Koorete - BSE (NT) Drama

<div class="version vid3178 iso6393kqy" data-vid="3178" data-iso6393="kqy">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Katoy axe maaddhosa&#160; </div><div class="p"> 1Uddi abakoy badesune buro katoy e yecha. Ye katoni Wonto da'aa e yecha. Ye katoni Wonto e maaqicha. 2Esini uddi abakoy badesune buro Wonto da'aa e yecha. 3Uddi abakoy meddhuttosi esunako. Meddhuttassaafa uddi bidzi abakoni esa baaka meddhuttasi baasso. 4Esini yesona kundesesa maaqusune ye yesoni axuse fo'e e maaqicha. 5Ye fo'eni cenchaakako faqiya e yese. Cenchani fo'e fetto iichuwassho.</div><div class="p"> 6Bidzi Yohanise sungesi Wontoy woosso axi e yecha. 7E ohete axiti be uddina fo'e aadexorosa fo'ey aba maaqenike e gisha ohese e yoodo. 8Yohanisey fo'e gisha ohese e yoodosa baaka beese fo'e maaquwadiko e yecha. 9Esawoy aade fo'e maaqe fo'ey uddi axuse fo'e ingesi ha saha gara yoowiya e yecha.</div><div class="p"> 10Ye fo'eni ha saha gara e yecha. Ha sahay meddhuttosi beese esuna maaddhessakoni ha saha axiti esa ere u dheeddo. 11Esi be axituko e yoodosa baaka e axiti esa efe u inxhadho. 12Maaquwaye baaka bemba ettasituse uddi yeydi hiyoni bemba aadesaasituse Wonto nayshe u maaqoronike godo e indo. 13Ye usitini Wontokofa u yeluttosa baaka axi bohiyafa acho maxowafaara col'afaara yelutto baasso.</div><div class="p"> 14Katoy axe e maaddho, nu giddani e yesso. Wontoy axuse keenge maxo modhetiyara aadiyaray essaaka kundine bidzi yeley biyade da'aa keenge kuxakewo e kuxa fuulani nu beedo.</div><div class="p"> 15Yohaniseni e gisha zeerisine &lt;&lt; &lt;Ta geede yoonesi taame buro yechashe e maaqe gisha taame garoko e gare&gt; yeydi ta otechoshi hay ha esako&gt;&gt; yeydi be kato keddaysi e oto.</div><div class="p"> 16Wontoy beese kundi gardesesaafa nuuse uddi base hanti sekke kossi kossi modhe e hanto. 17Wonto wogay Muse badenako e ingutto. Wontoy axuse keenge maxo modhetiyara aadiyaramay Yesuusi Kristosa badenako e bento. 18Wonto beedesesi koolona baasso. Esaara wolla shibhi hidese Wonto maaqe bidzi e yelewoko esa addusa.</div><div class="s">Xhamaqicha Yohanisey oone maaqesa</div><div class="r"> Mat 3:1-12; Mrq 1:1-8; Luq 3:1-8</div><div class="p"> 19Ayhuda afana maagiti Yerusaleeme katamaafa kahinitaara Lewaxitaara xhamaqicha Yohaniseko woosso ansi &lt;&lt;Neni oonewa?&gt;&gt; hidi u oycusho. 20Yohaniseni &lt;&lt;Tani Mesihe maaquwasso&gt;&gt; hidi sekke hanke hido badi be aade e oto. 21Woosaxitini &lt;&lt;Hinne neni Elaasiya?&gt;&gt; hidi u oycco. &lt;&lt;Oo'o, tani Elaase maaquwasso&gt;&gt; hidi e mato. &lt;&lt;Hinne &lt;E yoone&gt; hidi hiyuttecha kaayaxi nemba?&gt;&gt; hidi uydo. &lt;&lt;Oo'o, tani kaayaxi maaquwasso&gt;&gt; hidi e hido.</div><div class="p"> 22&lt;&lt;Hinne neni oonena? Woosso neeko nuu ansa geruse nu ohoronike neni neese nemba ooneydini ne hine?&gt;&gt; hidi uyne 23esini &lt;&lt;Kaayaxi Isayasey otonike &lt; &lt;&lt;Laaxi oge naquwayte&gt;&gt; yeydi hissine saha melaa uwwara axi kato&gt; yeydi hiyuttechay tambako&gt;&gt; yeydi e hido.</div><div class="p"> 24Woosso handechashiti Farasaxitaafako u maaqicha. 25Usini &lt;&lt;Hine Mesihe oo'oyne Elaase oo'oyne kaayaxe ne maaquwasa ame ne xhamaqe?&gt;&gt; hidi u oycco.</div><div class="p"> 26Esini &lt;&lt;Tani waaxunako xhamaqe. Maaquwaye baaka hi eruwasako hi giddaaka eedhesa. 27Esini taame geedeko e yoone, tani fetto e kobha tufe bircheshe ellesesa maaquwasso&gt;&gt; yeydi e mato.</div><div class="p"> 28Haanxhi uddi yeydi e maaddhosi Yohanisey essa xhamaqicho Yordanose waaxuse qoossi kese bade yese Biitaniya katamako e maaqicha.