Yupik Audio Bible (Non-Drama)

<div class="version vid1390 iso6393esu" data-vid="1390" data-iso6393="esu">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s1">Tukuulriim Pistiin Aulukillra</div><div class="p"> 1Elitnaurani-llu qanrutai, &#8220;Yugtangqellruuq tukuulriamek pistengqerrluni aulukilriamek; tauna elliinun picetaarutaat akluinek cagmariniluku. 2Tua-i-llu taisqaa qanrulluku, &#8216;Qaillun waniwa niitelarciken? Caliaqelten tamalkuita kalikamun ellikiki, aulukiyunairucavet.&#8217; 3Aulukilria umyuamikun qallatuq, &#8216;Qaillun piciqsia? Atanema caliarkairucetqataraanga. Nunamek itumcisciigatua, cikircetaallerkaqa-llu kasngukaqa. 4Atam waten pikilii, au&#865;gaumarikuma aulukiyaramek yuut ciuniurniaraatnga.&#8217; 5Tua-i, atanermini akiilngulget taisqai tungliqu'urluki, ciuqliq-llu qanrutaa, &#8216;Qaillun akiilngungqercit atanemni?&#8217; 6Qanertuq-llu, &#8216;Uqunek caqutnek yuinarnek tallimanek.&#8217; Qanrutaa-llu, &#8216;Aqumluten egmian-llu igaqina, yuinaak malruk qulmek ciplukek.&#8217; 7Alla cali qanrutaa, &#8216;Tua-i-llu elpet qaillun akiilngungqercit&#8217;? Qanertuq-llu, &#8216;Mukaarkanek missuugnek yuinarnek tallimanek.&#8217; Qanrutaa, &#8216;Kalikan teguluku igaqina, yuinaat cetaman.&#8217; 8Atanran-llu aulukilria piciunrilnguq tauna nanraraa usvituluni pillruan. Tua-i ukvenrilnguut yuullgutmeggni usvitunrulartut tanqiim yuini. 9Qanrutamci-llu, tukuutet naspaatngulange'rmeng piciunrilngurnun, aturciki tamaaggun yugnikutekangluci, tua-i tukuutet nangkata ellaita ciuniurniaraiceci enenun nang'arkaunrilngurnun.</div><div class="p"> 10&#8220;Carrarmi piciulria amllermi-llu piciulartuq, carrarmi-llu piciunrilnguq amllermi-llu piciungaituq. 11Taumek tukuutni elluatuunrilngurni piciuksailkuvci, kia aulukivkarciqaci tukuutnek elluatuulrianek. 12Piciuksailkuvci-llu allatarni, kia nakmiillarkarpecen&#772;ek cikirciqaci? 13Pista malrugnun atanegnun pisten&#862;gungaituq, aipaa eq'ukciqaa aipaa-llu kenekluku; wall'u aipaa maligciiqaa aipaa-llu cakaarluku. Elpeci Agayun tukuutet-llu kevgiurciigataci ataucikun.&#8221;</div><div class="p"> 14Pharisee-aat akiyunqeggameng, makunek niicameng temciarautekaat. 15Elliin-llu qanrutai, &#8220;Elpeci-wa yuut takuatni elluarualartuci, tau&#865;gaam Agayutem umyuarci nallunritaa, tua-i yugni pivakumalria Agayutmi cumacikumauq. 16Alerquutet prophet-aat-llu John-aaq engelkarrluku piugut, tamana-llu engelekluku Agayutem angayuqauvian qaneryaraqegtaarai qalarutkumaut, yuut-llu tamarmeng itengnaqut. 17Tua-i qilak nuna-llu pelluyunarqenruuk, alerquutet ilakuinraatni. 18Kia imum nuliani avvuskuniu allamek-llu nulirturluni akusrarutekiuq, kina-llu imna avvusngalriamek nulirtuquni akusrarutekiuq.</div><div class="s1">Tukuulria Lazarus-aaq-llu</div><div class="p"> 19&#8220;Yugtangqellruuq-llu tukuulriamek; tauna aturangqellruuq qesurlimek 'lumarraqegtaarmek, erenret-llu tamaitni nunaniryugglainarluni yuuluni. 