פסוקים פופולריים מ- Icitendekelo 17

שתף

Ilyo Abramu afikile pa myaka amakumi pabula na pabula (99), Yawe alimumonekele, amweba ati, “Nine Lesa Umwine wa maka yonse. Uleenda pa cinso candi nokuba uwabula icilubo.

Nomba tawakulaitwa Abramu, ishina lyobe nomba niwe Abrahamu pantu ninkucita icikolwe ca mishobo iyingi.

“Icipangano nkapangana nobe na ba mu lupwa lobe abakakonkapo umukonkanina inkulo, cikaba cakubelelela. Nkaba Lesa obe kabili nkalaba Lesa wa ba mu lupwa lobe abakakonkapo pali iwe.

“Kanshi ici e cipangano candi na iwe, icakuti ukaba icikolwe ca mishobo iyingi.

Lelo Lesa amweba ati, “Awe iyoo, umukashi obe Sara akakufyalila umwana umwaume na iwe ukamwinika ishina lya Isaki. Kabili nkapangana nankwe icipangano icakubelelela na ba mu lupwa lwakwe abakamukonkapo.

Icalo conse ica Kenani umo ucili umweni, nkacipeela kuli iwe na ku ba mu lupwa lobe abali nokukukonkapo, cikabe cenu pe. Elyo na ine nkaba Lesa wabo.”

Abrahamu awa ubukupeme, alaseka, ayipusha ati, “Bushe umuntu kuti afyala umwana ilyo ali ne myaka umwanda umo (100)? Bushe Sara akafyala umwana ilyo ali ne myaka amakumi pabula (90)?”

Kabili Lesa aebele Abrahamu ati, “Palwakwa Sarai umukashi obe, nomba tawakulamwita Sarai, ishina lyakwe lili nokuba ni Sara.

Mukalesembulula inkanda ya ku mpela ya bwaume, ici cikaba e cishibilo ca cipangano pakati ka ine na imwe.

Lelo nkapangana icipangano candi na Isaki uo Sara akakufyalila uyu mwaka uleisa pa nshita ino ine.”

Kanshi umukakonkanina inkulo shenu, umwaume onse uwikala pakati kenu, nga aba ne inshiku cine konse konse (8) apo afyalilwa, ali nokusembululwa. Cibe umwana obe umwaume nangu umubomfi onse umwaume uwafyalilwa mu ŋanda yobe nangu uwakuti wamushitafye ku benafyalo, te wa mu lupwa lobe, bonse bali nokusembululwa. Umubomfi umwaume uwafyalwa mu ŋanda yobe nangu wakushitafye ne ndalama shobe, bonse bafwile ukusembululwa. Icipangano candi ku mibili yenu cili nokuba icipangano ca pe.