toono Kanaan, mi tila tipet kar Sekem. Kar tina, ke biibi ta imbotmbot, zaana More. Indee&#331;e tana, zin tomtom ki Kanaan timbotmbot pa toono tana.</div><div class="p"> 7To Merere ipet ki Abaram isu tana, mi iso pini. Iso: &#8220;Toono tabe a&#331;kam pa popo&#331;ana ku ta ti&#331;gi.&#8221; To Abaram indou pat isu lele tana be iwe patoron&#331;ana muriini. Paso, Merere ipet kini isu tana.#&#330;go 7:5</div><div class="p"> 8Kaimer na, Abaram izem Sekem, mi ipa ma ila pa lele abalabal&#331;ana ta imbot la zo&#331; uunu pa kar Betel. To ipun su kar Betel mi kar Ai mazwan. Kar Betel imbot la iwaara mi kar Ai imbot la re. Mi Abaram ipo patoron&#331;ana muriini isu lele tana mi isu&#331; pa Merere.</div><div class="p"> 9Kaimer to ni ima&#331;ga mini pa pai, mi iwwa ma ila pa lele pakaana biibi ta zaana Negeb.</div><div class="s">Abaram isula Aikuptu</div><div class="r">(Un 20:1-18, 26:1-11)</div><div class="p"> 10Timbotmbot su tana, mi peteele biibi ipet ma toono ki Kanaan na, kini sa som kat. Tana Abaram iko ma isula pa Aikuptu be imbot &#331;ana ri, tonabe imiili ma ise mini. 11Tila ma tigarau pa Aikuptu, to Abaram iso pa kusiini Sarai ta kembei. Iso: &#8220;Le&#331;. Nio a&#331;ute nu moori kaibiim kat. 12Tana zin wal ki Aikuptu tisombe tire u, nako matan berber pu. To tipun yo ma a&#331;meete be tikamu. 13Tana kozo tala, to so pizin be nu tom ta nio i. Naso nu ndomom pio, mi tikampe yo ma a&#331;bot ambai.&#8221;</div><div class="p"> 14Sua ki Abaram &#331;onoono kat. Pa tila tipet Aikuptu, to zin Aikuptu kan tire Sarai kembei ni moori kaibiim kat. 15Tana zin mender&#331;an ki king tire i, to tila ki king mi kwon mbesmbeeze pa Sarai. To tila na tikam Sarai, mi tiuri la ruumu ki king. 16Mi Sarai ndomoono pa Abaram, tana king ikampe i mi ikam le sipsip, mekmek, makau, do&#331;ki, mi kamel pakan, ramaki mbesoo&#331;o pakan.</div><div class="p"> 17To Merere ikam ma mete sanan&#331;ana kat ise ki king zi&#331;an zin wal kini. Paso, ni ikam Abaram kusiini Sarai tau. 18-19Tana king iboobo Abaram ma imar, mi iyaambi i ta kembei: &#8220;Parei ta nu kam mbulu ti&#331;gi pio? Ni sa nu kusim na! Parei ta nu sombe lumri? Nio a&#331;urla sua ku, tana a&#331;sombe a&#331;kami ma iwe kusi&#331;. Is, kam kusim mi niomru kala leyom.&#8221; 20Tona king iur sua pizin mender&#331;an kini be tiser Abaram ziru kusiini mi koro&#331; kini ta boozomen ma tila len.</div>
 </div>
 </div>
</div>

Aigule ta, Merere ipet ki Abaram mi iso pini ta kembei. Iso: “Abaram, zem toono ku, mi tomom ma nom ma toŋmatiziŋ ku, mi maŋga ma la pa toono tabe aŋso u pa i. Nio ko aŋkam popoŋana ku ma tipet ma tiwe boozo kat mi wal zanŋan. Mi kampeŋana tio ko imbotmbot se ku, mi aŋkam zom ma iwe biibi. Mi nu ko we zaala pa wal boozomen be tikam kampeŋana ambaiŋana. Wal ta so tikampe u, na nio ko aŋkampe zin. Mi zin wal ta so matan pasomu, na keteŋ malmalŋana tio ko ise kizin. Mi nu ko we zaala be kampeŋana biibi ise kizin karkari ta boozomen ta timbotmbot pa toono na.”
Merere iso sua tana, to Abaram ito kalŋaana, mi imaŋga ma izem kar Aran. Mi tiziini lutuunu Lot igaabi ma ziŋan tila. Indeeŋe tana Abaram ndaama kini irao 75 kek. Tana Abaram ikam kusiini Sarai, mi lutuunu Lot, mi mburu kizin ta boozomen ma ziŋan zin mbesooŋo kizin tau tikam zin su kar Aran na, timaŋga pa pai kizin. Tiwwa ma tila, mi tipet toono Kanaan.
Abaram bizin tiwwa pa toono Kanaan, mi tila tipet kar Sekem. Kar tina, ke biibi ta imbotmbot, zaana More. Indeeŋe tana, zin tomtom ki Kanaan timbotmbot pa toono tana.
To Merere ipet ki Abaram isu tana, mi iso pini. Iso: “Toono tabe aŋkam pa popoŋana ku ta tiŋgi.” To Abaram indou pat isu lele tana be iwe patoronŋana muriini. Paso, Merere ipet kini isu tana.
Kaimer na, Abaram izem Sekem, mi ipa ma ila pa lele abalabalŋana ta imbot la zoŋ uunu pa kar Betel. To ipun su kar Betel mi kar Ai mazwan. Kar Betel imbot la iwaara mi kar Ai imbot la re. Mi Abaram ipo patoronŋana muriini isu lele tana mi isuŋ pa Merere.
Kaimer to ni imaŋga mini pa pai, mi iwwa ma ila pa lele pakaana biibi ta zaana Negeb.


Timbotmbot su tana, mi peteele biibi ipet ma toono ki Kanaan na, kini sa som kat. Tana Abaram iko ma isula pa Aikuptu be imbot ŋana ri, tonabe imiili ma ise mini. Tila ma tigarau pa Aikuptu, to Abaram iso pa kusiini Sarai ta kembei. Iso: “Leŋ. Nio aŋute nu moori kaibiim kat. Tana zin wal ki Aikuptu tisombe tire u, nako matan berber pu. To tipun yo ma aŋmeete be tikamu. Tana kozo tala, to so pizin be nu tom ta nio i. Naso nu ndomom pio, mi tikampe yo ma aŋbot ambai.”
Sua ki Abaram ŋonoono kat. Pa tila tipet Aikuptu, to zin Aikuptu kan tire Sarai kembei ni moori kaibiim kat. Tana zin menderŋan ki king tire i, to tila ki king mi kwon mbesmbeeze pa Sarai. To tila na tikam Sarai, mi tiuri la ruumu ki king. Mi Sarai ndomoono pa Abaram, tana king ikampe i mi ikam le sipsip, mekmek, makau, doŋki, mi kamel pakan, ramaki mbesooŋo pakan.
To Merere ikam ma mete sananŋana kat ise ki king ziŋan zin wal kini. Paso, ni ikam Abaram kusiini Sarai tau. Tana king iboobo Abaram ma imar, mi iyaambi i ta kembei: “Parei ta nu kam mbulu tiŋgi pio? Ni sa nu kusim na! Parei ta nu sombe lumri? Nio aŋurla sua ku, tana aŋsombe aŋkami ma iwe kusiŋ. Is, kam kusim mi niomru kala leyom.” Tona king iur sua pizin menderŋan kini be tiser Abaram ziru kusiini mi koroŋ kini ta boozomen ma tila len.

להקשיב ל Koroŋ Ta Boozomen Un 12