Agta New Tetament

<div class="version vid4102 iso6393apf" data-vid="4102" data-iso6393="apf">
 <div class="book bkLUK">
 <div class="chapter ch2" data-usfm="LUK.2">
 <div class="label">2</div><div class="s">U K&#225;kkeenak ni Jesus</div><div class="r">(Mateo 1:18-25)</div><div class="p"> 1Nadid, ti panahunan itod ay nagutus ti Agusto a Emperador ti Roma a dapat a magparihistro u atanan a tolay a nasakupan na. 2Iye u kadipalonguwan a p&#225;gparehistro nikuna a ti Cirenio palla u gubernador ti Siria. 3Kanya u atanan a tolay ay nagsole tu sadile de a banuwan para magparihistro.</div><div class="p"> 4Kanya ti Jose a m&#225;gyan ti Nazaret a banuwan ni Galilea ay immangay ti Judea, ti Betlehem u banuwan a neenakan ni hare a David, dipo g&#225;bwat siya tu lahe ni David. 5Kaguman ni Jose ti Maria a magin kabanga na a angay magparihistro. Nadid ti itod be a bulan ay tar&#225;eenakan d&#225;n. 6Mentaras katoy hide ti Betlehem ay dinem&#225;t d&#225;n nu p&#225;ggenak ti Maria. 7Inyenak na u panganay na a anak a l&#225;llake. Binalutan na ti lampen u anak sakay pinakatdug na tu bahahungan, dipo awan d&#225;n hide ti tulusan dipo putat d&#225;n u p&#225;gkaseruwan hide a bilay.</div><div class="s">Pimmeta u Anghel hide tu Pastol hide</div><div class="p"> 8Nadid ti lugaran itod ay tehhod a m&#225;ggalaga ti tupa a katoy tu parang a magdamag a magbantay tu tupa de hide. 9Bigla a timmakn&#225;g u essa a anghel nu Panginoon tu atubang de, kanya nagdemlag u palebut de tu demlag nu Panginoon. Kanya grabi u &#225;nteng de. 10Pero kinagi nu anghel nide, &#8220;Dyan kam manteng! Dipo tehhod&#225;k a maganda a baheta para nikam. Mangat&#225;d iye ti dak&#225;l a kasayaan tu atanan a tolay. 11Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon. 12Iye u tanda para matengge moy siya: tehhod kam a ketan a anak a nabalutan ti lampen sakay kekatdug tu bahahungan.&#8221;</div><div class="p"> 13K&#225;ttapos nu anghel a magupos ay bigla d&#225;lla a lummitaw u grabi't kakpal a anghel a gabwat ti langet a magkansiyon ti p&#225;gpure tu Diyos.</div><div class="q2"> 14&#8220;Puriy&#225;n u Diyos a katoy ti langet,</div><div class="q1">Sakay tehhod d&#225;n a kapayapaan tu tolay hide a kinasayaan na a katoy ti luta&#225;y!&#8221;</div><div class="p"> 15Nikuna makalakad d&#225;n u kaanghelan a tamo ti langet ay nam&#225;gguhon u m&#225;ggalaga hide ti tupa, &#8220;Kadtamon ti Betlehem! Angay tam ilingan u inbaheta nikitam nu anghel nu Panginoon.&#8221; 16Pagdaka hide a immangay ti Betlehem, k&#225;ddem&#225;t di hod ay netan de di Maria ay ti Jose sakay u anak a kekatdug tu bahahungan. 17P&#225;kketa de nikuna ay inyistorya de di Jose u kinagi nu anghel tungkul tu anak; 18kaya nagtaka u atanan nu nakasaneg tu inbaheta nu m&#225;ggalaga hide ti tupa. 19Pero tin&#225;ttandaan ni Maria u atanan a nasaneg na sakay pinagisipan na ti mapiyya iye hide a bagay. 