פסוקים פופולריים מ- Icitendekelo 39

שתף

Yawe aleba na Yosefu, elyo ali uwashuka muli fyonse alebomba. Kabili aleikala mu ŋanda yakwa shikulu wakwe umwina Egupto.

Potifa asuka abika fyonse ifyakwete mu maboko yakwa Yosefu. Apo Yosefu ewalefisunga, wena talesakamana nelyo cimo, kanofye icakulya alelya. Yosefu ali no mubili usuma, kabili uwayemba pa menso.

Kanshi nomba kasunga wa bafungwa apeela Yosefu umulimo wakulaangalila bonse abali mu cifungo, kabili ewalemona pali fyonse ifyalecitika mulya.

Shikulu wakwa Yosefu amuposa mu cifungo, mu ncende umo balefungila abafungwa ba mfumu. Awe nao emo alaikala. Lelo Yawe ali na Yosefu kabili amukwatila icitemwiko icishipwa. Alenga nokuti atemwikwe ku cinso cakwa kasunga wa bafungwa.

Awe umuila inshiku, muka shikulu wakwe alakumbwa Yosefu. Asuka amweba ati, “Isa tulale nobe.” Lelo Yosefu akaana. Aeba muka shikulu wakwe ati, “Shikulu tasakamana ku cintu nelyo cimo pa ŋanda apo ine epo ndi. Fyonse ifyo akwata abika mu maboko yandi. Takuli wakwata maka muli ino ŋanda ukucila ine. Kabili shikulu takaanya nelyo cimo, kanofye iwe, pantu iwe uli mukashi wakwe. Nga kanshi kuti nacita shani icintu icabipa ifyo elyo no kubifya kuli Lesa?”

Nomba ubushiku bumo Yosefu aile mu ŋanda kukubombamo imilimo yakwe, elyo mu ŋanda tamwali mubomfi nelyo umo pa babomfi balebombamo. Muka Potifa epakwikata Yosefu ku cakufwala, amweba ati, “Ale isa, tulale nobe.” Lelo Yosefu amusha ne cakufwala mu minwe, abutukila panse.