Di Nyoo Testiment eena Bileez Kriol

<div class="version vid409 iso6393bzj" data-vid="409" data-iso6393="bzj">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Jeezas taak wid wahn Samaritan laydi</div><div class="p"> 1Now di Farisee dehn yehr seh dat Jeezas mi ga moa peepl di fala hihn dan Jan, ahn dat Jeezas mi-di baptaiz moa peepl dan Jan. 2Akchwali, Jeezas ihself neva mi-di baptaiz nobadi; da ih disaipl dehn mi-di du di baptaizin. 3-4Eniway, wen Jeezas yehr weh dehn mi-di seh, ih lef fahn Judeeya ahn hed bak da Gyalilee. Bot ih mi hafu paas chroo Samayrya.</div><div class="p"> 5Jeezas kohn tu wahn tong eena Samayrya weh nayhn Saika, weh mi deh kloas wahn pees a lan weh fahn way way bak Jaykop mi gi ih son weh nayhn Joazef. 6Wahn wel weh Jaykop mi dig mi stil dehdeh pahn da sayhn pees a lan. Jeezas sidong bai di wel fi res kaa ih mi taiyad owt fahn ih jerni. Dat da mi bowt twelv aklak da aftanoon.</div><div class="p"> 7Now wahn laydi fahn Samayrya kohn da di wel kohn bak waata. Jeezas seh tu ahn, &#8220;Pleez gi mi sohn waata fi jrink noh?&#8221; 8(Di disaipl dehn mi gaahn da tong fi bai ting fi eet.)</div><div class="p"> 9Di laydi ansa Jeezas seh, &#8220;How kom yoo di aks mee fi waata? Yoo da wahn Joo, an Ai da wahn uman fahn Samayrya.&#8221; (Yu si, di Jooz ahn di Samaritan dehn noh miks op miks op ataal.)#4:9 Er: dehn wuda neva eet owta di sayhn playt wid dehn. Di Samaritan peepl dehn wership Gaad eena wahn difrent way fahn di Jooish peepl dehn, ahn dehn neva laik wan anada.</div><div class="p"> 10Jeezas tel ahn seh, &#8220;Yoo noh noa weh Gaad waahn gi yu, ahn yu noh noa da hoo mee weh di aks yu fi waata. If yoo mi noa, den yu wuda mi aks mi fi di waata weh ku gi yu reel laif.&#8221;</div><div class="p"> 11Di laydi seh tu Jeezas, &#8220;Sa, yoo noh ga no bokit, ahn di wel deep. Da weh yoo wahn geh da waata fram, weh ku gi mee reel laif? 12Yoo grayta dan fi wee ansesta Jaykop den? Da hihn gi wee dis wel weh hihn, ahn fi hihn son dehn, ahn dehn animal doz jrink fram.&#8221;</div><div class="p"> 13Jeezas tel ahn seh, &#8220;Evribadi weh jrink fahn dis waata ya weh deh eena dis wel wahn geh tersti agen. 14Bot dehn wan weh jrink fahn di waata weh Ai wahn gi dehn noh wahn geh tersti nohmoh. Di waata weh Ai wahn gi dehn wahn di gosh op eena dehn jos laik dehn waata spring weh di waata neva stap. Disya waata wahn gi dehn reel laif weh wahn neva en.&#8221;</div><div class="p"> 15Di laydi seh tu Jeezas, &#8220;Wel, Sa, Ai waahn som a da waata den, soh dat Ah wahn neva tersti agen. Den Ah noh wahn hafu di stodi kohn ya fi waata needa.&#8221;</div><div class="p"> 16Den Jeezas tel ahn seh, &#8220;Goh kaal yu hozban ahn den kohn bak.&#8221;</div><div class="p"> 17Di laydi tel ahn seh, &#8220;Mee noh ga no hozban.&#8221;</div><div class="p">Den Jeezas tel ahn seh, &#8220;Yu rait wen yu seh dat yu noh ga no hozban; 18kaa yu mi ga hoal a faiv hozban, ahn di man weh yu ga now da noh eevn yu hozban. Soh weh yu tel mi da chroo!