</div><div class="s">Wonto dore</div><div class="p"> 29Geede wonte Yohanisey Yesuusay beeko yoonesa beedi &lt;&lt;Hay ha saha gara yese axi cubbo densi ooxe Wonto dori ha esako. 30&lt;Ta geede yoonesi taame buro yechashe e maaqe gisha taame garoko e gare&gt; yeydi ta otechoshi ha esako. 31Tanini esa eruwadiko yecha. Maaqe baaka esi Isra'eelaxituse addeyoronike yoodi waaxuna xhamaqiyako ta yese&gt;&gt; yeydi e hido.</div><div class="p"> 32Yohaniseni sekke ateysine &lt;&lt;Ayaana Geeshi afaafa hade woyyake hoddhi e gara uttusune ta beedo. 33Tanini taase esa eruwadiko yecha. Maaqe baaka waaxuna ta xhamaqoronike tamba ansasi ohisine &lt;Ayaana Geeshi hoddhi e gara uttusune ne beenesi esako Ayaana Geeshuna xhamaqesi&gt; yeydi taako otiko e yecha. 34Yeydi e maaqusune beediko ta yese. Ye e gisha tani Wonto yele e maaqenike esuse atoko&gt;&gt; yeydi e hido.</div><div class="s">Lam'i geritaara Yesuusaara</div><div class="p"> 35Geede wonte Yohanisey be erusicho lam'i geritaara sekke ye godowa e yecha. 36Yesuusay yeyna garesa beedi &lt;&lt;Hay Wonto dori!&gt;&gt; yeydi e hido. 37Ye e erusicho lam'i geriti e otosa siidi Yesuusa geede u aadho.</div><div class="p"> 38Yesuusani be geede ye lam'i geriti yoowiya yesesa maaddhi beedi uso &lt;&lt;Am hi worge?&gt;&gt; hidi e oycco. Usini &lt;&lt;Rabbe! Ayaw ne yese?&gt;&gt; hidi uydo. (&lt;&lt;Rabbe&gt;&gt; yeydi hiyoy &lt;&lt;Eruseyo&gt;&gt; yeydi hiyoko.)</div><div class="p"> 39Yesuusani &lt;&lt;Hana yoodi beewayte&gt;&gt; yeydi hido. Hinne esaara handi aya e yesesa u beedo. Ye wonte yenniya esaara wolko u decco. Ye woggani tammi saate ellesa e maaqicha.</div><div class="p"> 40Yohanisey otosa siidi Yesuusaara handecha lam'ukaafa bidzi Simoone sungicha Phexhrosese esindo na'e Indiraaseko e maaqicha. 41Ye Indiraasey burona beyndo na'i Simooneko handi &lt;&lt;Mesiheko nu degesso&gt;&gt; hidi e oto. (&lt;&lt;Mesihe&gt;&gt; yeydi hiyoy &lt;&lt;Kristosa tishuttesesa&gt;&gt; yeydi hiyoko.) 42Ye e geede Indiraasey Simoone Yesuusako e oodo. Yenniyani Yesuusay Simoone aafiya caddi beedi &lt;&lt;Neni Yoona na'i Simooneko, ha e geede sekke Keefako ne sunge&gt;&gt; yeydi e hido. (&lt;&lt;Keefa&gt;&gt; yeydi hiyoy &lt;&lt;Phexhrose&gt;&gt; oo'oyne &lt;&lt;Shoollo&gt;&gt; yeydi hiyoko.)</div><div class="s">Filphoosiyara Natina'eeliyara xheyguttosa</div><div class="p"> 43Geede wonte Galila wude hamese e wordo. Filphoosiyara muti &lt;&lt;Taara yoowwa&gt;&gt; hidi e hido. 44Filphooseni hade Indiraasekiyara Phexhrosekiyara Beetesayda katama axuko e maaqicha.</div><div class="p"> 45Filphooseni Natina'eeleko handi &lt;&lt;Musey be woga fissharowaka kaayaxiti be kaayo fissharowa diizechoshako nu degesso. Esini Yoosefe na'i Nazrate katamaxi Yesuusako&gt;&gt; yeydi e hido. 46Natina'eeleni &lt;&lt;Nazrate katamaafa modhe abakoy bentese danda'aa danda'e?&gt;&gt; hidi oycco. Filphooseni &lt;&lt;Hana yoodi beewwa!&gt;&gt; hidi hido.</div><div class="p"> 47Yesuusay Natina'eeley beeko yoonesa beedi &lt;&lt;Doomete keenguwa aade Isra'eelaxe hidi hissoosi ha esako&gt;&gt; hidi e gisha e hido. 48Natina'eeleni &lt;&lt;Ay taa ne ericha?&gt;&gt; hidi oycco. Yesuusani &lt;&lt;Filphoosey neeko otosume e buro belese oomo ne yesuneko ta beedecha&gt;&gt; hidi e hido. 49Yenniyani Natina'eeley &lt;&lt;Laaxo, neni Wonto yeleko, neni Isra'eelaxituse u kaatuko&gt;&gt; hidi e hido.</div><div class="p"> 50Yesuusani &lt;&lt;Tamba ne aadesosi &lt;Belese oomo ne yesuneko niya ta beedecha&gt; yeydi ta hido gisha maaquwaye? Ye esa gare abakitako buro gara ne beene. 51Hinuse ta ohesi fetto aadeko. Afay do'uttesune Wonto woosaxitini axi yele hidi hiyuttasi gara hodho kesso u hisuneko hi beene&gt;&gt; hidi e hido.</div>
 </div>
 </div>
</div>