20Arrsaulriartangqellruuq-llu Lazarus-aamek at'legmek; tauna amiigan ciuqerrani inangqallruuq nangtequtengqerrluni-llu qaimikun callarqumaluni. 21Kaimlleret-llu tukuulriim estuuluanek igtellriit camiruteksuumilaryaaqai, cali-llu qimugtet ullalaraat callallri pairaqluki. 22Tua-i-llu cat iliitni arrsaulria tauna tuquuq; an'gilat-llu tekiulluku Abraham-aam ciuqerranun. Tukuulria-llu cali tuqumiuq tungmagcimaluni-llu. 23Kenerpagmi ciugcami nangteqlermini tangrraa Abraham-aaq yaaqvanun, Lazarus-aaq-wa ciuqerrani. 24Tua-i-llu qayagpagtuq qanerluni, &#8216;Aata Abraham-aaq, takumcukia, Lazarus-aaq-llu ayagcessgu, tek'mi nuuga mermun akurrluku alungutka kumlirnauraa, mat'umi ekualriami nangteqvakaama.&#8217; 25Abraham-aam kiugaa, &#8216;Neq'angi, qetunraaq, elpet assilriarrlainarnek pillruuten unguvallerpeni, Lazarus-aaq tau&#865;gken assiitellriamek pingqellruluni, tau&#865;gaam watua ellii qarucimauq, elpet-llu nangteqluten. 26Tuamta-llu cali, qupnertangqertuq iqtulriamek wangkuta elpeci-llu akunlemten&#772;i, maaken elpenun ayagyulriit pisciiganateng, wall'u ikaken wangkutnun qerarciiganateng&#8217;. 27Qanertuq-llu, &#8216;Taumek kaigavikamken, aata, ayagtesqelluku atama eniinun; 28angutnek tallimanek anelgutengqerrama, aarcirturnaurai, nangteqviggmun mat'umun taiyuartut.&#8217; 29Tau&#865;gaam Abraham-aaq qanertuq, &#8216;Moses-aamek prophet-aanek-llu pingqertut, taukut niillitki.&#8217; 30Tua-i qanertuq, &#8216;Qang'a, aata Abraham-aaq, tau&#865;gaam tuqumalriit iliita ullakateng umyualinqigcartut.&#8217; 31Tau&#865;gaam elliin qanrutaa, &#8216;Moses-aaq prophet-aat-llu niitarkaunrilkunegteki, tuqumalriit iliit maktengraan niisngaitaat.&#8217;&#8221;</div>
 </div>
 </div>
</div>

Elitnaurani-llu qanrutai, “Yugtangqellruuq tukuulriamek pistengqerrluni aulukilriamek; tauna elliinun picetaarutaat akluinek cagmariniluku. Tua-i-llu taisqaa qanrulluku, ‘Qaillun waniwa niitelarciken? Caliaqelten tamalkuita kalikamun ellikiki, aulukiyunairucavet.’ Aulukilria umyuamikun qallatuq, ‘Qaillun piciqsia? Atanema caliarkairucetqataraanga. Nunamek itumcisciigatua, cikircetaallerkaqa-llu kasngukaqa. Atam waten pikilii, au͡gaumarikuma aulukiyaramek yuut ciuniurniaraatnga.’ Tua-i, atanermini akiilngulget taisqai tungliqu'urluki, ciuqliq-llu qanrutaa, ‘Qaillun akiilngungqercit atanemni?’ Qanertuq-llu, ‘Uqunek caqutnek yuinarnek tallimanek.’ Qanrutaa-llu, ‘Aqumluten egmian-llu igaqina, yuinaak malruk qulmek ciplukek.’ Alla cali qanrutaa, ‘Tua-i-llu elpet qaillun akiilngungqercit’? Qanertuq-llu, ‘Mukaarkanek missuugnek yuinarnek tallimanek.’ Qanrutaa, ‘Kalikan teguluku igaqina, yuinaat cetaman.’ Atanran-llu aulukilria piciunrilnguq tauna nanraraa usvituluni pillruan. Tua-i ukvenrilnguut yuullgutmeggni usvitunrulartut tanqiim yuini. Qanrutamci-llu, tukuutet naspaatngulange'rmeng piciunrilngurnun, aturciki tamaaggun yugnikutekangluci, tua-i tukuutet nangkata ellaita ciuniurniaraiceci enenun nang'arkaunrilngurnun.
