פסוקים פופולריים מ- Lukas 12

שתפו

Yogli ntawd, nej los yuavtsum npaj kom txhij, rauqhov Neeg Leejtub yuav los lub sijhawm uas nej tsis ceevfaj txog Nws.”

Tiamsis nej yuavtsum xub nrhiav Vajtswv lub Tebchaws tso, Nws mamli muab tej no rau nej.

Ces Yexus txawm hais rau sawvdaws tias, “Nej txhua tus yuavtsum ceevfaj tsis txhob ua tus neeg uas ntshaw txhua yam, rauqhov neeg txojsia tsis yog nyob rau ntawm txhua yam txhua tsav uas nws muaj.”

Rauqhov nej tej nyiajtxiag nyob qhovtwg, nej lub siab yeej yuav nyob qhov ntawd.

Nej tej kev txhawj puas yuav ua rau nej muaj sia nyob ntev zog ntxiv?

Ces Yexus txawm hais rau Nws cov thwjtim hais tias, “Vimli no, Kuv thiaj qhia rau nej kom nej tsis txhob txhawj txog nej txojsia hais tias nej yuav noj dabtsi lossis txhawj txog nej lub cev hais tias nej yuav hnav dabtsi.

Txawm yog nej tej plaubhau los Vajtswv twb suav txhua txoj huv tibsi cia lawm. Yogli ntawd, nej tsis txhob ntshai; nej tseem muajnqis tshaj li ntau tus noog tsev!

“Cov menyuam yaj 'e, nej tsis txhob ntshai, rauqhov nej Leejtxiv twb txaussiab muab Nws lub tebchaws rau nej lawm.

Nej saib tej uab-lag seb: lawv yeej tsis cog qoobloo thiab tsis hlais tsis sau; lawv yeej tsis muaj txhab tsis muaj phawv ntim qoobloo cia; los Vajtswv tseem yug lawv! Nej tseem muajnqis heev dua tej noog ntawd!

“Yogli ntawd, nej tsis txhob txhawj tias nej yuav noj thiab yuav haus dabtsi.

Tej nyuag nrojtsuag uas muaj nyob hnubno tiamsis tagkis xwb luag twb yuav muab pov hlawv rau hauv qhovcub, los Vajtswv tseem pub rau nws tawgpaj zoonkauj kawg li. Nej xav tias Vajtswv yuav tsis pub rau nej muaj hnav zoo dua tej nrojtsuag ntawd no lov? Uacas nej kev ntseeg yuav me ualuaj li!

Tej uas muab npog cia lawm yeej yuav raug muab qhib kom sawvdaws paub, thiab txhua yam uas muab zais cia lawm yeej yuav raug muab nthuav tawm xwb.