פסוקים פופולריים מ- Mateo 27

שתף

Su agkabalalay en sa aldaw nangulahì si Jesus, madaging ha tagyanaen, “Eli, Eli, lama sabaktani?” ha tagkahulugan, “Dios ku, imbà a ikaw bay-ani?”

Su makepal ha manggad ha in-elang diyà ta Timplu sagunà naliwarà nayahà sugud ta sampaw payanaen ta sagayadan taena. Miglinug daan daw nangabengkag sa mga adagi ha batu. Sa mga liyang ha panlebengà nangapuwaan daw amin nangabanhaw ha mga etaw hu Dios.

Uminisab nangulahì si Jesus dayun nabugtù sa gahinawa din.

Su mga sundalu daw sa kapitan dan ha migbantay ki Jesus nangahaldek gayed su magedam dan sa linug daw su maahà dan sa duma pa ha nahitabù daw nakaikagi sidan, “Laus gayed ha Batà haini hu Dios.”

Su maugtu en sa aldaw suminukilem sa tibuuk ha kalibutan hu tatulu ha uras.

Nanginginsà dà paman si Pilato, “In-inuwen ku diay si Jesus sa tagngaranan daan ki Cristo?” Alan sidan tuminubag, “Ilansang hayana duun hu krus.” Ba minikagi si Pilato, “Imbà nuy igpalansang hayana? Inu diay sa nabuhat din ha madaet?” Ba bà dà nasì uminiseg sa kulahì hu mga etaw, “Ilansang hayana.”