<div class="version vid2394 iso6393sml" data-vid="2394" data-iso6393="sml">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Buwatt&#275;' bay pamapanjari dunya maka langit maka kamemon ai-aina.</div><div class="p"> 2Ta'abut llaw kapitu'na, aubus na Tuhan ma kamemon hinangna ati pahali na iya. 3Binarakatan e' Tuhan llaw kapitu' he', minulliya e'na, sabab ya he' llaw bay kahalina min hinangna amapanjari ma kamemon ai-ai.</div><div class="s">Si Mbo' Adam maka si Sitti Hawa</div><div class="p"> 4Na, buwatt&#275;' ya pamapanjari langit maka dunya.</div><div class="p">Tagna' bay kapamapanjari PANGH&#362;&#42891; Tuhan#2:4 PANGH&#362;&#42891; Tuhan: atawa &#8216;Tuhan Yawe.&#8217; Yawe itu d&#299; &#333;n Tuhan, sag&#333;' mbal agon kasandalan kawasana angkan mbal tak'bbat e' bangsa Yahudi. PANGH&#362;&#42891; ya pamaganti' sig&#257;m bang amassa Kitab. ma langit maka dunya, 5halam gi' aniya' tinanom patomo', halam gi' aniya' pasaha', sabab halam gi' aniya' ulan bay pinabeya' e' PANGH&#362;&#42891; Tuhan ni dunya. Halam gi' aniya' manusiya' isab angisbat ma tana' pagtanoman, 6sag&#333;' abase' tana' e' bohe' ya patubud min deyo'.</div><div class="p"> 7Manjari itu aniya' tana' ni&#257;' e' PANGH&#362;&#42891; Tuhan, kinompol e'na nihinang baran a'a. Ninapasan e'na napas kallum ni &#363;ng a'a in&#257;n ati tahinang iya manusiya' taga-napas na.</div><div class="p"> 8Na aniya' kabbun bay pinatomo' e' PANGH&#362;&#42891; Tuhan ma lahat Eden, tampal ni sobangan. Manjari in manusiya' bay hinangna in&#257;n tapat'nna' e'na maina'an ma kabbun. 9Aniya' isab pinatomo' e' Tuhan ma kabbun in&#257;n kamemon ginisan kayu ya ah&#257;p ni'nda' maka ah&#257;p kinakan buwa'na. Ina'an isab ma t'ngnga' kabbun dampo'on kayu ya makabuwan kallum, maka ina'an isab dampo'on kayu makabuwan pangita'u pasal kah&#257;pan maka kala'atan.</div><div class="p"> 10Aniya' sapa' anasahan min lahat Eden amohe'an kakayuhan ma kabbun. Paluwas pa'in min Eden, in sapa' in&#257;n magsanga mpat. 11Dakayu' sangana in&#257;n, ya na sapa' Peson, anasahan peh&#275;' tudju ni kaluha'an lahat Habila. Aniya' d&#299; bulawan ma lahat ina'an-i 12maka aniya' du isab maina'an saga palmata maka bulitik kayu pahamut. 13Ya sanga karuwana, ya na sapa' Gehon, anasahan peh&#275;' ni kaluha'an lahat K&#363;s. 14Sanga kat'lluna, ya na sapa' Tigris, anasahan peh&#275;' tudju ni lahat Assiriya min bihingna tampal ni sobangan. Maka sanga ka'mpatna in&#257;n, ya na sapa' Alpurati.</div><div class="p"> 15Sakali in manusiya' binowa e' PANGH&#362;&#42891; Tuhan bo' pinat'nna' ma lahat Eden. Sin&#333;' iya maghuma maka angisbat kabbunna. 16Magpanoho'an PANGH&#362;&#42891; Tuhan ma iya, yukna, &#8220;Makajari ka amangan buwa' kayu ai-ai kabaya'annu mailu. 17Ya sadja mbal takakannu buwa' kayu ya makabuwan pangita'u pasal kah&#257;pan maka kala'atan. Ebot-ebot to'ongan, da'a ka amangan. Ya llaw kapamangannu, ya na llaw kamataynu.&#8221;</div><div class="p"> 18Manjari ah'lling PANGH&#362;&#42891; Tuhan, yukna, &#8220;Mbal ah&#257;p bang l'lla itu karangan-danganan. Hinanganku iya limbang makat&#333;p ma iya bo' aniya' sehe'na makatabang.&#8221; 19Jari binowa e' PANGH&#362;&#42891; Tuhan kamemon saga hayop maka sattuwa maka kamemon saga manuk-manuk ya bay hinangna min tana'. Binowa e'na peh&#275;' ni l'lla in&#257;n supaya kinata'uwan bang ai pang&#333;nna ma ba'anan sattuwa, hayop maka manuk-manuk e'. Manjari ai-ai pang&#333;nna ma sasuku taga-napas in&#257;n, ya na he' &#333;nna. 20Sakali ka&#333;nan e' l'lla in&#257;n kamemon saga sattuwa maka hayop maka saga manuk-manuk, malaingkan halam aniya' minsan dakayu' makat&#333;p ma iya.</div><div class="p"> 21Angkan pinatuli a'a itu e' PANGH&#362;&#42891; Tuhan. Ahaluk pa'in tulina, ni&#257;' e' Tuhan dakayu' gusukna, ati tinaplok pab&#299;ng maka isi ya bay pang&#257;'an gusuk. 22Jari aniya' d'nda nihinang e' PANGH&#362;&#42891; Tuhan min gusuk l'lla, ati binowa e'na peh&#275;' ni l'lla.</div><div class="p"> 23Angabtang magt&#363;y l'lla, yukna,</div><div class="q1">&#8220;Nd&#363;', itiya' na sali'ku.</div><div class="q1">Bokog#2:23 Bokog atawa to'olang. sin bokogku,</div><div class="q1">isi sin isiku.</div><div class="q1">&#332;nanku iya &#8216;d'nda&#8217;</div><div class="q1">sabab bay iya ning&#257;' min l'lla.&#8221;#2:23 D'nda: &#8216;ISHA&#8217; ma bahasa Hibrani. L'lla &#8216;ISH&#8217;.</div><div class="p"> 24Ya ilu sababanna angkan l'lla pabutas min okoman ina'-mma'na bo' parakayu' ni h'ndana. Manjari tahinang sig&#257;m dabaran.</div><div class="p"> 25Na, in l'lla maka d'nda itu anantang sali'-sali', sag&#333;' halam sig&#257;m aiya'.</div>
 </div>
 </div>
</div>

