פסוקים פופולריים מ- E Luk 21

שתף

He ekam ko a kolkha to endo nera pis pangnaom muk tok, va mguak sim kut kaelel kuo mang nguk mo kolkhek tgus he kaurur kim E Nut, En kmenserpgam muk kam matnge vgum o vnek ruk endruk ko ngak pagis kim muk gi enang tok, he nang mularo vurkul kam mrer kun mnam a kolkha to endo, ko mguera sir ko kim A Mhel To Nkong Man Ma Volkha kalo keik, en kam mon muk orom mularo kerkeknen.”

He ekam tok, mguak ngangreal ngang nguk, matok o kerkeknen ngara vrengem mularo papat ruk mang a kolkha to endo, nang a kolkha to endo nak le kpis pangnaom muk enang a pnol ko nma senkrip kim a baor ko ther gi ru pum he. Ii, mguak ngangreal ngang nguk mang a kerkeknen to kam sovet mang a ngaiviem a ye to a serpgar va endo kam sovet mang a ngaemik. Va mguak ngangreal ngang nguk mang o gi vrong vnek ruk mo mmie kat, endruk ngma kpom o mia he kvanker mar.

Vanang enangthe mgua matnge vgum mar he kor mnam muk mang dok ge, va mguera kol a ktalhok to kam plong vle ko kim E Nut ngnik ngnik koknaik. Va si nop ke vur ngairis tang hak kuon malpgem muk tkais kam loloong kat e.”

ekam ko dok mruo ngor kael o rhek ko vgum muk va o papat ruk lyar kun mnam muk kat. Ii, he ekam tok, mularo imuo ngar lo kais hak kam sir malngaeng nguk kam kokheng nguk mang ngar hak.

Ii, a volkha kar a mmie nginera loloong, vanang kuaro rhek ngat lo kais kam loloong hak.

“Vanangko ktar mang a kolkha to a kser kim kam pis, o vrong rhek tgus ruk mo mmie ngar ho mi ktua gor hak kim a kenho va a kolkha va o ketor ko ngakro serppak ngara mo im mar he kael o ngaelmir ngang o mia enang tok. Ii, va o mia ngara rute krute kat ko ngara moruo pum a mou ka muktim to a ho lautar hak kat va ko o vlung ruk o ho lautar hak ngara lol mar he ngar mia ker kol a ngannes vgum mar hak. To ngar ngae ksei kam gor hak he kyor ka ktal vgum ngaro papat ko ngara horotgi vgum o tgoluk ruk endri ko ngak kirpagis kim mar enang tok. To endo yek, o mia ngara vokom A Mhel To Nkong Man Ma Volkha ko nera pis kun mnam o varhek orom kla mmok va kla serppak.

He enang tok, o mia kavurgem ngar kaelat muk vgum dok.

va a koot naka khikher a mmie klik hak va a vang nera vle kun mnam o mhetor kavurgem. Va o yor ngar gi vrong pagis kat va o ngaelmir ruk lvankue ngar gi vrong pagis kuon ma volkha he ngar mi kut kaengorang o mia kat.

Ii, va mguera ngnek mang o ngaus va mguera ngnek mang o mhetor ko ngara kaum kmo kaen ekmar, vanang mguak or kam gor e, ko o tgoluk ruk endri ngaka ktar kpagis ktar mang a kolkha to a kser kim kam pis. Vanangko a mi kolkha to endo ner lua pis ngatngae e. Nove, ko o mhetor kavurgem ruk endruk mo mmie va o serppak kavurgem kat ngaka ktar khop na, he kmo sir malngaeng ngar mruo kam mo kir mo kmar kat

“Vanangko ktar mang a kolkha to a kser kim kam pis, o vrong rhek tgus ruk mo mmie ngar ho mi ktua gor hak kim a kenho va a kolkha va o ketor ko ngakro serppak ngara mo im mar he kael o ngaelmir ngang o mia enang tok. Ii, va o mia ngara rute krute kat ko ngara moruo pum a mou ka muktim to a ho lautar hak kat va ko o vlung ruk o ho lautar hak ngara lol mar he ngar mia ker kol a ngannes vgum mar hak. To ngar ngae ksei kam gor hak he kyor ka ktal vgum ngaro papat ko ngara horotgi vgum o tgoluk ruk endri ko ngak kirpagis kim mar enang tok. To endo yek, o mia ngara vokom A Mhel To Nkong Man Ma Volkha ko nera pis kun mnam o varhek orom kla mmok va kla serppak.

Nove, ko o mhetor kavurgem ruk endruk mo mmie va o serppak kavurgem kat ngaka ktar khop na, he kmo sir malngaeng ngar mruo kam mo kir mo kmar kat

Va e Yesus ta kle khavaeng ngar mang a kolkha to a kser kim te, “Mguak ngangreal ngang nguk matok o mia ngara vraik orom muk petgim dok. Ko o mia kavurgem ngara pis he mur kaelel mar mruo orom kua munik kam re te, ‘A kolkha ta tete, her endo E Nut kmaottam karo rhek tgus mnam.’ Va langto langto ner mur kaelel en mruo orom kua munik kat kam re te, her en arhe Endo E Nut Thim Orom Ka Msasaen. Ngar pua havae tok, vanangko mguak or kam mrua ngam muk ekam mar ge.