&#8221;</div><div class="p"> 19Di laydi seh, &#8220;Sa, Ai si dat yoo da wahn prafit! 20Fi wee ansesta dehn doz wership Gaad pahn dis mongtin, bot unu Jooz seh dat di plays weh peepl mos goh wership da Jeroosalem.&#8221;</div><div class="p"> 21Jeezas tel ahn seh, &#8220;Mis, bileev mi, di taim wahn kohn wen peepl noh wahn wership Gaad di Faada pahn dis mongtin ner da Jeroosalem. 22Unu Samaritan peepl noh eevn noa hoo unu di wership, bot wee Jooish peepl noa hoo wee wership, kaa da chroo di Jooish peepl dehn Gaad sen di Wan weh wahn sayv peepl fahn dehn sin. 23Bot di taim wahn soon kohn; in fak, ih don deh ya, wen peepl weh reeli waahn wership Gaad fi chroo wahn wership ahn fahn deep dong eena dehn haat, jos laik how di Spirit a Gaad waahn dehn wership; kaa dat da di kaina peepl weh Gaad di Faada di luk fa fi wership ahn. 24Yu si, Gaad da spirit, ahn dehn wan weh wership ahn hafu reeli wership ahn fahn deep dong eena dehn haat, laik how di Spirit a Gaad waahn.&#8221;</div><div class="p"> 25Di laydi tel Jeezas seh, &#8220;Ai noa dat di Mesaiya wahn kohn.&#8221; (Dat da di sayhn wan weh dehn kaal di Krais.) &#8220;Wen hihn kohn, hihn wahn mek wi noa evriting.&#8221;</div><div class="p"> 26Jeezas tel ahn seh, &#8220;Yu si mee weh deh ya di taak tu yu? Ai da hihn.&#8221;</div><div class="p"> 27Sayhn taim Jeezas disaipl dehn kohn bak. Dehn mi sopraiz dat ih mi-di taak tu wahn laydi, bot non a dehn neva seh, &#8220;Da weh yoo waahn?&#8221; er &#8220;Da weh yoo di taak wid shee fa?&#8221;</div><div class="p"> 28-29Den di laydi lef ih waata jog ahn gaahn bak da di siti. Ih tel di peepl dehn seh, &#8220;Kohn kohn si wahn man weh tel mi evriting Ah eva du eena mi laif! Unu noh tink dat da hihn da di Krais?&#8221; 30Soh aala dehn lef di siti ahn gaahn bai weh Jeezas mi deh.</div><div class="p"> 31Meenwail di disaipl dehn mi-di bayg Jeezas seh, &#8220;Teecha, kohn eet sohnting noh?&#8221;</div><div class="p"> 32Bot Jeezas tel dehn seh, &#8220;Ai ga ting fi eet weh unu noh eevn noa bowt.&#8221;</div><div class="p"> 33Soh di disaipl dehn seh tu wan anada, &#8220;Nobadi neva bring notn fi hihn eet, noh chroo?&#8221;</div><div class="p"> 34Jeezas seh, &#8220;Da jos laik food tu mee wen Ai di du weh Gaad waahn Ai du. Da hihn da di Wan weh sen mee, an Ai hafu finish weh hihn sen mi fi du. 35Unu noh seh, &#8216;Foa monts moa ahn den da taim fi reep di krap?&#8217; Bot Ai di tel unu, luk rong ahn si how di feel dehn raip raip ahn redi fi reep. 36In fak, di wan weh di reep di krap don di geh pay aredi. Di krap weh hihn di gyada op da peepl weh wahn liv wid Gaad fareva; soh di wan weh plaant ahn di wan weh reep ku rijais tugeda. 37Da wahn chroo ting weh dehn seh, &#8216;Wan persn plaant, ahn wahn neks wan reep.&#8217; 38Ah sen unu owt eena Gaad feel fi reep weh unu neva plaant. Sohn ada peepl don werk haad fi plaant owt di feel, ahn aal weh unu hafu du now da jos goh een ahn reep weh dehn don plaant.&#8221;</div><div class="p"> 39Lata di Samaritan dehn fahn da siti mi bileev eena Jeezas kaa di laydi mi tel dehn seh, &#8220;Dis man tel mi evriting weh Ai mi eva du eena mi laif!