פסוקים פופולריים מ- JON 14

שתף

“Mêmo pa ngama nenâng phethien koheka; erepa ngadede ngewah mêmo koheka. Ngama erepa hahtokkhoh ma koheka rãngrãng koh dangmek. Nekpatrii sekmah en; ngale acheimin nekchei en.

Jisu ma atenâng dânthâng wah, “Nga a Lemkhô, toangtang, ngale roandông; Wa tânâng henjô leta wãngmin, ngajunma lolojôba Wa tânâng tâwâng min.

Jisu ma thinnâng thôkoh wah. “Neksekmah patrii en,” “Joban nâng putedâlem en ngale nganângmin putedâlem ha.”

Wama ngamînko nenâng chohsokrãng Asâthôanju echien katra, ngale atema nenâng chentôpa ehethô hèn, ngale ngama nenâng chentô thôkotah a, ereheh phangtang ethonghun thuk hèn.

“Henhenma nga hôkum pa keplahma erejunko dangeka ereheh nganâng hunte. Henhenma nganâng hun ehanga ereheh nâng Ngawa memin ehun a; Ngamemin thinnâng ehun ang ngale ngadede min thinnâng ekherii ang.”

Ngama Wa wah etha ang, ngale atema nenâng chohsokte ahan ekohhèn, erepa nedemnâng roantang roangjêng rãng ejohtonghen. Atea Ju, ngale atema Joban toangtang pa eloatsiet katra. Hahtokkhoh wah hehma ate kepmah, chenrãngma ngako thinma ate khemah ngale ajetmin jetmah. Rohkomin nema ate jet eken, chenrãngma ngako atea nedemnâng johtong ehèn ngale ne khennâng tong ehèn.

Ngale nema ngamînko chenjô metha enkomin erepa ngama emokoh a, erohkoba Chha junma Wa mîndong lahma ekhe en. Nema ngamînko chenjô metha enkomin, erepa ngama emo ang.

“Nema nganâng mehun hako, nema nga hôkum pa ekep en.

Ewa humnâng the jahmõang tonga, ngale nga nerãng the khoakhêm kohrãng wãngekang. Ereko the aho dângnomeko ngama nenâng lethôkoh minwah.

Ngale nga wãnglekma nerãng the khoakhêm kohdiko, Nga ngakka lekma nga demnâng esietwên a, ephumma nga chenko dangekanga eretheko nemin eta wãngrên.

Thomas ma ngatwah, “Teso, nang chenko dangekoa erepa nima jetmih; phumma nang wãngeko theko ni hokwângrãng lempa chenroh jienjetmin a?”