20Nagsole tu parang u m&#225;ggalaga hide ti tupa a mak&#225;n puriy&#225;n tu kadakilaan nu Diyos dipo tu atanan a nasaneg sakay netan de, dipo natupad u inbaheta nu anghel hide nide.</div><div class="s">Nginahanan ti Jesus</div><div class="p"> 21Nadid nikuna a walo d&#225;n a aldew u anak ay tinure di d&#225;n siya sakay nginahanan de a Jesus. Iye u ngahan a kinagi nu anghel bagu siya a inlihe ni Maria.</div><div class="s">Inyangay de ti Jesus tu Templo</div><div class="p"> 22Nikuna dummem&#225;t d&#225;n u aldew a pangtupad di Jose ay ti Maria tu Kautusan ni Moises a p&#225;glinis ay immangay hide tu Templo ti Jerusalem. Kaguman de u anak t&#225;nni mealay tu Panginoon. 23Dipo sigun tu sum&#225;ssulat tu Kautusan nu Diyos, &#8220;U atanan a panganay a l&#225;llake ay kailangan a mealay tu Panginoon.&#8221; 24Sakay n&#225;ng-alay bi hide sigun tu kinagi nu Kautusan nu Panginoon. U maare a iyalay ay duwwa a kalapate oni duwwa tu iba a kalase ni manok.</div><div class="p"> 25Nadid, tehhod a essa a l&#225;llake a magyan ti Jerusalem a Simeon u ngahan na. Malinis siya a tolay sakay te &#225;nteng tu Diyos sakay u Banal a Ispirito ay katoy nikuna. Mak&#225;n uhay&#225;n siya ni nik&#225;n a dumem&#225;t u Cristo a m&#225;ngligtas tu lahe ni Israel. 26Inhayag d&#225;n nikuna nu Banal a Ispirito a awan siya matay mentaras a awan na ketan u Cristo a inpananto nu Panginoon. 27Ti itod be a aldew ay inggiya siya nu Banal a Ispirito a angay tu Templo. Nikuna iyangay d&#225;n hod ni Jose sakay ti Maria ti Jesus para iyalay tu Panginoon a sigun tu Kautusan ay netan ni Simeon u anak. 28Kin&#225;lk&#225;l na u anak sakay nagpure siya tu Diyos. Kinagi na,</div><div class="q1"> 29&#8220;Nadid Panginoon, alap&#225;n mu d&#225;n ti mapayapa i tagapagserbi muw&#225;y,</div><div class="q2">dipo natupad d&#225;n u inpananto mo nik&#225;n.</div><div class="q1"> 30Netan ko d&#225;n a mismo u inyat&#225;d mo a Tagapagligtas,</div><div class="q2"> 31a inhanda mo para makilala nu atanan a tolay:</div><div class="q1"> 32siya u mangdemlag tu Hentil hide,</div><div class="q2">sakay siya be u mangat&#225;d ti karangalan tu pinile mo a lahe ni Israel.&#8221;</div><div class="p"> 33Kanya nagtaka u ama sakay u ina ni Jesus dipo tu kinagi ni Simeon tungkul nikuna. 34Inaged ni Simeon a pagpala&#225;n hide nu Diyos sakay kinagi na ni Maria, &#8220;Sanig&#225;n mo i kagiy&#225;n kuw&#225;y, anakan iye ay pinile nu Diyos. Tu pamamag-itan na ay makp&#225;l u maligtas sakay makpal be u mahatulan tu lahe hide ni Israel. Siya u tanda a g&#225;bwat tu Diyos pero makp&#225;l be nikuna u mangkontara, 35para mehayag u &#225;isip&#225;n de. Sakay hiko a mismo ay dem&#225;ttan ni grabi a kalungkutan a kum&#225;n a sundang a ind&#225;gkal ti puso muwe.