Uddi abakoy badesune buro katoy e yecha. Ye katoni Wonto da'aa e yecha. Ye katoni Wonto e maaqicha. Esini uddi abakoy badesune buro Wonto da'aa e yecha. Uddi abakoy meddhuttosi esunako. Meddhuttassaafa uddi bidzi abakoni esa baaka meddhuttasi baasso. Esini yesona kundesesa maaqusune ye yesoni axuse fo'e e maaqicha. Ye fo'eni cenchaakako faqiya e yese. Cenchani fo'e fetto iichuwassho.
Bidzi Yohanise sungesi Wontoy woosso axi e yecha. E ohete axiti be uddina fo'e aadexorosa fo'ey aba maaqenike e gisha ohese e yoodo. Yohanisey fo'e gisha ohese e yoodosa baaka beese fo'e maaquwadiko e yecha. Esawoy aade fo'e maaqe fo'ey uddi axuse fo'e ingesi ha saha gara yoowiya e yecha.
Ye fo'eni ha saha gara e yecha. Ha sahay meddhuttosi beese esuna maaddhessakoni ha saha axiti esa ere u dheeddo. Esi be axituko e yoodosa baaka e axiti esa efe u inxhadho. Maaquwaye baaka bemba ettasituse uddi yeydi hiyoni bemba aadesaasituse Wonto nayshe u maaqoronike godo e indo. Ye usitini Wontokofa u yeluttosa baaka axi bohiyafa acho maxowafaara col'afaara yelutto baasso.
Katoy axe e maaddho, nu giddani e yesso. Wontoy axuse keenge maxo modhetiyara aadiyaray essaaka kundine bidzi yeley biyade da'aa keenge kuxakewo e kuxa fuulani nu beedo.
Yohaniseni e gisha zeerisine << <Ta geede yoonesi taame buro yechashe e maaqe gisha taame garoko e gare> yeydi ta otechoshi hay ha esako>> yeydi be kato keddaysi e oto.
Wontoy beese kundi gardesesaafa nuuse uddi base hanti sekke kossi kossi modhe e hanto. Wonto wogay Muse badenako e ingutto. Wontoy axuse keenge maxo modhetiyara aadiyaramay Yesuusi Kristosa badenako e bento. Wonto beedesesi koolona baasso. Esaara wolla shibhi hidese Wonto maaqe bidzi e yelewoko esa addusa.


Ayhuda afana maagiti Yerusaleeme katamaafa kahinitaara Lewaxitaara xhamaqicha Yohaniseko woosso ansi <<Neni oonewa?>> hidi u oycusho. Yohaniseni <<Tani Mesihe maaquwasso>> hidi sekke hanke hido badi be aade e oto. Woosaxitini <<Hinne neni Elaasiya?>> hidi u oycco. <<Oo'o, tani Elaase maaquwasso>> hidi e mato. <<Hinne <E yoone> hidi hiyuttecha kaayaxi nemba?>> hidi uydo. <<Oo'o, tani kaayaxi maaquwasso>> hidi e hido.
<<Hinne neni oonena? Woosso neeko nuu ansa geruse nu ohoronike neni neese nemba ooneydini ne hine?>> hidi uyne esini <<Kaayaxi Isayasey otonike < <<Laaxi oge naquwayte>> yeydi hissine saha melaa uwwara axi kato> yeydi hiyuttechay tambako>> yeydi e hido.
Woosso handechashiti Farasaxitaafako u maaqicha. Usini <<Hine Mesihe oo'oyne Elaase oo'oyne kaayaxe ne maaquwasa ame ne xhamaqe?>> hidi u oycco.
Esini <<Tani waaxunako xhamaqe. Maaquwaye baaka hi eruwasako hi giddaaka eedhesa. Esini taame geedeko e yoone, tani fetto e kobha tufe bircheshe ellesesa maaquwasso>> yeydi e mato.
Haanxhi uddi yeydi e maaddhosi Yohanisey essa xhamaqicho Yordanose waaxuse qoossi kese bade yese Biitaniya katamako e maaqicha.

