פסוקים פופולריים מ- Zlr 15

שתף

Ka zlghaftá Abram ta skwi mnana Yawe. Tsaya kəl Yawe ka klafta ka tɗukwa mndu.

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

Ka klagaptá tsi dzibil, kaʼa nda tsi mantsa: « Nghadaf ngha ta luwa, ka mbəɗafta ka ta tekwatsaha, ka dzaʼa laviŋ lava ka ta mbəɗafta, » kaʼa. Kaʼa guli mantsa: « Manda tsaya dzaʼa yafta zivira gha, » kaʼa.

Wya gwaɗa mnana Yawe: « Tsatsi a dzaʼa za həga wu, ama zwaŋa huɗa gha ya dzaʼa yata ka, dzaʼa za həga gha, » kaʼa.

Ka Yawe nda Abram mantsa: « Snaŋ sna ɗina kazlay na dzaʼa nza nza zivirha gha ka mayəm ta haɗik kul nzakway ka ŋa taŋ kəʼa. Dzaʼa nuna həŋ ka vuʼa, ŋa dulay lu ka həŋ ka vaku fwaɗ dərmək.

Ka Abram mantsa: « Rvera ɗa Yawe, nya dzaʼa vlihata ka na? Haɗ zwaŋ ya yu wa. Ilighezer mnda la Damas dzaʼa za həga ɗa, » kaʼa.

Baɗu tsa fitik ya dzrafta Yawe ta wi nda Abram, kaʼa mantsa: « Nana haɗik na, sliʼafta ni ta wa lika Masar dikw ta wa mghama zala ta nzakway ka Yufratis, vlaŋ vla yu ta zivirha gha.

Ta mafwaɗa zivir dzaʼa vrakta zivirha gha da hadna, kabga ta ndəghaf a dmakwa la Amuru karaku wu, » kaʼa.