If you have would like a copy of this version please contact info@davarpartners.org

Text: Yalunka Old Testament, CC-BY-SA-4.0, Pioneer Bible Translators, 2012. -- Audio: Yalunka Old Testament Audio Bible, CC-BY-SA-4.0, Davar Partners International, 2022

Yalunka Old Testament

<div class="version vid620 iso6393yal" data-vid="620" data-iso6393="yal">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kayini nun Habila fe</div><div class="p"> 1Adama yi Nmahawa kolon &#626;axanla ra. Nmahawa yi fudikan. E yi diin s&#596;t&#596; naxan xili Kayini. Nmahawa yi a fala, a naxa, &#8220;Alatala bata n mali dii x&#603;m&#603;n s&#596;t&#596; feen na.&#8221;#4.1 Kayini maso xuina nde ra Heburu xuini naxan bunna n&#603;&#603;n &#8220;S&#596;t&#596;na.&#8221; 2Na xanbi, Nmahawa yi Kayini raburunna s&#596;t&#596; dii x&#603;m&#603;na, naxan yi xili Habila. Habila, xuruse rabaan nan yi a ra. Kayini, x&#603;&#603; biin nan yi a ra.</div><div class="p"> 3Na waxatin to dangu, Kayini yi fa sansi bogina ndee ra, a ne ba saraxan na Alatala xa. 4Koni Habila yi fa xuruse dii singen na e nun a turena. Alatala yi Habila nun a saraxan nasuxu, 5koni a mi Kayini nun a saraxan nasuxu.</div><div class="p">Awa, Kayini yi x&#596;l&#596;. A y&#603;tagin yi masara. 6Na xanbi, Alatala yi Kayini max&#596;din, a naxa, &#8220;Nanfera i x&#596;l&#596;xi? Nanfera i y&#603;tagin masaraxi? 7Xa i fe fa&#626;in liga, n na rasuxuma n&#603;n, koni xa i fe &#626;axin liga, yulubina i ya d&#603;&#603;n na, a i mam&#603;l&#603;nma. I kata, i yi a n&#596;.&#8221;</div><div class="p"> 8Kayini yi a fala a xuny&#603;n xa, a naxa, &#8220;En siga x&#603;&#603;n ma.&#8221; E to so x&#603;&#603;n ma, Kayini yi a xuny&#603;n Habila suxu. A yi a faxa. 9Na xanbi Alatala yi Kayini max&#596;din, a naxa, &#8220;I xuny&#603;n Habila min&#603;n yi?&#8221; A yi a yabi, a naxa, &#8220;N mi a kolon. N tan nan n xuny&#603;n kantan muxun na ba?&#8221; 10Ala yi a fala, a naxa, &#8220;I nanse ligaxi? I tuli mati. I xuny&#603;n wunla n gbelegbelema b&#596;x&#596;ni. 11N bata i danga bayo i bata i xuny&#603;n faxa. N na i kedima n&#603;n b&#596;x&#596;ni ito ma i xuny&#603;n wunla d&#603;naxan yi. 12I na b&#596;x&#596;n nawali, i mi balon s&#596;t&#596;ma. I findima sigatiin nan na.