℗ 2011 Wycliffe Bible Translators, Inc. ℗ 2015 Hosanna

Ngangam - 2011 Edition (NT) Non Drama

Ngangam - 2011 Edition (NT) Drama

<div class="version vid474 iso6393gng" data-vid="474" data-iso6393="gng">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1">Yesu ya ninji&#603;b &#331;a teke' w&#596; ki jin'</div><div class="p"> 1Ni ya puoli bo&#769; n&#603; *Yesu cuonh Galile ya tinf&#603;nm ni, ka yi&#769;e w&#596; n&#769; jo Sude ya tinf&#603;nm ni, kim&#603; Sufmb&#603; ya ci&#603;nb ba&#768; te ni&#700;bo&#769; nn&#596; nuunh b&#603; n&#769; ku w&#596; n&#603;. 2T&#596;, ni&#768; la&#768; si&#768;en' waamu n&#603; *Sufmb&#603; n&#769; jele kunacenku ku&#768;a bi yih ku&#768; Ininbon ya nacenku nn&#596;. 3N&#603; u&#700;ninji&#603;b t&#596;ke' w&#596; ki ye: &#171;Siere ni&#603; saan, ki&#769; li joh Sude ya tinf&#603;nm bo&#769; &#331;&#596; a&#700;panpaankaab m&#596; n&#769; ti&#768; l&#603; a teh miy&#596;km ya bont ta&#768;. 4Unil yi&#769;e u&#700;yel n&#769; fii la, wa bu&#596;h u s&#596;nh na&#768;. A teh miy&#596;km ya bont ta&#768; nn&#596;, ce&#768;re binib k&#603; n&#769; l&#603; a teh na&#768;.&#187; 5Kim&#603; b&#603;n u&#700;ninji&#603;b m&#596;n&#596;n &#331;a la&#768; teke' w&#596; ki jin'.</div><div class="p"> 6N&#603; *Yesu t&#596;ke' b&#603; ki ye: &#171;N&#700;yo &#331;a laan baa'. Ninbi w&#596;n uyo k&#603; m&#596;n ni&#700;bo n&#603;. 7U&#331;&#603;ndun ya nib &#331;a n&#769; fre ki&#769; li n&#603;n ninbi. Bi n&#603;n min n&#603;, kim&#603; n lienh ki teh bi&#700;tu&#768;on bre n&#603;. 8Ninbi li joh m&#603;n kunacenku nn&#596;. Min &#331;a n&#769; jo, kim&#603; n&#700;yo &#331;a laan baa'.&#187; 9U la&#768; t&#596;ke' b&#603; nn&#596; n&#603; ki juore' Galile ya tinf&#603;nm ni.</div><div class="s1">Yesu jon' Ininbon ya nacenku ya jelm</div><div class="p"> 10*Yesu ya ninji&#603;b bure' kunacenku nn&#596; ma nn&#596; n&#603; u&#700;m&#596; l&#596;kre' ki paan'. 11*Sufmb&#603; ya ci&#603;nb nuunh w&#596; kunacenku nn&#596; ni, n&#603; ki niireh ki teh: &#171;U te l&#603; s&#596;?&#187;</div><div class="p"> 12N&#603; linigol nn&#596; bunbeh ki t&#596;keh t&#596;b u&#700;gb&#603;r. Biba teh u ye&#769; unim&#596;&#768;n, n&#603; bit&#596;b teh wa ye&#769; nim&#596;&#768;n, u tulndeh binib n&#603;. 13Ama uba &#331;a len' u&#700;gb&#603;r paan bo, kim&#603; bi f&#603;nge *Sufmb&#603; ya ci&#603;nb n&#603;.