פסוקים פופולריים מ- Yauhaas 12

שתפו

Tug kws xaav ua kuv tug tubkhai, tug ntawd yuavtsum nrug kuv moog, hab kuv nyob qhov twg, kuv tug tubkhai yuav nrug kuv nyob qhov ntawd. Kuv Txiv yuav qhuas tug kws ua kuv tug tubkhai.

Tug kws khauvxwm nwg txujsa, tug ntawd yuav tsi tau txujsa; tug kws tsi khauvxwm nwg txujsa thaus nwg tseem ua neej nyob huv lub nplajteb nuav, tug ntawd yuav tau txujsa ibtxhis.

Kuv qha tseeb rua mej has tas: Yog tsi muab lub noob nplej faus rua huv aav kuas lwj, ces lub noob ntawd, nwg yuav nyob nwg tuab lub xwb. Yog lub noob nplej ntawd lwj txhaj yuav tuaj kaug hab txi tau ntau lub.

Kuv lug ua qhov kaaj rua tuabneeg nplajteb pum kev, txhua tug kws ntseeg kuv yuav tsi nyob huv qhov tsaus ntuj lawm.

Tug kws nov kuv tej lug hab tsi ua lawv le kuv tej lug, kuv yuav tsi txav txim rua tug ntawd. Kuv tsi yog lug txav txim rua tuabneeg nplajteb, tabsis yog kuv lug cawm tuabneeg nplajteb kuas puab dlim puab lub txim.

Ces Malis txawm muab tau ib fwj roj tsw qaab kim heev kws yog muab nroj naludas ua lug laub rua Yexus ob txhais kutaw, hab muab nwg cov plaubhau so. Cov roj ntawd tsw thoob plawg huv tsev.

Yog le ntawd, puab txawm moog txav tej nplooj toovlaaj nqaa moog tog Yexus, hab puab has nrov nrov has tas, “Ca le qhuas Vaajtswv! Thov Vaajtswv foom koob moov rua tug kws Vaajtswv khaiv lug! Thov Vaajtswv foom koob moov rua cov Yixalayees tug Vaajntxwv!”

Yexus teb has tas: “Nwgnuav tub txug lub sijhawm kws Tuabneeg Leej Tub yuav tau txais koob meej lawm.