&#8221;</div><div class="p"> 36Katoy be tu Templo u essa a prupeta a b&#225;bbey, u ngahan na ay ti Ana a anak ni Fanuel a g&#225;bwat tu lahe ni Aser. Bak&#225;s d&#225;n siya a tahod. Pitto la hide a taon a nagagum ay tu kabanga na, 37sakay nadid ay walo a pulo ay ti &#225;ppat d&#225;n a taon a nabilo. Lagi siya tu Templo aldew ay ti gibi a m&#225;gpapuriy&#225;n tu Diyos tu pamamag-itan nu p&#225;gkakulasyon sakay pak&#225;ndasal. 38Ti odas biyan itod ay immadene be ti Ana tu k&#225;d Jose ay ti Maria, sakay nagpasalamat tu Diyos. Nagupos be siya tungkul ni Jesus tu maguhay hide tu p&#225;gligtas nu Diyos tu lahe ni Israel.</div><div class="s">Nagsole ti Jose sakay ti Maria ti Nazaret</div><div class="p"> 39Nikuna natupad d&#225;n di Jose ay ti Maria u atanan a bagay tu Kautusan nu Panginoon ay nagsole d&#225;n hide tu banuwan a Nazaret a Galilea. 40Dimmak&#225;l u anak a mabegsak, malalake sakay kinasayaan nu Diyos.</div><div class="s">Ti Jesus Sakay u Maisto hide tu Templo</div><div class="p"> 41Nadid, kada taon ay angay m&#225;kpamiyesta u d&#225;ddak&#225;l hide ni Jesus ti Jerusalem tu P&#225;ggalaala tu P&#225;gtaleb nu anghel. 42Nikuna sapulo ay ti duwwa d&#225;n siya a taon ay ummangay d&#225;mman hide ti Jerusalem para m&#225;kpamiyesta, sigun tu kaugaliyan de. 43K&#225;ttapos nu piyesta ay naghektat d&#225;n hide a sole. Nagwahak ti Jesus ti Jerusalem a awan namalayan nu d&#225;ddak&#225;l na hide. 44Tu buong akala nu d&#225;ddak&#225;l na hide ay kaguman dila siya kanya dire-diretso la hide tu lakad de tu saldew. Nikuna matukuyan nu d&#225;ddak&#225;l na a awan siya kaguman ay inehyok de tu k&#225;kkap&#225;tk&#225;kka de sakay tu matengge de hide a tolay, pero 45awan de netan ti Jesus. Kanya nagsole hide ti Jerusalem para hed di hod a ehyuk&#225;n ti Jesus. 46K&#225;ttapos nu t&#225;llo a aldew ay netan de ti Jesus tu Templo a m&#225;kp&#225;ggetnod tu kamaistuwan nu Kautusan a m&#225;gsaneg sakay mak&#225;n tanungan nide. 47Nagtaka u atanan a nakasaneg tu katalinuwan na a magt&#225;bbeg. 48Nikuna ketan siya nu d&#225;ddak&#225;l na ay nagtaka be hide. Kinagi nena na, &#8220;Anin, anak ko, bakin a kinonna mo kami he? Grabi u balisa me ay tama mo a mak&#225;n ehyuk&#225;n niko.&#8221; 49Timm&#225;bbeg ti Jesus, &#8220;Bakin ehyuk&#225;nn&#225;k moy? Awan moy beman tukoy a dapat hed&#225;k tu bilay nama ko?&#8221; 50Pero awan de naintendiyan u tatahoden a kahulugan nu kinagi na.</div><div class="p"> 51K&#225;ttapos ay n&#225;kkuyog d&#225;n ti Jesus tu d&#225;ddak&#225;l na hide a pasole ti Nazaret, sakay nagin mas&#225;ssunud&#225;n siya nide. Pinakatandaan nu ina na u atanan a bagay a nangyare. 52M&#225;gdaka-dak&#225;l ti Jesus a malalake sakay lalo pa a kinasayaan nu Diyos sakay nu tolay hide.</div>
 </div>
 </div>
</div>