</div><div class="p"> 14Bi jele' kunacenku ki ti&#768; gbiire' siik ni uyo wa&#768; nn&#596;, n&#603; *Yesu jon' Uwien ya duku bo&#769;, ki ti&#768; w&#596;knh binib Uwien ya gb&#603;r. 15Ni&#768; cuo' *Sufmb&#603; miy&#596;km, n&#603; bi len' ki ye: &#171;Uj&#603; wu&#596; &#331;a b&#603;nge' gb&#596;nku-a! U tien' mila ki b&#603;n kugb&#596;nku mi&#603; ya b&#603;nm-i?&#187; 16N&#603; u t&#596;ke' b&#603; ki ye: &#171;N w&#596;knh binib na&#768; n&#596;, na ye&#769; min bugb&#603;n ya w&#596;knm. Ni&#768; ye&#769; wa&#768; s&#596;n' nni ni&#769; nn&#596; ya w&#596;knm n&#603;. 17Unil yi&#769;e w&#596; n&#769; tien Uwien yi&#769;e na&#768; la, u li b&#603;nde n w&#596;knh binib na&#768; n&#596;, ni&#768; ye&#769; Uwien ya w&#596;knm n&#603; bii n lienh min bugb&#603;n ya yel bo n&#603;. 18Unil wa&#768; lienh w&#596;n bugb&#603;n ya yel bo la, u nuunh u&#700;ti&#603;ma kpi&#603;ke n&#603;. Unil wa&#768; nuunh wa&#768; s&#596;n' w&#596; ya kpi&#603;ke la, w&#596;n n&#603; ye&#769; ugb&#603;m&#596;&#768;ndaan, ka &#331;m&#596;be tonn&#603;nku. 19Moyis n&#603; &#331;a la&#768; de' n&#603; *yiko-oo? Nin n&#603;n k&#603; ni&#700;ni uba &#331;a p&#603; yiko nn&#596; bo. B&#603; tien' ni nuunh ni&#769; ku nni?&#187;</div><div class="p"> 20N&#603; linigol nn&#596; t&#596;ke' w&#596; ki ye: &#171;Us&#603;npol n&#603; &#331;aake &#331;&#603;! &#330;m&#603; nuunh w&#596; n&#769; ku &#331;&#603;?&#187; 21N&#603; u ye: &#171;N tien' miy&#596;km ya bonn niba kpein n&#603; *Saba ya daali, n&#603; ni&#768; cuo' ni&#700;k&#603; miy&#596;km. 22Moyis la&#768; ye ni&#769; li j&#603;h ipun. Upunji&#603; &#331;a n&#771;&#603;n' Moyis saan, u n&#771;&#603;n' ni&#700;yaaj&#603;kpi&#603;kb saan n&#603;. N&#603;n bo n&#603; *Saba ya daali m&#596;n&#596;n, kibuk ka&#768; kpaan' ni&#769; ji&#603; ki&#700;punl la, ni j&#603;h k&#603;&#768; n&#603;. 23Ni j&#603;h ipun *Saba ya daali &#331;&#596; ni la saa Moyis ya yiko n&#603;. N&#603; min ce&#768;re' uwi&#603;n ya gb&#603;n&#603;nt k&#603; faake' *Saba ya daali, n&#603; ni&#700;benku ni ben' n&#700;bo-oo? 24La likeh m&#603;n nib ya nun bo&#769; ki buh b&#603; buur. Ce&#768;re m&#603;n ni&#700;buur n&#769; li cuube.&#187;</div><div class="s1">Binib nuunh b&#603; n&#769; b&#603;nde Yesu ye&#769; udaan wa&#768;</div><div class="p"> 25Yerusal&#603;m yaab biba lienh ki teh: &#171;Uj&#603; wa&#768; bi nuunh b&#603; n&#769; ku w&#596; nn&#596; &#331;a s&#596;-&#596;&#596;? 26W&#596;n n&#603; lienh binib ya nun bo&#769; ba teh w&#596; niba n&#596;! Bii ti&#700;ci&#603;nb m&#596;nbe ki b&#603;nde' ki ye u ye&#769; Uwien ya Nig&#603;ndk&#603; Kristo n&#603;? 