&#8221; 40Soh wen di Samaritan dehn kohn tu Jeezas, dehn bayg ahn fi stay wid dehn lee bit, ahn ih stay fi too dayz. 41Lat moa a dehn mi bileev sayka weh Jeezas tel dehn.</div><div class="p"> 42Dehn tel di laydi seh, &#8220;Da noh oanli sayka weh yoo tel wee mek wee bileev, bot now da kaa wee yehr fi fi weeself, ahn wee noa seh dat hihn da di Wan weh wahn sayv di peepl dehn a di werl fi chroo.&#8221;</div><div class="p"> 43Afta di too dayz, Jeezas lef fahn deh ahn gaahn da Gyalilee. 44(Kaa Jeezas ihself mi seh how wahn prafit noh geh no rispek eena ih oan konchri.) 45Wen Jeezas reech Gyalilee, di peepl dehn deh dehn welkom ahn, kaa dehn mi gaahn da di Paasoava selibrayshan tu, ahn dehn mi si weh aal ih mi du deh.</div><div class="s">Jeezas heel wahn govament ofishal son</div><div class="r">(Machyu&#160;8:5-13; Look&#160;7:1-10)</div><div class="p"> 46Afta dat Jeezas gaahn bak da Kayna weh deh da Gyalilee, wehpaa ih mi ton waata intu wain. Wel, wahn govament ofishal weh mi liv da Kapernyam mi ga wahn son weh mi sik bad. 47Wen ih yehr seh Jeezas mi kohn da Gyalilee fahn Judeeya, ih gaahn da Kayna Tong ahn bayg ahn haad fi mek ih kohn kohn heel ih son kaa ih mi deh pahn daiyin.</div><div class="p"> 48Den Jeezas seh tu ahn, &#8220;Aiy, di oanli way unu wahn bileev da if unu si wahn lata mirakl ahn wandaz.&#8221;</div><div class="p"> 49Den di ofishal tel Jeezas seh, &#8220;Sa, hori kohn bifoa mi lee bwai ded noh?&#8221;</div><div class="p"> 50Jeezas seh tu ahn, &#8220;Goh man, yu son noh wahn ded.&#8221;</div><div class="p">Di man bileev weh Jeezas tel ahn, ahn staat owt fi goh hoahn. 51Az di man mi-di goh dong tu wichpaa ih mi liv, ih servant dehn kohn meet ahn, ahn dehn tel ahn dat ih lee bwai mi alaiv. 52Di ofishal aks dehn da weh taim egzakli ih pikni mi staat tu feel beta, ahn dehn tel ahn seh, &#8220;Bowt wan aklak yestudeh aftanoon di feeva brok.&#8221;</div><div class="p"> 53Da den di lee bwai pa kanchos dat dat da-mi di sayhn taim wen Jeezas mi tel ahn seh, &#8220;Yu son noh wahn ded.&#8221; Soh den, hihn ahn evribadi eena ih hows mi bileev eena Jeezas.</div><div class="p"> 54Now dis da-mi di sekant taim Jeezas du wahn mirakl da Gyalilee afta ih mi kohn fahn Judeeya.</div>
 </div>
 </div>
</div>

Now di Farisee dehn yehr seh dat Jeezas mi ga moa peepl di fala hihn dan Jan, ahn dat Jeezas mi-di baptaiz moa peepl dan Jan. Akchwali, Jeezas ihself neva mi-di baptaiz nobadi; da ih disaipl dehn mi-di du di baptaizin. Eniway, wen Jeezas yehr weh dehn mi-di seh, ih lef fahn Judeeya ahn hed bak da Gyalilee. Bot ih mi hafu paas chroo Samayrya.
Jeezas kohn tu wahn tong eena Samayrya weh nayhn Saika, weh mi deh kloas wahn pees a lan weh fahn way way bak Jaykop mi gi ih son weh nayhn Joazef. Wahn wel weh Jaykop mi dig mi stil dehdeh pahn da sayhn pees a lan. Jeezas sidong bai di wel fi res kaa ih mi taiyad owt fahn ih jerni. Dat da mi bowt twelv aklak da aftanoon.
