פסוקים פופולריים מ- KANTHOUNA 6

שתף

UMPUne tlaipang doura kouya tounanungei thimiya sheemthutkurawo toubine Aiyei malung-thrammakura; heitoubi heini Aiyei Lhawai lahyerkur.

Heirouri tlaipang thimi rapbei ukningra lhangaimakni thimmura, heirou yani borhyei lhouya kalleng-kallengni touwurlame touri UMPUne muwurla.

Heiya Noahri UMPUei mit'thrilnara malung'khrahkna thimi khat khoini leikhou.

Noahyei yu-cha rapbei chaanlamri asitoubi leilei: Noahri tharmu chim thimi khat hoikhou; aiyei chaanrou marmok touri koukhatkhi mak; heirou aiyei chaan khatrek ani Dunpule kalhonni chakhou.

Heitounei UMPUne kyun, “Keine thleirei sheemthutkur tlaipang thimile kalhonni, thimi'roueini ramrei yoo-waa, frul limkhi heirou nungthourei traicha ramwaa lim rapkhi maangyerrouwa, ngamri Keine yaya sheemthutkuri Keilhawai lahyerwurla.”

Heirou tlaipang thimi rapbei mshing katduibi tlaipangpal karyoukur heirouri, tlaipang thimiyei chanapuiya rapkhi chungni pukkurla. Heitoubi Dunpuei chanapawa rapne tlaipang thimiyei chanapuiya rapbei shakrung lhangaiya mulhakbi, heirou yani ai'aiyei maduya khalbini nu'nungei lourilkur. Heirouri Dunpune kyun, “Keiyei Lhawairi tlaipang thimiyei rilla klui naimakni leiyermarou; ngamri a heiri khi-kya sharung khoi; heirou ari kum machale somni ringrou.” Bongei chaanrouei tlaipang thimi tangrap (yarap heiyari Nephilim toubine mu'kna) chungni loupaalkhou; heitoubi Dunpuei chanapawa rapne tlaipang thimiyei chanapuiya raple lourilkhoubi, heitoubi yani chanao pukkhou; heirou yaiyei chanaorap heiri tlaipang heichaanyei Lhouwarap heirou mincha thimirap khoini paalkhou.

Heisitoubi Noah'ne Dunpuei chay pikur hilthungni namma marshiklhakkur.

Heirou Dunpune Noahnung shun, “Tlaipang thimirap namyerya Keine maangyerrouwa; ngamri tlaipangpal awari yaingamrou borhni heirou hatkril'khribkrillei lhou rapne bil thimmura. Heingammei thilak, Keine yayari tlaipangrei maangyerrouwa.

Heineri nangni Gopher heengei Mali khat salaka, heitoubi Mali heiyei rilla bomtho chungni khaithutbi naiyerlak, heitoubi heiyei rillakhi heirou purakhi khenaini teifnallak.

Heirou Dunpune thiyeinungri tlaipangpalri lhangaimakura, heirou thimi rapnekhi ai'aiyei sharungei kningyatom toubine borhyerwurla.

Heitoubi lhawaipal chiwi kantangei puile pa pu khatsolkhi nangle kalhonni himaknanungei mali rilla urlhaklak.