27*Kristo la&#769; baa' la, uba &#331;a n&#769; b&#603;nde u n&#771;&#603;n' na&#768; saan. Ama uj&#603; wu&#596; w&#596;n ti&#700;k&#603; b&#603;n u n&#771;&#603;n' na&#768; saan.&#187;</div><div class="p"> 28*Yesu te Uwien ya duku ya luo bo, ki w&#596;knh binib, n&#603; ki len' ufaa bo ki ye: &#171;Ni m&#596;nbe ki b&#603;n nni ki b&#603;n n n&#771;&#603;n' na&#768; saan-a! Nin n&#603;n k&#603; &#331;&#596; ma baa' n&#700;ba ya baam. Wa&#768; s&#596;n' nni ni&#769; nn&#596; ye&#769; ugb&#603;m&#596;&#768;ndaan n&#603;. Ama ninbi &#331;a b&#603;n w&#596;. 29Min w&#596;n, n b&#603;n w&#596;, kim&#603; n n&#771;&#603;n' w&#596;n saan n&#603;, n&#603; w&#596;n n&#603; s&#596;n' nni ni&#769;.&#187;</div><div class="p"> 30N&#603;n saan n&#603; bi nuunh b&#603; n&#769; cuo w&#596;. Ama uba &#331;a tien' w&#596; niba, kim&#603; u&#700;yo &#331;a laan la&#768; baa'. 31Linigol nn&#596; ni binib ba&#768; y&#603;be n&#603; teke' w&#596; ki jin', n&#603; ki len' ki ye: &#171;Uwien ya Nig&#603;ndk&#603; Kristo la&#769; baa' la, u li tien miy&#596;km ya bont ki&#769; c&#603;n uj&#603; wu&#596; tien' ma bo n&#596;-&#596;&#596;?&#187;</div><div class="s1">Farisi&#603;nmb&#603; nin bit&#596;tu&#596;rci&#603;nb nuunh b&#603; n&#769; cuo Yesu</div><div class="p"> 32*Farisi&#603;nmb&#603; cii' linigol nn&#596; bunbeh *Yesu bo na&#768; k&#603; nn&#596;, n&#603; b&#603;n nin bit&#596;tu&#596;rci&#603;nb s&#596;n' biguguurb b&#603; n&#769; ti&#768; cuo w&#596; ni&#769;. 33N&#603; *Yesu t&#596;ke' linigol nn&#596; ki ye: &#171;Ma ji li wu&#596;ke ni&#700;saan, n li li&#603;be wa&#768; s&#596;n' nni ni&#769; nn&#596; bo&#769;. 34Ni la&#769; li nuun nni ka n&#769; l&#603; nni, kim&#603; na n&#769; fre ki&#769; jo n ti&#768; li te na&#768; saan nn&#596;.&#187;</div><div class="p"> 35N&#603; *Sufmb&#603; niireh t&#596;b ki teh: &#171;U li jo l&#603; saan n&#603; ta n&#769; l&#603; w&#596;? U li jo Gr&#603;kmb&#603; ya tinf&#603;nm ma&#768; *Sufmb&#603; y&#603;re' ki te mi&#700;ni nn&#596; n&#603; ki&#769; ti&#768; n&#769; li w&#596;knh Gr&#603;kmb&#603;-&#603;&#603;? 36U len' ki ye ti li nuun w&#596;, ka n&#769; l&#603; w&#596;, ka n&#769; fre ki&#769; jo u ti&#768; li te na&#768; saan nn&#596;. U&#700;lenm mi&#603; n&#596; ya tingi si ba?