Geede wonte Yohanisey Yesuusay beeko yoonesa beedi <<Hay ha saha gara yese axi cubbo densi ooxe Wonto dori ha esako. <Ta geede yoonesi taame buro yechashe e maaqe gisha taame garoko e gare> yeydi ta otechoshi ha esako. Tanini esa eruwadiko yecha. Maaqe baaka esi Isra'eelaxituse addeyoronike yoodi waaxuna xhamaqiyako ta yese>> yeydi e hido.
Yohaniseni sekke ateysine <<Ayaana Geeshi afaafa hade woyyake hoddhi e gara uttusune ta beedo. Tanini taase esa eruwadiko yecha. Maaqe baaka waaxuna ta xhamaqoronike tamba ansasi ohisine <Ayaana Geeshi hoddhi e gara uttusune ne beenesi esako Ayaana Geeshuna xhamaqesi> yeydi taako otiko e yecha. Yeydi e maaqusune beediko ta yese. Ye e gisha tani Wonto yele e maaqenike esuse atoko>> yeydi e hido.

Geede wonte Yohanisey be erusicho lam'i geritaara sekke ye godowa e yecha. Yesuusay yeyna garesa beedi <<Hay Wonto dori!>> yeydi e hido. Ye e erusicho lam'i geriti e otosa siidi Yesuusa geede u aadho.
Yesuusani be geede ye lam'i geriti yoowiya yesesa maaddhi beedi uso <<Am hi worge?>> hidi e oycco. Usini <<Rabbe! Ayaw ne yese?>> hidi uydo. (<<Rabbe>> yeydi hiyoy <<Eruseyo>> yeydi hiyoko.)
Yesuusani <<Hana yoodi beewayte>> yeydi hido. Hinne esaara handi aya e yesesa u beedo. Ye wonte yenniya esaara wolko u decco. Ye woggani tammi saate ellesa e maaqicha.
Yohanisey otosa siidi Yesuusaara handecha lam'ukaafa bidzi Simoone sungicha Phexhrosese esindo na'e Indiraaseko e maaqicha. Ye Indiraasey burona beyndo na'i Simooneko handi <<Mesiheko nu degesso>> hidi e oto. (<<Mesihe>> yeydi hiyoy <<Kristosa tishuttesesa>> yeydi hiyoko.) Ye e geede Indiraasey Simoone Yesuusako e oodo. Yenniyani Yesuusay Simoone aafiya caddi beedi <<Neni Yoona na'i Simooneko, ha e geede sekke Keefako ne sunge>> yeydi e hido. (<<Keefa>> yeydi hiyoy <<Phexhrose>> oo'oyne <<Shoollo>> yeydi hiyoko.)

Geede wonte Galila wude hamese e wordo. Filphoosiyara muti <<Taara yoowwa>> hidi e hido. Filphooseni hade Indiraasekiyara Phexhrosekiyara Beetesayda katama axuko e maaqicha.
Filphooseni Natina'eeleko handi <<Musey be woga fissharowaka kaayaxiti be kaayo fissharowa diizechoshako nu degesso. Esini Yoosefe na'i Nazrate katamaxi Yesuusako>> yeydi e hido. Natina'eeleni <<Nazrate katamaafa modhe abakoy bentese danda'aa danda'e?>> hidi oycco. Filphooseni <<Hana yoodi beewwa!>> hidi hido.
Yesuusay Natina'eeley beeko yoonesa beedi <<Doomete keenguwa aade Isra'eelaxe hidi hissoosi ha esako>> hidi e gisha e hido. Natina'eeleni <<Ay taa ne ericha?>> hidi oycco. Yesuusani <<Filphoosey neeko otosume e buro belese oomo ne yesuneko ta beedecha>> hidi e hido. Yenniyani Natina'eeley <<Laaxo, neni Wonto yeleko, neni Isra'eelaxituse u kaatuko>> hidi e hido.
Yesuusani <<Tamba ne aadesosi <Belese oomo ne yesuneko niya ta beedecha> yeydi ta hido gisha maaquwaye? Ye esa gare abakitako buro gara ne beene. Hinuse ta ohesi fetto aadeko. Afay do'uttesune Wonto woosaxitini axi yele hidi hiyuttasi gara hodho kesso u hisuneko hi beene>> hidi e hido.

להקשיב ל Yohanise 1