פסוקים פופולריים מ- Noo Ean 10

שתף

Cha vel y maarliagh cheet agh dy gheid, as dy varroo as dy stroie: haink mish dy voddagh bea y ve oc, as dy voddagh eh y ve oc ayns mooarane palchey.

Mish y bochilley mie: ta’n bochilley mie cur e vioys son ny kirree.

Ta my chirree clashtyn my choraa, as ta enney aym orroo, as eiyree ad orrym.

As ta mee cur daue yn vea veayn, as cha jean ad dy bragh cherraghtyn, as cha n’ghow fer erbee ad ass my laue er niart.

Mish y dorrys: liorym’s my ta dooinney erbee goll stiagh, bee eh er ny hauail, as hed eh stiagh as magh, as yiow eh fassaghey.

Mish y bochilley mie, as ta enney aym er my chirree, as ta enney ocsyn orrym’s.

Ta my Ayr hug dou ad, pooaral erskyn ooilley: as cha jarg fer erbee y ghoaill ad ass laue my Ayrey. Ta mish as my Ayr unnane.

Myr ta enney ec yn Ayr orrym’s, shen myr ta enney aym’s er yn Ayr: as ta mee scarrey rish my vioys son ny kirree.

Cha vel dooinney erbee dy ghoaill voym eh, agh m’aigney hene eh dy scarrey rish: Ta pooar aym dy scarrey rish, as ta pooar aym dy ghoaill reesht eh. Yn sarey shoh hooar mee veih my Ayr.

Eisht dooyrt Yeesey roo reesht, Dy firrinagh firrinagh ta mee gra riu, Mish dorrys ny geyrragh.

Agh eshyn ta failt, as cha nee yn bochilley hene, as nagh vel ny kirree lesh hene, t’eh fakin yn moddey-oaldey cheet, as t’eh faagail ny kirree, as roie er-chea: as ta’n moddey-oaldey dyn dayrtyn ad, as skeayley ny kirree.

Dy firrinagh firrinagh ta mee gra riu, Eshyn nagh vel goll stiagh er y dorrys ayns bwoaillee ny geyrragh, agh ta drappal seose er aght ennagh elley, t’eh shen ny vaarliagh as ny roosteyr.