Now wahn laydi fahn Samayrya kohn da di wel kohn bak waata. Jeezas seh tu ahn, “Pleez gi mi sohn waata fi jrink noh?” (Di disaipl dehn mi gaahn da tong fi bai ting fi eet.)
Di laydi ansa Jeezas seh, “How kom yoo di aks mee fi waata? Yoo da wahn Joo, an Ai da wahn uman fahn Samayrya.” (Yu si, di Jooz ahn di Samaritan dehn noh miks op miks op ataal.)
Jeezas tel ahn seh, “Yoo noh noa weh Gaad waahn gi yu, ahn yu noh noa da hoo mee weh di aks yu fi waata. If yoo mi noa, den yu wuda mi aks mi fi di waata weh ku gi yu reel laif.”
Di laydi seh tu Jeezas, “Sa, yoo noh ga no bokit, ahn di wel deep. Da weh yoo wahn geh da waata fram, weh ku gi mee reel laif? Yoo grayta dan fi wee ansesta Jaykop den? Da hihn gi wee dis wel weh hihn, ahn fi hihn son dehn, ahn dehn animal doz jrink fram.”
Jeezas tel ahn seh, “Evribadi weh jrink fahn dis waata ya weh deh eena dis wel wahn geh tersti agen. Bot dehn wan weh jrink fahn di waata weh Ai wahn gi dehn noh wahn geh tersti nohmoh. Di waata weh Ai wahn gi dehn wahn di gosh op eena dehn jos laik dehn waata spring weh di waata neva stap. Disya waata wahn gi dehn reel laif weh wahn neva en.”
Di laydi seh tu Jeezas, “Wel, Sa, Ai waahn som a da waata den, soh dat Ah wahn neva tersti agen. Den Ah noh wahn hafu di stodi kohn ya fi waata needa.”
Den Jeezas tel ahn seh, “Goh kaal yu hozban ahn den kohn bak.”
Di laydi tel ahn seh, “Mee noh ga no hozban.”
Den Jeezas tel ahn seh, “Yu rait wen yu seh dat yu noh ga no hozban; kaa yu mi ga hoal a faiv hozban, ahn di man weh yu ga now da noh eevn yu hozban. Soh weh yu tel mi da chroo!”
Di laydi seh, “Sa, Ai si dat yoo da wahn prafit! Fi wee ansesta dehn doz wership Gaad pahn dis mongtin, bot unu Jooz seh dat di plays weh peepl mos goh wership da Jeroosalem.”
Jeezas tel ahn seh, “Mis, bileev mi, di taim wahn kohn wen peepl noh wahn wership Gaad di Faada pahn dis mongtin ner da Jeroosalem. Unu Samaritan peepl noh eevn noa hoo unu di wership, bot wee Jooish peepl noa hoo wee wership, kaa da chroo di Jooish peepl dehn Gaad sen di Wan weh wahn sayv peepl fahn dehn sin. Bot di taim wahn soon kohn; in fak, ih don deh ya, wen peepl weh reeli waahn wership Gaad fi chroo wahn wership ahn fahn deep dong eena dehn haat, jos laik how di Spirit a Gaad waahn dehn wership; kaa dat da di kaina peepl weh Gaad di Faada di luk fa fi wership ahn. Yu si, Gaad da spirit, ahn dehn wan weh wership ahn hafu reeli wership ahn fahn deep dong eena dehn haat, laik how di Spirit a Gaad waahn.”
Di laydi tel Jeezas seh, “Ai noa dat di Mesaiya wahn kohn.” (Dat da di sayhn wan weh dehn kaal di Krais.) “Wen hihn kohn, hihn wahn mek wi noa evriting.”
Jeezas tel ahn seh, “Yu si mee weh deh ya di taak tu yu? Ai da hihn.”
Sayhn taim Jeezas disaipl dehn kohn bak. Dehn mi sopraiz dat ih mi-di taak tu wahn laydi, bot non a dehn neva seh, “Da weh yoo waahn?” er “Da weh yoo di taak wid shee fa?”
Den di laydi lef ih waata jog ahn gaahn bak da di siti. Ih tel di peepl dehn seh, “Kohn kohn si wahn man weh tel mi evriting Ah eva du eena mi laif! Unu noh tink dat da hihn da di Krais?” Soh aala dehn lef di siti ahn gaahn bai weh Jeezas mi deh.
