פסוקים פופולריים מ- Luka 24

שתף

Lau Amau kapa'ina epako'ania eifania auga eemiai alaulaisa. Alaulaisa agoafia aisama, isapu ufai ageake alomi agepapogua. Kai pau aloafia koa puo inae Ierusaleme taoninai mo foagu felao ega'ina kinagai kai,” eoma.

Iesu inae laa'i isa emaunimue! Ke isa oi fou Kalileai oagu alogai maamiai iina eifa oma auga amoopolaga

Ega aisama alo'i eagalai maa'i ekiakae isa kaisau auga kelogo. Kai Iesu fiakoa mo isa ago'iai eapagea akeisa pugu. Ega aisama isa ifo'i mo kepa'ani peni'i keinaka, “Keagai fou apea anini'ani alogai, Deo ega iifa pukagai enini'ani aisama, isa kaisau auga falogo auga gua'a aeafi opogaina ma? Iifa gome isa kapa'ina eifania auga gua'a eafi opogaina kai isa kaisau auga alalogo paisa,” keoma.

Ke epaini'i einaka, “Deo ega iifa pukagai iina kepapua oma: Mesaia agekiekie agemae, ke kina oiso aisama agemaunimue. Ega'ina afegai Mesaia kepako'ania au'i isa akagai papiau e'i laomai apala'i fekeumakalaini'i, ke Deo isa e'i laomai apala'i age'agegeaini'i auga fouga Ierusaleme taoninai ake'ina akeinogonia, ke akelao agofa'a fofouga papiau'i ma'oai isafa maa'iai akeinogonia.

Kelao laai aisama, kepo la ake kepae apua auga eelai keisa. Ega puo kekoko kai Lopia Iesu imaauga akeisa.