פסוקים פופולריים מ- John 15

שתף

Aku tu pun anggur, kita nya dan. Orang ke meruan dalam Aku, lalu Aku meruan dalam sida, deka bebuah lebat, laban enti nadai Aku, kita enda ulih ngereja sebarang utai.

Meruan dalam Aku, lalu Aku deka meruan dalam kita. Dan enda ulih bebuah ngatika diri enti iya enda meruan begempung enggau pun. Baka nya mega kita; kita enda ulih bebuah enti kita enda meruan dalam Aku.

Enti kita meruan dalam Aku, lalu jaku Aku meruan dalam kita, pinta sebarang utai ti dikedekaka kita, lalu utai nya deka dikereja ke kita.

Ukai kita ke milih Aku, tang Aku ke milih kita, lalu ngasuh kita bejalai lalu bebuah lebat, buah ti tan. Nya baru Apai deka meri ngagai kita sebarang utai ti dipinta kita ari Iya dalam nama Aku.

Nadai orang ngembuan pengerindu ti besai agi ari tu, datai ke iya nyerahka nyawa diri ke pangan iya.

Iya muai ari Aku genap iti dan ti enda bebuah. Genap iti dan ti bebuah, dijarau Iya, ngambika dan nya bebuah lebat agi.

Tu pesan Aku: rinduka pangan diri, baka Aku ke udah rinduka kita.

Apai Aku dimuliaka, enti kita bebuah lebat lalu nyadi murid Aku.

“Aku tu pun anggur ti bendar, lalu Apai Aku tukang kebun.

Barang sapa enda meruan dalam Aku, deka dibuai baka dan lalu layu. Dan ti baka nya deka digumpul, ditikauka ngagai api, lalu ditunu.

Aku udah madahka utai tu ngagai kita, ngambika pengaga Aku bisi dalam kita, ngambika ati kita chukup gaga.

Enti kita ngasika pesan Aku, kita deka meruan dalam pengerindu Aku, baka Aku ke udah ngasika pesan Apai, lalu meruan dalam pengerindu Iya.

Tu pesan ti diberi Aku ngagai kita: rinduka pangan diri.

Enti kita enggi dunya, dunya deka rinduka kita nyadika enggi iya empu. Tang laban kita ukai enggi dunya, laban Aku udah milih kita ari dunya, nya alai dunya begedika kita.