Pahanan Agta New Testament © Philippine Bible Society and Wycliffe Bible Translators, Inc., 2017.

Nadid, ti panahunan itod ay nagutus ti Agusto a Emperador ti Roma a dapat a magparihistro u atanan a tolay a nasakupan na. Iye u kadipalonguwan a págparehistro nikuna a ti Cirenio palla u gubernador ti Siria. Kanya u atanan a tolay ay nagsole tu sadile de a banuwan para magparihistro.
Kanya ti Jose a mágyan ti Nazaret a banuwan ni Galilea ay immangay ti Judea, ti Betlehem u banuwan a neenakan ni hare a David, dipo gábwat siya tu lahe ni David. Kaguman ni Jose ti Maria a magin kabanga na a angay magparihistro. Nadid ti itod be a bulan ay taráeenakan dán. Mentaras katoy hide ti Betlehem ay dinemát dán nu pággenak ti Maria. Inyenak na u panganay na a anak a lállake. Binalutan na ti lampen u anak sakay pinakatdug na tu bahahungan, dipo awan dán hide ti tulusan dipo putat dán u págkaseruwan hide a bilay.

Nadid ti lugaran itod ay tehhod a mággalaga ti tupa a katoy tu parang a magdamag a magbantay tu tupa de hide. Bigla a timmaknág u essa a anghel nu Panginoon tu atubang de, kanya nagdemlag u palebut de tu demlag nu Panginoon. Kanya grabi u ánteng de. Pero kinagi nu anghel nide, “Dyan kam manteng! Dipo tehhodák a maganda a baheta para nikam. Mangatád iye ti dakál a kasayaan tu atanan a tolay. Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon. Iye u tanda para matengge moy siya: tehhod kam a ketan a anak a nabalutan ti lampen sakay kekatdug tu bahahungan.”
Káttapos nu anghel a magupos ay bigla dálla a lummitaw u grabi't kakpal a anghel a gabwat ti langet a magkansiyon ti págpure tu Diyos.
“Puriyán u Diyos a katoy ti langet,
Sakay tehhod dán a kapayapaan tu tolay hide a kinasayaan na a katoy ti lutaáy!”
Nikuna makalakad dán u kaanghelan a tamo ti langet ay namágguhon u mággalaga hide ti tupa, “Kadtamon ti Betlehem! Angay tam ilingan u inbaheta nikitam nu anghel nu Panginoon.” Pagdaka hide a immangay ti Betlehem, káddemát di hod ay netan de di Maria ay ti Jose sakay u anak a kekatdug tu bahahungan. Pákketa de nikuna ay inyistorya de di Jose u kinagi nu anghel tungkul tu anak; kaya nagtaka u atanan nu nakasaneg tu inbaheta nu mággalaga hide ti tupa. Pero tináttandaan ni Maria u atanan a nasaneg na sakay pinagisipan na ti mapiyya iye hide a bagay. Nagsole tu parang u mággalaga hide ti tupa a makán puriyán tu kadakilaan nu Diyos dipo tu atanan a nasaneg sakay netan de, dipo natupad u inbaheta nu anghel hide nide.

Nadid nikuna a walo dán a aldew u anak ay tinure di dán siya sakay nginahanan de a Jesus. Iye u ngahan a kinagi nu anghel bagu siya a inlihe ni Maria.