Buwattē' bay pamapanjari dunya maka langit maka kamemon ai-aina.
Ta'abut llaw kapitu'na, aubus na Tuhan ma kamemon hinangna ati pahali na iya. Binarakatan e' Tuhan llaw kapitu' he', minulliya e'na, sabab ya he' llaw bay kahalina min hinangna amapanjari ma kamemon ai-ai.

Na, buwattē' ya pamapanjari langit maka dunya.
Tagna' bay kapamapanjari PANGHŪꞋ Tuhan ma langit maka dunya, halam gi' aniya' tinanom patomo', halam gi' aniya' pasaha', sabab halam gi' aniya' ulan bay pinabeya' e' PANGHŪꞋ Tuhan ni dunya. Halam gi' aniya' manusiya' isab angisbat ma tana' pagtanoman, sagō' abase' tana' e' bohe' ya patubud min deyo'.
Manjari itu aniya' tana' niā' e' PANGHŪꞋ Tuhan, kinompol e'na nihinang baran a'a. Ninapasan e'na napas kallum ni ūng a'a inān ati tahinang iya manusiya' taga-napas na.
Na aniya' kabbun bay pinatomo' e' PANGHŪꞋ Tuhan ma lahat Eden, tampal ni sobangan. Manjari in manusiya' bay hinangna inān tapat'nna' e'na maina'an ma kabbun. Aniya' isab pinatomo' e' Tuhan ma kabbun inān kamemon ginisan kayu ya ahāp ni'nda' maka ahāp kinakan buwa'na. Ina'an isab ma t'ngnga' kabbun dampo'on kayu ya makabuwan kallum, maka ina'an isab dampo'on kayu makabuwan pangita'u pasal kahāpan maka kala'atan.
Aniya' sapa' anasahan min lahat Eden amohe'an kakayuhan ma kabbun. Paluwas pa'in min Eden, in sapa' inān magsanga mpat. Dakayu' sangana inān, ya na sapa' Peson, anasahan pehē' tudju ni kaluha'an lahat Habila. Aniya' dī bulawan ma lahat ina'an-i maka aniya' du isab maina'an saga palmata maka bulitik kayu pahamut. Ya sanga karuwana, ya na sapa' Gehon, anasahan pehē' ni kaluha'an lahat Kūs. Sanga kat'lluna, ya na sapa' Tigris, anasahan pehē' tudju ni lahat Assiriya min bihingna tampal ni sobangan. Maka sanga ka'mpatna inān, ya na sapa' Alpurati.
Sakali in manusiya' binowa e' PANGHŪꞋ Tuhan bo' pinat'nna' ma lahat Eden. Sinō' iya maghuma maka angisbat kabbunna. Magpanoho'an PANGHŪꞋ Tuhan ma iya, yukna, “Makajari ka amangan buwa' kayu ai-ai kabaya'annu mailu. Ya sadja mbal takakannu buwa' kayu ya makabuwan pangita'u pasal kahāpan maka kala'atan. Ebot-ebot to'ongan, da'a ka amangan. Ya llaw kapamangannu, ya na llaw kamataynu.”
Manjari ah'lling PANGHŪꞋ Tuhan, yukna, “Mbal ahāp bang l'lla itu karangan-danganan. Hinanganku iya limbang makatōp ma iya bo' aniya' sehe'na makatabang.” Jari binowa e' PANGHŪꞋ Tuhan kamemon saga hayop maka sattuwa maka kamemon saga manuk-manuk ya bay hinangna min tana'. Binowa e'na pehē' ni l'lla inān supaya kinata'uwan bang ai pangōnna ma ba'anan sattuwa, hayop maka manuk-manuk e'. Manjari ai-ai pangōnna ma sasuku taga-napas inān, ya na he' ōnna. Sakali kaōnan e' l'lla inān kamemon saga sattuwa maka hayop maka saga manuk-manuk, malaingkan halam aniya' minsan dakayu' makatōp ma iya.
Angkan pinatuli a'a itu e' PANGHŪꞋ Tuhan. Ahaluk pa'in tulina, niā' e' Tuhan dakayu' gusukna, ati tinaplok pabīng maka isi ya bay pangā'an gusuk. Jari aniya' d'nda nihinang e' PANGHŪꞋ Tuhan min gusuk l'lla, ati binowa e'na pehē' ni l'lla.
Angabtang magtūy l'lla, yukna,
“Ndū', itiya' na sali'ku.
Bokog sin bokogku,
isi sin isiku.
Ōnanku iya ‘d'nda’
sabab bay iya ningā' min l'lla.”
Ya ilu sababanna angkan l'lla pabutas min okoman ina'-mma'na bo' parakayu' ni h'ndana. Manjari tahinang sigām dabaran.
Na, in l'lla maka d'nda itu anantang sali'-sali', sagō' halam sigām aiya'.

להקשיב ל Panagna'an 2