פסוקים פופולריים מ- مَتّیٰ 7

שתף

‏«‏دیلَنگ، سیزه بِریلِر.‏ آغتارینگ، تاپارسینگیز.‏ قاپینی قاقینگ، سیزه آچیلار.‏

اِلبِتّه، دیلَن آلار، آغتاران تاپار، قاپی قاقانا آچیلار.‏

‏«‏شُنونگ اوچین هِم بو سُزلِریمی اِشیدیپ، اُلاری بِرجای اِدیَن هِر بیر آدام اُیونی قایانینگ اوستونده قوران عاقیلّی آداما مِنگزِیَر.‏

شُنونگ اوچین آداملارینگ اُزونگیزه نَمه اِتمِگینی ایسلِیَن بُلسانگیز، سیز-ده اُلارا شُنی اِدینگ، سِبَبی تُورات بیلِن پیغامبارلارینگ یازغیلاری-دا شوندا جِملِنیَر.‏

اِمّا یاشایشا اِلتیَن قاپی اینسیزدیر، یُلی داردیر.‏ اُنی تاپیانلار آزدیر.‏

‏«‏دار قاپیدان گیرینگ، سِبَبی هِلَکچیلیگه اِلتیَن قاپی اینلیدیر و اُنونگ یُلی گینگدیر.‏ اُل قاپیدان گیریَنلِر کَندیر.‏

شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره خاص-دا کَن قاوی زادلار بِرمِزمی؟

‏«‏باشغالاری گونَه‌کَرلِمَنگ، شُندا سیز هِم گونَه‌کَرلِنمِرسینگیز، سِبَبی سیز نَهیلی گونَه‌کَرلِسینگیز، اُزونگیزی-ده شِیله گونَه‌کَرلَرلِر.‏ هایسی اُلچِگ بیلِن اُلچِسِنگیز، سیزی-ده شُل اُلچِگ بیلِن اُلچِرلِر.‏

مِنینگ بو سُزلِریمی اِشیدیپ، اُلاری بِرجای اِتمِدیک هِر بیر کیشی اُیونی چَگَه‌نینگ اوستونده قوران آحماق آدام یالیدیر.‏

‏«‏نَمه اوچین سِن دُغانینگ گُزوندَکی چُپی گُریَرسینگ-ده، اُز گُزونگدَکی آغاجی سایغارمایارسینگ؟ نَدیپ سِن اُز گُزونگده آغاچ بارقا، دُغانینگا:‏ ‏”‏گِل، گُزونگدَکی چُپی چیقارایین“‏ دییجِک؟

‏«‏یالان نِبیلِردِن خاباردار بُلونگ!‏ اُلار سیزینگ یانینگیزا قُیون دِریسینه گیریپ گِلِرلِر، اِمّا اُزلِری ییرتیجی قورتلاردیر.‏ سیز اُلاری میوه‌لِریندِن تانییارسینگیز.‏ تیکِندِن اوزوم یا-دا یانداقدان اینجیر ییغیلیارمی؟

شِیله هِم، هِر بیر قاوی باغ قاوی میوه بِریَندیر، بیدِرِک باغ بُلسا تِلِکه میوه بِریَندیر.‏

قاوی باغ تِلِکه میوه بِریپ بیلمِز، بیدِرِک باغ-دا قاوی میوه بِریپ بیلمِز.‏

قاوی میوه بِرمِیَن هِر بیر باغ چاپیلیپ، اُدا زینگیلیاندیر.‏