Nikuna dummemát dán u aldew a pangtupad di Jose ay ti Maria tu Kautusan ni Moises a páglinis ay immangay hide tu Templo ti Jerusalem. Kaguman de u anak tánni mealay tu Panginoon. Dipo sigun tu sumássulat tu Kautusan nu Diyos, “U atanan a panganay a lállake ay kailangan a mealay tu Panginoon.” Sakay náng-alay bi hide sigun tu kinagi nu Kautusan nu Panginoon. U maare a iyalay ay duwwa a kalapate oni duwwa tu iba a kalase ni manok.
Nadid, tehhod a essa a lállake a magyan ti Jerusalem a Simeon u ngahan na. Malinis siya a tolay sakay te ánteng tu Diyos sakay u Banal a Ispirito ay katoy nikuna. Makán uhayán siya ni nikán a dumemát u Cristo a mángligtas tu lahe ni Israel. Inhayag dán nikuna nu Banal a Ispirito a awan siya matay mentaras a awan na ketan u Cristo a inpananto nu Panginoon. Ti itod be a aldew ay inggiya siya nu Banal a Ispirito a angay tu Templo. Nikuna iyangay dán hod ni Jose sakay ti Maria ti Jesus para iyalay tu Panginoon a sigun tu Kautusan ay netan ni Simeon u anak. Kinálkál na u anak sakay nagpure siya tu Diyos. Kinagi na,
“Nadid Panginoon, alapán mu dán ti mapayapa i tagapagserbi muwáy,
dipo natupad dán u inpananto mo nikán.
Netan ko dán a mismo u inyatád mo a Tagapagligtas,
a inhanda mo para makilala nu atanan a tolay:
siya u mangdemlag tu Hentil hide,
sakay siya be u mangatád ti karangalan tu pinile mo a lahe ni Israel.”
Kanya nagtaka u ama sakay u ina ni Jesus dipo tu kinagi ni Simeon tungkul nikuna. Inaged ni Simeon a pagpalaán hide nu Diyos sakay kinagi na ni Maria, “Sanigán mo i kagiyán kuwáy, anakan iye ay pinile nu Diyos. Tu pamamag-itan na ay makpál u maligtas sakay makpal be u mahatulan tu lahe hide ni Israel. Siya u tanda a gábwat tu Diyos pero makpál be nikuna u mangkontara, para mehayag u áisipán de. Sakay hiko a mismo ay demáttan ni grabi a kalungkutan a kumán a sundang a indágkal ti puso muwe.”
Katoy be tu Templo u essa a prupeta a bábbey, u ngahan na ay ti Ana a anak ni Fanuel a gábwat tu lahe ni Aser. Bakás dán siya a tahod. Pitto la hide a taon a nagagum ay tu kabanga na, sakay nadid ay walo a pulo ay ti áppat dán a taon a nabilo. Lagi siya tu Templo aldew ay ti gibi a mágpapuriyán tu Diyos tu pamamag-itan nu págkakulasyon sakay pakándasal. Ti odas biyan itod ay immadene be ti Ana tu kád Jose ay ti Maria, sakay nagpasalamat tu Diyos. Nagupos be siya tungkul ni Jesus tu maguhay hide tu págligtas nu Diyos tu lahe ni Israel.

Nikuna natupad dán di Jose ay ti Maria u atanan a bagay tu Kautusan nu Panginoon ay nagsole dán hide tu banuwan a Nazaret a Galilea. Dimmakál u anak a mabegsak, malalake sakay kinasayaan nu Diyos.

Nadid, kada taon ay angay mákpamiyesta u dáddakál hide ni Jesus ti Jerusalem tu Pággalaala tu Págtaleb nu anghel. Nikuna sapulo ay ti duwwa dán siya a taon ay ummangay dámman hide ti Jerusalem para mákpamiyesta, sigun tu kaugaliyan de. Káttapos nu piyesta ay naghektat dán hide a sole. Nagwahak ti Jesus ti Jerusalem a awan namalayan nu dáddakál na hide. Tu buong akala nu dáddakál na hide ay kaguman dila siya kanya dire-diretso la hide tu lakad de tu saldew. Nikuna matukuyan nu dáddakál na a awan siya kaguman ay inehyok de tu kákkapátkákka de sakay tu matengge de hide a tolay, pero awan de netan ti Jesus. Kanya nagsole hide ti Jerusalem para hed di hod a ehyukán ti Jesus. Káttapos nu tállo a aldew ay netan de ti Jesus tu Templo a mákpággetnod tu kamaistuwan nu Kautusan a mágsaneg sakay makán tanungan nide. Nagtaka u atanan a nakasaneg tu katalinuwan na a magtábbeg. Nikuna ketan siya nu dáddakál na ay nagtaka be hide. Kinagi nena na, “Anin, anak ko, bakin a kinonna mo kami he? Grabi u balisa me ay tama mo a makán ehyukán niko.” Timmábbeg ti Jesus, “Bakin ehyukánnák moy? Awan moy beman tukoy a dapat hedák tu bilay nama ko?” Pero awan de naintendiyan u tatahoden a kahulugan nu kinagi na.
Káttapos ay nákkuyog dán ti Jesus tu dáddakál na hide a pasole ti Nazaret, sakay nagin masássunudán siya nide. Pinakatandaan nu ina na u atanan a bagay a nangyare. Mágdaka-dakál ti Jesus a malalake sakay lalo pa a kinasayaan nu Diyos sakay nu tolay hide.

להקשיב ל Lukas 2