&#187;</div><div class="s1">Min&#771;unm ma&#768; dienh limi&#603;l ya gb&#603;r</div><div class="p"> 37Kunacenku nn&#596; ya tontonddaali la&#768; ye&#769; uwengbenge n&#603;. N&#603;n daali n&#603; *Yesu sere' ki len' ufaa bo ki ye: &#171;Un&#771;un&#771;un &#331;m&#596;be wa&#768; la, w&#596; n&#769; d&#603;n n&#700;saan ki&#769; n&#771;u. 38Unil wa&#768; teke' nni ki jin' la, min&#771;unm ma&#768; dienh limi&#603;l li puube u&#700;f&#603;&#768;l ni t&#603;n likpenl n&#603;. Ni&#768; k&#603;le' nn&#596; n&#603; *Uwien ya gb&#596;nku ni.&#187; 39U len' nn&#596; ma nn&#596;, u niireh *Mifuon&#771;aanm ma&#768; Uwien la&#769; li de m&#603;&#768; binib ba&#768; teke' w&#596; ki jin' nn&#596; n&#603;. U ya yo ki laa' *Mifuon&#771;aanm &#331;a laan la&#768; jiire' ni&#769;, kim&#603; Uwien &#331;a laan la&#768; kpi&#603;ke' Yesu.</div><div class="s1">Yesu bo, binib &#331;a len' ki cii' t&#596;b bo&#769;</div><div class="p"> 40Linigol nn&#596; cii' *Yesu len' na&#768; nn&#596; n&#603; biba len' ki ye: &#171;Uj&#603; wu&#596; m&#596;nbe ki ye&#769; *Uwien ya n&#771;&#596;bons&#596;knl wa&#768; li baa ni&#769; nn&#596; n&#603;.&#187; 41Bit&#596;b ye: &#171;U ye&#769; Uwien ya Nig&#603;ndk&#603; Kristo n&#603;.&#187; N&#603; bit&#596;b m&#596; ye: &#171;Kristo li fre ki&#769; li ye&#769; Galile ya nil-ii? 42Na k&#603;le' Uwien ya gb&#596;nku ni ki ye u li ye&#769; ti&#700;yaaj&#603; *Dafid ya yaabil, ki&#769; li ye&#769; *Dafid ya du B&#603;tel&#603;m ya nil n&#603;-&#603;&#603;?&#187; 43Nn&#596; n&#603; Yesu bo, linigol nn&#596; &#331;a len' ki cii' t&#596;b bo&#769;, n&#603; ki gbiire' ic&#603;k ile. 44Bi&#700;ni biba la&#768; nuunh b&#603; n&#769; cuo w&#596; ufaa bo n&#603;, ama uba &#331;a tien' w&#596; niba.</div><div class="p"> 45Biguguurb ba&#768; bit&#596;tu&#596;rci&#603;nb nin *Farisi&#603;nmb&#603; s&#596;n' b&#603; b&#603; n&#769; ti&#768; cuo *Yesu nn&#596; li&#603;be' bi&#700;saan, n&#603; bi niire' b&#603; ki ye: &#171;B&#603; tien' na cuo' w&#596; ni&#769;?&#187; 46N&#603; bi ye: &#171;Nil uba &#331;a laan len' t&#603;n u ya j&#603;.&#187; 47N&#603; *Farisi&#603;nmb&#603; nn&#596; ye: &#171;Ninbi m&#596; ce&#768;re' u tuln' n&#603; n&#603;-&#603;&#603;? 48Bici&#603;nb nin tinbi *Farisi&#603;nmb&#603; ni, unil te ki teke' w&#596; ki jin'-ii? 49Linigol la&#768; teke' w&#596; ki jin' nn&#596; &#331;a b&#603;n *yiko ya gb&#603;r n&#603;. Bi ye&#769; binib ba&#768; Uwien wi&#603;' b&#603; mi&#331;u&#768;um n&#603;.