פסוקים פופולריים מ- Yauhas 14

שתפו

“Kev nyabxeeb yog yam uas Kuv tseg cia rau nej; txoj kev nyabxeeb uas Kuv muab rau nej no yog Kuv li. Kuv muab rau nej zoo tsis thooj li neeg ntiajteb muab. Nej tsis txhob poobsiab thiab tsis txhob ntshai.

Yexus teb tias, “Kuv yog txojkev, yog qhov tseeb, thiab yog txojsia. Tsis muaj leejtwg mus cuag tau Leejtxiv, tsuas yog los ntawm Kuv mus xwb thiaj tau.

Yexus hais rau Nws cov thwjtim hais tias, “Nej tsis txhob poobsiab. Ciali ntseeg Vajtswv thiab ntseeg Kuv.

Tus Pab uas yog Vaj Ntsujplig tus Dawbhuv, uas Leejtxiv yuav txib los hauv Kuv lub npe los, nws yuav qhia txhua yam rau nej thiab ua rau nej nco txhua yam uas Kuv tau qhia rau nej lawm.

“Tus uas lees yuav Kuv tej lus qhia thiab ua rawsli tej lus ntawd, tus ntawd yog tus uas hlub Kuv. Tus uas hlub Kuv, Kuv Txiv yuav hlub tus ntawd; Kuv yuav hlub nws thiab yuav qhia Kuv tuskheej rau nws.”

Kuv yuav thov Leejtxiv, thiab nws yuav txib dua tus Pab los, uas yuav nrog nej nyob mus ibtxhis. Nws yog Vaj Ntsujplig, Nws yuav qhia qhov tseeb txog Vajtswv rau nej. Neeg ntiajteb yuav lees txais tsis tau Nws, rauqhov lawv tsis pom Nws lossis tsis paub Nws. Tiamsis nej paub Nws, rauqhov Nws nrog nej nyob thiab Nws nyob hauv nej.

Thiab yog nej tuav Kuv lub npe thov ib yam dabtsi Kuv yuav muab yam ntawd rau nej, kom Leejtub thiaj yuav ua rau Leejtxiv tau ntsejmuag. Yog nej tuav Kuv lub npe thov kom Kuv ua ib yam dabtsi, Kuv yuav ua yam ntawd rau nej.

“Yog nej hlub Kuv, nej yeej yuav ua rawsli Kuv tej lus qhia.

Hauv Kuv Txiv lub tsev muaj ntau chav; Kuv tabtom yuav mus tu chaw tos nej. Yog tsis muaj li ntawd, Kuv yeej yuav tsis qhia li no rau nej.

Thaum uas Kuv tu tau chaw rau nej lawm, Kuv yuav rovqab los thiab tos nej mus nrog Kuv nyob, kom Kuv nyob qhovtwg nej thiaj yuav tau nyob qhov ntawd.

Thaumas hais rau Yexus tias, “Tus Tswv, peb tsis paub xyov Koj yuav mus qhovtwg; yogli ntawd, peb yuav ua licas paub kev mus?”