פסוקים פופולריים מ- Mateo 27

שתף

Amun géraraan lémudug i térésange de, ménkes i Jesuse mano, “Eli, Eli, lama sabaktani?” I atag ne, “Tulus gu, Tulus gu, sedek ténagakém Begén?”

Tidéw béno, i rindunge dob lawi i Tuluse ruwoy ménsésédaya nuwe tidéw rotor mangéy fantad. Atin wén i émbagére luba brab wén i de dakél batéw ménséufak. Atin wén i de takub do lébéng ménungka brab médooy de ménléhu do étéw i Tuluse méntébule ro.

Tidéw béno, ménkes man i Jesuse atin ménléhuén.

I odoroy de sundalo brab de sundalo no ténulik roy Jesuse, amun énggito roy ni luba brab kéluhanay de ni ménrigo, toow fo ménggilak ro. Atin ménbéréh ro maro, “Tintu fo Been i Nga i Tuluse.”

Amun géutuhén, ménwaléy délémon i kéluhanay fantade taman ménifus i téléwe géuras.

Atin ménénginsa i Pilatowe mano, “Ati mélaw i rigoné kuwe dob Jesuse féndawét so Kristo?” Séménumbul ro kéluhanan maro, “Féléhuén dob kruse!” Endob ménénginsa man i Pilatowe mano, “Endob ati tetee rénigo no?” Tidéw béno, ménkes i de étéw minut métanug maro, “Féléhuén dob kruse!”