&#187;</div><div class="p"> 50Nikod&#603;m, *Farisi&#603;nmb&#603; ya uba, wa&#768; la&#768; jon' *Yesu saan uyo uba nn&#596; niire' b&#603; ki ye: 51&#171;Ti&#700;yiko bo, ti li fre ki&#769; biin unil, ka kpi&#603;' ki bun' w&#596; tibuur ki b&#603;nde' u tien' na&#768;-aa?&#187; 52N&#603; bi ye: &#171;Sin, a&#700;m&#596; ye&#769; Galile y&#596; n&#603;-&#603;&#603;? Tu&#768;&#596;re ki&#769; fi&#768;in *Uwien ya gb&#596;nku ki&#769; liike, a li l&#603; Galile ya nil uba m&#596;n&#596;n &#331;a laan n&#771;&#603;n' *Wien ya n&#771;&#596;bons&#596;knl?&#187;</div><div class="s1">Upiina&#331;maa uba ya gb&#603;r</div><div class="p"> 53[N&#603; bi&#700;k&#603; ku&#768;n'.</div>
 </div>
 </div>
</div>

Ni ya puoli bó nɛ *Yesu cuonh Galile ya tinfɛnm ni, ka yíe wɔ ń jo Sude ya tinfɛnm ni, kimɛ Sufmbɛ ya ciɛnb bà te niʼbó nnɔ nuunh bɛ ń ku wɔ nɛ. Tɔ, nì là sìen' waamu nɛ *Sufmbɛ ń jele kunacenku kùa bi yih kù Ininbon ya nacenku nnɔ. Nɛ uʼninjiɛb tɔke' wɔ ki ye: «Siere niɛ saan, kí li joh Sude ya tinfɛnm bó ŋɔ aʼpanpaankaab mɔ ń tì lɛ a teh miyɔkm ya bont tà. Unil yíe uʼyel ń fii la, wa buɔh u sɔnh nà. A teh miyɔkm ya bont tà nnɔ, cère binib kɛ ń lɛ a teh nà.» Kimɛ bɛn uʼninjiɛb mɔnɔn ŋa là teke' wɔ ki jin'.
Nɛ *Yesu tɔke' bɛ ki ye: «Nʼyo ŋa laan baa'. Ninbi wɔn uyo kɛ mɔn niʼbo nɛ. Uŋɛndun ya nib ŋa ń fre kí li nɛn ninbi. Bi nɛn min nɛ, kimɛ n lienh ki teh biʼtùon bre nɛ. Ninbi li joh mɛn kunacenku nnɔ. Min ŋa ń jo, kimɛ nʼyo ŋa laan baa'.» U là tɔke' bɛ nnɔ nɛ ki juore' Galile ya tinfɛnm ni.

*Yesu ya ninjiɛb bure' kunacenku nnɔ ma nnɔ nɛ uʼmɔ lɔkre' ki paan'. *Sufmbɛ ya ciɛnb nuunh wɔ kunacenku nnɔ ni, nɛ ki niireh ki teh: «U te lɛ sɔ?»
Nɛ linigol nnɔ bunbeh ki tɔkeh tɔb uʼgbɛr. Biba teh u yé unimɔ̀n, nɛ bitɔb teh wa yé nimɔ̀n, u tulndeh binib nɛ. Ama uba ŋa len' uʼgbɛr paan bo, kimɛ bi fɛnge *Sufmbɛ ya ciɛnb nɛ.
Bi jele' kunacenku ki tì gbiire' siik ni uyo wà nnɔ, nɛ *Yesu jon' Uwien ya duku bó, ki tì wɔknh binib Uwien ya gbɛr. Nì cuo' *Sufmbɛ miyɔkm, nɛ bi len' ki ye: «Ujɛ wuɔ ŋa bɛnge' gbɔnku-a! U tien' mila ki bɛn kugbɔnku miɛ ya bɛnm-i?» Nɛ u tɔke' bɛ ki ye: «N wɔknh binib nà nɔ, na yé min bugbɛn ya wɔknm. Nì yé wà sɔn' nni ní nnɔ ya wɔknm nɛ. Unil yíe wɔ ń tien Uwien yíe nà la, u li bɛnde n wɔknh binib nà nɔ, nì yé Uwien ya wɔknm nɛ bii n lienh min bugbɛn ya yel bo nɛ. Unil wà lienh wɔn bugbɛn ya yel bo la, u nuunh uʼtiɛma kpiɛke nɛ. Unil wà nuunh wà sɔn' wɔ ya kpiɛke la, wɔn nɛ yé ugbɛmɔ̀ndaan, ka ŋmɔbe tonnɛnku. Moyis nɛ ŋa là de' nɛ *yiko-oo? Nin nɛn kɛ niʼni uba ŋa pɛ yiko nnɔ bo. Bɛ tien' ni nuunh ní ku nni?»