Meenwail di disaipl dehn mi-di bayg Jeezas seh, “Teecha, kohn eet sohnting noh?”
Bot Jeezas tel dehn seh, “Ai ga ting fi eet weh unu noh eevn noa bowt.”
Soh di disaipl dehn seh tu wan anada, “Nobadi neva bring notn fi hihn eet, noh chroo?”
Jeezas seh, “Da jos laik food tu mee wen Ai di du weh Gaad waahn Ai du. Da hihn da di Wan weh sen mee, an Ai hafu finish weh hihn sen mi fi du. Unu noh seh, ‘Foa monts moa ahn den da taim fi reep di krap?’ Bot Ai di tel unu, luk rong ahn si how di feel dehn raip raip ahn redi fi reep. In fak, di wan weh di reep di krap don di geh pay aredi. Di krap weh hihn di gyada op da peepl weh wahn liv wid Gaad fareva; soh di wan weh plaant ahn di wan weh reep ku rijais tugeda. Da wahn chroo ting weh dehn seh, ‘Wan persn plaant, ahn wahn neks wan reep.’ Ah sen unu owt eena Gaad feel fi reep weh unu neva plaant. Sohn ada peepl don werk haad fi plaant owt di feel, ahn aal weh unu hafu du now da jos goh een ahn reep weh dehn don plaant.”
Lata di Samaritan dehn fahn da siti mi bileev eena Jeezas kaa di laydi mi tel dehn seh, “Dis man tel mi evriting weh Ai mi eva du eena mi laif!” Soh wen di Samaritan dehn kohn tu Jeezas, dehn bayg ahn fi stay wid dehn lee bit, ahn ih stay fi too dayz. Lat moa a dehn mi bileev sayka weh Jeezas tel dehn.
Dehn tel di laydi seh, “Da noh oanli sayka weh yoo tel wee mek wee bileev, bot now da kaa wee yehr fi fi weeself, ahn wee noa seh dat hihn da di Wan weh wahn sayv di peepl dehn a di werl fi chroo.”
Afta di too dayz, Jeezas lef fahn deh ahn gaahn da Gyalilee. (Kaa Jeezas ihself mi seh how wahn prafit noh geh no rispek eena ih oan konchri.) Wen Jeezas reech Gyalilee, di peepl dehn deh dehn welkom ahn, kaa dehn mi gaahn da di Paasoava selibrayshan tu, ahn dehn mi si weh aal ih mi du deh.


Afta dat Jeezas gaahn bak da Kayna weh deh da Gyalilee, wehpaa ih mi ton waata intu wain. Wel, wahn govament ofishal weh mi liv da Kapernyam mi ga wahn son weh mi sik bad. Wen ih yehr seh Jeezas mi kohn da Gyalilee fahn Judeeya, ih gaahn da Kayna Tong ahn bayg ahn haad fi mek ih kohn kohn heel ih son kaa ih mi deh pahn daiyin.
Den Jeezas seh tu ahn, “Aiy, di oanli way unu wahn bileev da if unu si wahn lata mirakl ahn wandaz.”
Den di ofishal tel Jeezas seh, “Sa, hori kohn bifoa mi lee bwai ded noh?”
Jeezas seh tu ahn, “Goh man, yu son noh wahn ded.”
Di man bileev weh Jeezas tel ahn, ahn staat owt fi goh hoahn. Az di man mi-di goh dong tu wichpaa ih mi liv, ih servant dehn kohn meet ahn, ahn dehn tel ahn dat ih lee bwai mi alaiv. Di ofishal aks dehn da weh taim egzakli ih pikni mi staat tu feel beta, ahn dehn tel ahn seh, “Bowt wan aklak yestudeh aftanoon di feeva brok.”
Da den di lee bwai pa kanchos dat dat da-mi di sayhn taim wen Jeezas mi tel ahn seh, “Yu son noh wahn ded.” Soh den, hihn ahn evribadi eena ih hows mi bileev eena Jeezas.
Now dis da-mi di sekant taim Jeezas du wahn mirakl da Gyalilee afta ih mi kohn fahn Judeeya.

להקשיב ל Jan 4