פסוקים פופולריים מ- JOHANA 15

שתף

“Kei hi grep râng ki ni, nangni a ônhai nin ni. Tukhom keimaa a om maia, kei khom amaa ki om maina chu tamtakin a ra ngai; keima boiin ite tho thei mak chêi.

Keimaa om mai unglân, kei khom nangnia om mai ki ti. Ôn kha grep rânga a om mai no’n chu a ira thei loi ang dênin, nangni khom keimaa nin om mai no’n chu ra thei no chin ni.

Keimaa nin om maia, ki thu nangnia a om maiin chu nin inuam murdi zong unglân, hmu thiai nin ti.

Nangni’n nin thang mak chêi, keima’n nangni kin thang, va ra hrang le nin raa om mai hrangin nangni kin kung a ni; ki’rhminga Pa kuanga nin izong murdi nangni a pêk theina hrangin.

Mi’n a rual hranga a hringna a ipêk bana lungthungna inthûk ual tûte’n nei mahai.

Ki irzompui ôn raloi murdi chu a pai ngaia, a ra murdi chu a’rthial infâi ngaia, a ra tam ualna hrangin.

Hi hi ki thupêk chu a ni; lung nangni ki ithung ang takin nangni khom lung irthung irhlôm roi.

Tamtak nin ra hin, ka Pa chu chôiindômin a om ngaia, khanchu ki irchutirhai ni nin ti.

“Kei hi Grep râng diktak ki ni, ka Pa ar huan enkoltu a ni.

Tukhom keimaa om loi chu ôn anga pai suakin an om ngai, ôn ipai kha a châra, an irkhôma, meia an paia, a kâng irhmang ngai.

“Ki lômna hi nangnia a om mai theina hrang le nin lômna ar kip theina hrangin hi thu hi nin kuang ki insîr a ni.

Ki thupêkhai nin zômin chu, ki lungthungin om mai nin ti, keiin ka Pa thupêkhai ki zôma, a lungthunga ki iom ang hin.

Khasikin hi thu hi nangni ki ipêk a ni, lung irthung irhlôm roi.

Rammuala mi ni unglân chu, rammualin ama ta angin lung nangni a ithung hrang a ni. Khannisianlân, rammual ata nangni ki inthang suak nin nia, rammual mi nin ni ta no sikin rammualin nangni a ihnôl a ni.