Nɛ linigol nnɔ tɔke' wɔ ki ye: «Usɛnpol nɛ ŋaake ŋɛ! Ŋmɛ nuunh wɔ ń ku ŋɛ?» Nɛ u ye: «N tien' miyɔkm ya bonn niba kpein nɛ *Saba ya daali, nɛ nì cuo' niʼkɛ miyɔkm. Moyis là ye ní li jɛh ipun. Upunjiɛ ŋa ñɛn' Moyis saan, u ñɛn' niʼyaajɛkpiɛkb saan nɛ. Nɛn bo nɛ *Saba ya daali mɔnɔn, kibuk kà kpaan' ní jiɛ kiʼpunl la, ni jɛh kɛ̀ nɛ. Ni jɛh ipun *Saba ya daali ŋɔ ni la saa Moyis ya yiko nɛ. Nɛ min cère' uwiɛn ya gbɛnɛnt kɛ faake' *Saba ya daali, nɛ niʼbenku ni ben' nʼbo-oo? La likeh mɛn nib ya nun bó ki buh bɛ buur. Cère mɛn niʼbuur ń li cuube.»

Yerusalɛm yaab biba lienh ki teh: «Ujɛ wà bi nuunh bɛ ń ku wɔ nnɔ ŋa sɔ-ɔɔ? Wɔn nɛ lienh binib ya nun bó ba teh wɔ niba nɔ! Bii tiʼciɛnb mɔnbe ki bɛnde' ki ye u yé Uwien ya Nigɛndkɛ Kristo nɛ? *Kristo lá baa' la, uba ŋa ń bɛnde u ñɛn' nà saan. Ama ujɛ wuɔ wɔn tiʼkɛ bɛn u ñɛn' nà saan.»
*Yesu te Uwien ya duku ya luo bo, ki wɔknh binib, nɛ ki len' ufaa bo ki ye: «Ni mɔnbe ki bɛn nni ki bɛn n ñɛn' nà saan-a! Nin nɛn kɛ ŋɔ ma baa' nʼba ya baam. Wà sɔn' nni ní nnɔ yé ugbɛmɔ̀ndaan nɛ. Ama ninbi ŋa bɛn wɔ. Min wɔn, n bɛn wɔ, kimɛ n ñɛn' wɔn saan nɛ, nɛ wɔn nɛ sɔn' nni ní.»
Nɛn saan nɛ bi nuunh bɛ ń cuo wɔ. Ama uba ŋa tien' wɔ niba, kimɛ uʼyo ŋa laan là baa'. Linigol nnɔ ni binib bà yɛbe nɛ teke' wɔ ki jin', nɛ ki len' ki ye: «Uwien ya Nigɛndkɛ Kristo lá baa' la, u li tien miyɔkm ya bont kí cɛn ujɛ wuɔ tien' ma bo nɔ-ɔɔ?»

*Farisiɛnmbɛ cii' linigol nnɔ bunbeh *Yesu bo nà kɛ nnɔ, nɛ bɛn nin bitɔtuɔrciɛnb sɔn' biguguurb bɛ ń tì cuo wɔ ní. Nɛ *Yesu tɔke' linigol nnɔ ki ye: «Ma ji li wuɔke niʼsaan, n li liɛbe wà sɔn' nni ní nnɔ bó. Ni lá li nuun nni ka ń lɛ nni, kimɛ na ń fre kí jo n tì li te nà saan nnɔ.»