“Carrarmi piciulria amllermi-llu piciulartuq, carrarmi-llu piciunrilnguq amllermi-llu piciungaituq. Taumek tukuutni elluatuunrilngurni piciuksailkuvci, kia aulukivkarciqaci tukuutnek elluatuulrianek. Piciuksailkuvci-llu allatarni, kia nakmiillarkarpecen̄ek cikirciqaci? Pista malrugnun atanegnun pisten͞gungaituq, aipaa eq'ukciqaa aipaa-llu kenekluku; wall'u aipaa maligciiqaa aipaa-llu cakaarluku. Elpeci Agayun tukuutet-llu kevgiurciigataci ataucikun.”
Pharisee-aat akiyunqeggameng, makunek niicameng temciarautekaat. Elliin-llu qanrutai, “Elpeci-wa yuut takuatni elluarualartuci, tau͡gaam Agayutem umyuarci nallunritaa, tua-i yugni pivakumalria Agayutmi cumacikumauq. Alerquutet prophet-aat-llu John-aaq engelkarrluku piugut, tamana-llu engelekluku Agayutem angayuqauvian qaneryaraqegtaarai qalarutkumaut, yuut-llu tamarmeng itengnaqut. Tua-i qilak nuna-llu pelluyunarqenruuk, alerquutet ilakuinraatni. Kia imum nuliani avvuskuniu allamek-llu nulirturluni akusrarutekiuq, kina-llu imna avvusngalriamek nulirtuquni akusrarutekiuq.

“Yugtangqellruuq-llu tukuulriamek; tauna aturangqellruuq qesurlimek 'lumarraqegtaarmek, erenret-llu tamaitni nunaniryugglainarluni yuuluni. Arrsaulriartangqellruuq-llu Lazarus-aamek at'legmek; tauna amiigan ciuqerrani inangqallruuq nangtequtengqerrluni-llu qaimikun callarqumaluni. Kaimlleret-llu tukuulriim estuuluanek igtellriit camiruteksuumilaryaaqai, cali-llu qimugtet ullalaraat callallri pairaqluki. Tua-i-llu cat iliitni arrsaulria tauna tuquuq; an'gilat-llu tekiulluku Abraham-aam ciuqerranun. Tukuulria-llu cali tuqumiuq tungmagcimaluni-llu. Kenerpagmi ciugcami nangteqlermini tangrraa Abraham-aaq yaaqvanun, Lazarus-aaq-wa ciuqerrani. Tua-i-llu qayagpagtuq qanerluni, ‘Aata Abraham-aaq, takumcukia, Lazarus-aaq-llu ayagcessgu, tek'mi nuuga mermun akurrluku alungutka kumlirnauraa, mat'umi ekualriami nangteqvakaama.’ Abraham-aam kiugaa, ‘Neq'angi, qetunraaq, elpet assilriarrlainarnek pillruuten unguvallerpeni, Lazarus-aaq tau͡gken assiitellriamek pingqellruluni, tau͡gaam watua ellii qarucimauq, elpet-llu nangteqluten. Tuamta-llu cali, qupnertangqertuq iqtulriamek wangkuta elpeci-llu akunlemten̄i, maaken elpenun ayagyulriit pisciiganateng, wall'u ikaken wangkutnun qerarciiganateng’. Qanertuq-llu, ‘Taumek kaigavikamken, aata, ayagtesqelluku atama eniinun; angutnek tallimanek anelgutengqerrama, aarcirturnaurai, nangteqviggmun mat'umun taiyuartut.’ Tau͡gaam Abraham-aaq qanertuq, ‘Moses-aamek prophet-aanek-llu pingqertut, taukut niillitki.’ Tua-i qanertuq, ‘Qang'a, aata Abraham-aaq, tau͡gaam tuqumalriit iliita ullakateng umyualinqigcartut.’ Tau͡gaam elliin qanrutaa, ‘Moses-aaq prophet-aat-llu niitarkaunrilkunegteki, tuqumalriit iliit maktengraan niisngaitaat.’”

להקשיב ל Luke 16