&#8221;</div><div class="p"> 13Kayini yi a fala Alatala xa, a naxa, &#8220;Na hak&#603;n goronna gbo n tan xun ma. 14Xa i bata n kedi to, n mi i toma s&#596;n&#596;n. N findima sigatiin nan na. Muxun naxan sa n toma, a n faxama n&#603;n.&#8221; 15Alatala yi a yabi, a naxa, &#8220;&#400;n-&#603;n, xa muxu yo i faxa, n na i gbeen &#626;&#596;x&#596;ma n&#603;n d&#596;x&#596;&#626;a ma solofere.&#8221; Alatala yi taxamasenna sa Kayini ma alogo xa naxan sa a to, a nama a faxa.</div><div class="p"> 16Awa, Kayini yi a makuya Alatala ra. A sa d&#596;x&#596; Nodi b&#596;x&#596;ni Eden nak&#596;&#596;n sogetede binna ra. 17Kayini yi a &#626;axanla kolon &#626;axanla ra. A &#626;axanla yi fudikan. A yi diin s&#596;t&#596; naxan xili Xan&#596;ki. Kayini yi taan ti na yi. A yi a diin xili sa na taan xun ma.</div><div class="p"> 18Xan&#596;ki nan Yiradi s&#596;t&#596;. Yiradi yi Mehuyay&#603;li s&#596;t&#596;. Mehuyay&#603;li yi Metusay&#603;li s&#596;t&#596;. Metusay&#603;li yi Lameki s&#596;t&#596;. 19Lameki yi &#626;axalan firin tongo. Kedenna xili Ada. Boden xili Sila. 20Ada yi Yabali s&#596;t&#596;. Yabali, xuruse rabane nun bubu kanne baba nan yi a ra. 21Yabali xuny&#603;n xili Yubali. Yubali, konden maxane nun xulen fene baba nan yi a ra.</div><div class="p"> 22Sila fan yi diin s&#596;t&#596;. A xili Tubali-Kayini. A tan, xabun nan yi a ra. A yi waliseen sifan birin nafalama sulan na, e nun wurena. Tubali-Kayini xuny&#603;n &#626;axalanmaan yi xili Nama.</div><div class="p"> 23Lameki yi a fala a &#626;axanle xa, a naxa, &#8220;Ada nun Sila, &#603; tuli mati. Lameki a &#626;axanle, &#603; &#603; tuli mati n ma falan na. N bata x&#603;m&#603;na nde faxa n gbeen &#626;&#596;x&#596;n na. N bata na banxulanna faxa bayo a bata n max&#596;l&#596;. 24Xa Kayini daxa a gbeen &#626;&#596;x&#596; d&#596;x&#596;&#626;a ma solofere, Lameki a gbeen &#626;&#596;x&#596;ma n&#603;n d&#596;x&#596;&#626;a ma tonge solofere e nun solofere.&#8221;</div><div class="p"> 25Adama yi a &#626;axanla kolon &#626;axanla ra. A yi diin s&#596;t&#596; naxan yi xili Seti. A na xili sa bayo Ala bata a diin Habila &#626;&#596;x&#596; so a yii Kayini naxan faxa.#4.25 Seti maso xuina nde ra Heburu xuini naxan bunna n&#603;&#603;n &#8220;A bata a fi.&#8221; 26Seti fan yi diin s&#596;t&#596; naxan xili Enosi. Na waxatini, muxune yi Alatala xinla binya f&#596;l&#596;.</div>
 </div>
 </div>
</div>