Nɛ *Sufmbɛ niireh tɔb ki teh: «U li jo lɛ saan nɛ ta ń lɛ wɔ? U li jo Grɛkmbɛ ya tinfɛnm mà *Sufmbɛ yɛre' ki te miʼni nnɔ nɛ kí tì ń li wɔknh Grɛkmbɛ-ɛɛ? U len' ki ye ti li nuun wɔ, ka ń lɛ wɔ, ka ń fre kí jo u tì li te nà saan nnɔ. Uʼlenm miɛ nɔ ya tingi si ba?»

Kunacenku nnɔ ya tontonddaali là yé uwengbenge nɛ. Nɛn daali nɛ *Yesu sere' ki len' ufaa bo ki ye: «Uñuñun ŋmɔbe wà la, wɔ ń dɛn nʼsaan kí ñu. Unil wà teke' nni ki jin' la, miñunm mà dienh limiɛl li puube uʼfɛ̀l ni tɛn likpenl nɛ. Nì kɛle' nnɔ nɛ *Uwien ya gbɔnku ni.» U len' nnɔ ma nnɔ, u niireh *Mifuoñaanm mà Uwien lá li de mɛ̀ binib bà teke' wɔ ki jin' nnɔ nɛ. U ya yo ki laa' *Mifuoñaanm ŋa laan là jiire' ní, kimɛ Uwien ŋa laan là kpiɛke' Yesu.

Linigol nnɔ cii' *Yesu len' nà nnɔ nɛ biba len' ki ye: «Ujɛ wuɔ mɔnbe ki yé *Uwien ya ñɔbonsɔknl wà li baa ní nnɔ nɛ.» Bitɔb ye: «U yé Uwien ya Nigɛndkɛ Kristo nɛ.» Nɛ bitɔb mɔ ye: «Kristo li fre kí li yé Galile ya nil-ii? Na kɛle' Uwien ya gbɔnku ni ki ye u li yé tiʼyaajɛ *Dafid ya yaabil, kí li yé *Dafid ya du Bɛtelɛm ya nil nɛ-ɛɛ?» Nnɔ nɛ Yesu bo, linigol nnɔ ŋa len' ki cii' tɔb bó, nɛ ki gbiire' icɛk ile. Biʼni biba là nuunh bɛ ń cuo wɔ ufaa bo nɛ, ama uba ŋa tien' wɔ niba.
Biguguurb bà bitɔtuɔrciɛnb nin *Farisiɛnmbɛ sɔn' bɛ bɛ ń tì cuo *Yesu nnɔ liɛbe' biʼsaan, nɛ bi niire' bɛ ki ye: «Bɛ tien' na cuo' wɔ ní?» Nɛ bi ye: «Nil uba ŋa laan len' tɛn u ya jɛ.» Nɛ *Farisiɛnmbɛ nnɔ ye: «Ninbi mɔ cère' u tuln' nɛ nɛ-ɛɛ? Biciɛnb nin tinbi *Farisiɛnmbɛ ni, unil te ki teke' wɔ ki jin'-ii? Linigol là teke' wɔ ki jin' nnɔ ŋa bɛn *yiko ya gbɛr nɛ. Bi yé binib bà Uwien wiɛ' bɛ miŋùum nɛ.»
Nikodɛm, *Farisiɛnmbɛ ya uba, wà là jon' *Yesu saan uyo uba nnɔ niire' bɛ ki ye: «Tiʼyiko bo, ti li fre kí biin unil, ka kpiɛ' ki bun' wɔ tibuur ki bɛnde' u tien' nà-aa?» Nɛ bi ye: «Sin, aʼmɔ yé Galile yɔ nɛ-ɛɛ? Tùɔre kí fìin *Uwien ya gbɔnku kí liike, a li lɛ Galile ya nil uba mɔnɔn ŋa laan ñɛn' *Wien ya ñɔbonsɔknl?»

[Nɛ biʼkɛ kùn'.

להקשיב ל San 7