פסוקים פופולריים מ- Juan 6

שתף

Y ri Jesús xubꞌij chake: Ja riyin ri kaxlan wey ri ngiyoꞌon kꞌaslen. Ri ndipuꞌun wikꞌin y nduyaꞌ ránima wikꞌin, ma jumbꞌey chik xtichꞌumu rupan nixta xtichaqiꞌj chik ruchiꞌ.

Ri ndiyoꞌon ri kꞌaslen ma ndikꞌis ta ja ri Espíritu Santo. Ri cuerpo chin jun wineq ma nduyaꞌ ta ri kꞌaslen riꞌ. Ri tzij ri nubꞌiꞌin pe chiwa, kin rikꞌin ri Espíritu epataneq wi y kin ndikiyaꞌ ri kꞌaslen ma ndikꞌis ta.

Titijaꞌ iqꞌij, pero ma xe ta chin ndiwil ri rikil ri xa ndikꞌis. Titijaꞌ iqꞌij chin ndiwil ri rikil iway ri ndiyoꞌon chiwa ri kꞌaslen ma ndikꞌis ta. Y ri rikil wey riꞌ niyaꞌ chiwa riyin ri aj chikaj ri xinuꞌalex chiꞌikajal, roma ja yin ri chaꞌon roma ri Tataꞌaj Dios chin niyaꞌ chiwa.

Porque ri rurayibꞌel ri Nataꞌ ri taqayon pe wichin, jareꞌ: Konojel ri ndiketamaj achike riyin y nginikitaqij, ndikil ri kꞌaslen ma ndikꞌis ta, y riyin ngenkꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

Ri Jesús xubꞌij chake: Ri ndirajoꞌ ri Dios chi rix ndibꞌen, ja ri nginitaqij riyin ri yin taqon pe roma rijaꞌ.

Konojel ri ngeruyaꞌ ri Nataꞌ Dios chuwa, ngepuꞌun y ndikiyaꞌ kánima wikꞌin, y riyin ma ngenwoqotaj ta e.

Ri Simón Pedro xubꞌij chare ri Jesús: Ajaw, ¿achike chik kꞌa jun utz chin ta xtiqoqaj? Porque awikꞌin rat pataneq ri tzij ri ndukꞌen pe kꞌaslen ma ndikꞌis ta.

Ja riyin ri kꞌaslik kaxlan wey ri qajneq pe chikaj. Ri ndikꞌuxu re kaxlan wey reꞌ, ndikꞌojeꞌ rukꞌaslen chin jumul. Y ri kaxlan wey ri nibꞌij chiwa, ja ri nu-cuerpo, ri nijech pa kamik chin ndukꞌen pe kꞌaslen ma ndikꞌis ta chake ri wineq.

Nixta jun wineq nditiker ndipuꞌun wikꞌin chin ngirutaqij, si ri Nataꞌ Dios ri taqayon pe wichin ma ndubꞌen ta samaj pa ránima chin ndukꞌen pe. Y ri wineq ri ngirutaqij, riyin pa rukꞌisibꞌel qꞌij nikꞌastajbꞌaꞌ e chikikajal ri animaꞌiꞌ.

Porque ri kaxlan wey ri nduyaꞌ ri Dios, ja ri jun ri qajneq pe chikaj, ri ndiyoꞌon kikꞌaslen ri wineq.

Ja riyin ri kaxlan wey ri ngiyoꞌon ri kꞌaslen ma ndikꞌis ta.

Ri Jesús xeruliꞌej pa ruqꞌaꞌ ri kaxlan wey y xumatioxij chare ri Dios, y xubꞌij chi tijach chake ri etzꞌuyul chiriꞌ. Keriꞌ chuqaꞌ xubꞌen rikꞌin ri kaꞌiꞌ ker, xuyaꞌ chake ri wineq ri janipeꞌ xkajoꞌ xkikꞌux. Y atoq xekolaj yan ri wineq, ri Jesús xubꞌij chake ri ru-discípulos: Timoloꞌ ruchiꞌ ri ma xekꞌuxeꞌ ta, chin ma xe keriꞌ kepokꞌeꞌ kan.

Y atoq ebꞌaneq apu jun laꞌeq woꞌoꞌ o waqiꞌ kilómetros pariꞌ ri yaꞌ, ri discípulos xkitzꞌet pe pa barco chi ri Jesús ndibꞌiyin bꞌaneq apu pariꞌ ri yaꞌ chin ngebꞌerilaꞌ kan, y rejeꞌ xkixibꞌij kiꞌ. Pero ri Jesús xubꞌij chake: ¡Ja riyin ri Jesús, ma tixibꞌij iwiꞌ!