© 2012 Traducteurs Pionniers de la Bible © 2012 Pioneer Bible Translators This work is licensed under the Creative Commons Attribution ShareAlike 4.0 license  https://creativecommons.org/licenses/by-sa/4.0/ 

Adama yi Nmahawa kolon ɲaxanla ra. Nmahawa yi fudikan. E yi diin sɔtɔ naxan xili Kayini. Nmahawa yi a fala, a naxa, “Alatala bata n mali dii xɛmɛn sɔtɔ feen na.” Na xanbi, Nmahawa yi Kayini raburunna sɔtɔ dii xɛmɛna, naxan yi xili Habila. Habila, xuruse rabaan nan yi a ra. Kayini, xɛɛ biin nan yi a ra.
Na waxatin to dangu, Kayini yi fa sansi bogina ndee ra, a ne ba saraxan na Alatala xa. Koni Habila yi fa xuruse dii singen na e nun a turena. Alatala yi Habila nun a saraxan nasuxu, koni a mi Kayini nun a saraxan nasuxu.
Awa, Kayini yi xɔlɔ. A yɛtagin yi masara. Na xanbi, Alatala yi Kayini maxɔdin, a naxa, “Nanfera i xɔlɔxi? Nanfera i yɛtagin masaraxi? Xa i fe faɲin liga, n na rasuxuma nɛn, koni xa i fe ɲaxin liga, yulubina i ya dɛɛn na, a i mamɛlɛnma. I kata, i yi a nɔ.”
Kayini yi a fala a xunyɛn xa, a naxa, “En siga xɛɛn ma.” E to so xɛɛn ma, Kayini yi a xunyɛn Habila suxu. A yi a faxa. Na xanbi Alatala yi Kayini maxɔdin, a naxa, “I xunyɛn Habila minɛn yi?” A yi a yabi, a naxa, “N mi a kolon. N tan nan n xunyɛn kantan muxun na ba?” Ala yi a fala, a naxa, “I nanse ligaxi? I tuli mati. I xunyɛn wunla n gbelegbelema bɔxɔni. N bata i danga bayo i bata i xunyɛn faxa. N na i kedima nɛn bɔxɔni ito ma i xunyɛn wunla dɛnaxan yi. I na bɔxɔn nawali, i mi balon sɔtɔma. I findima sigatiin nan na.”
Kayini yi a fala Alatala xa, a naxa, “Na hakɛn goronna gbo n tan xun ma. Xa i bata n kedi to, n mi i toma sɔnɔn. N findima sigatiin nan na. Muxun naxan sa n toma, a n faxama nɛn.” Alatala yi a yabi, a naxa, “Ɛn-ɛn, xa muxu yo i faxa, n na i gbeen ɲɔxɔma nɛn dɔxɔɲa ma solofere.” Alatala yi taxamasenna sa Kayini ma alogo xa naxan sa a to, a nama a faxa.
Awa, Kayini yi a makuya Alatala ra. A sa dɔxɔ Nodi bɔxɔni Eden nakɔɔn sogetede binna ra. Kayini yi a ɲaxanla kolon ɲaxanla ra. A ɲaxanla yi fudikan. A yi diin sɔtɔ naxan xili Xanɔki. Kayini yi taan ti na yi. A yi a diin xili sa na taan xun ma.
Xanɔki nan Yiradi sɔtɔ. Yiradi yi Mehuyayɛli sɔtɔ. Mehuyayɛli yi Metusayɛli sɔtɔ. Metusayɛli yi Lameki sɔtɔ. Lameki yi ɲaxalan firin tongo. Kedenna xili Ada. Boden xili Sila. Ada yi Yabali sɔtɔ. Yabali, xuruse rabane nun bubu kanne baba nan yi a ra. Yabali xunyɛn xili Yubali. Yubali, konden maxane nun xulen fene baba nan yi a ra.
Sila fan yi diin sɔtɔ. A xili Tubali-Kayini. A tan, xabun nan yi a ra. A yi waliseen sifan birin nafalama sulan na, e nun wurena. Tubali-Kayini xunyɛn ɲaxalanmaan yi xili Nama.
Lameki yi a fala a ɲaxanle xa, a naxa, “Ada nun Sila, ɛ tuli mati. Lameki a ɲaxanle, ɛ ɛ tuli mati n ma falan na. N bata xɛmɛna nde faxa n gbeen ɲɔxɔn na. N bata na banxulanna faxa bayo a bata n maxɔlɔ. Xa Kayini daxa a gbeen ɲɔxɔ dɔxɔɲa ma solofere, Lameki a gbeen ɲɔxɔma nɛn dɔxɔɲa ma tonge solofere e nun solofere.”
Adama yi a ɲaxanla kolon ɲaxanla ra. A yi diin sɔtɔ naxan yi xili Seti. A na xili sa bayo Ala bata a diin Habila ɲɔxɔ so a yii Kayini naxan faxa. Seti fan yi diin sɔtɔ naxan xili Enosi. Na waxatini, muxune yi Alatala xinla binya fɔlɔ.

להקשיב ל Dunuɲa Fɔlɔna 4