פסוקים פופולריים מ- Yauhaas 15

שתפו

“Kuv yog tsob maab, mej yog cov ceg. Tug kws txuas rua ntawm kuv hab kuv txuas rua ntawm nwg, tug ntawd yuav txi txiv ncw; yog mej tsi txuas rua ntawm kuv, mej yeej ua tsi tau ib yaam dlaabtsi le.

Mej ca le txuas rua ntawm kuv hab kuv yuav txuas rua ntawm mej. Tug ceg maab kws tsi txuas rua ntawm txuj maab yeej txi tsi taug txiv. Ib yaam le ntawd, yog mej tsi txuas rua ntawm kuv, mej yeej txi tsi taug txiv.

Yog mej txuas rua ntawm kuv hab mej khaws kuv tej lug ca rua nruab sab lawm, mej xaav yuav yaam twg, mej ca le thov mej yuav tau yaam ntawd.

Tsi yog mej xaiv kuv, tabsis yog kuv xaiv mej hab tsaa mej kuas moog txi cov txiv kws nyob moog ibtxhis. Yog mej tuav kuv lub npe thov yaam twg, leej Txiv yuav pub yaam ntawd rua mej.

Tug kws muaj kev hlub luj tshaaj plawg, yog tug kws zoo sab tuag theej nwg cov phoojywg.

Nwg muab txhua ceg maab kws tsi txi txiv txav tawm ntawm kuv moog povtseg. Txhua ceg maab kws txi txiv nwg muab taav kuas hajyam txi txiv ncw.

Kuv lu lug saamfwm yog le nuav: mej ib leeg yuavtsum hlub ib leeg, ib yaam le kuv hlub mej.

Yog mej txi txiv ncw, kuv Txiv yuav tau ntsejmuag, hab yog mej ua le ntawd, mej yuav tau ua kuv cov thwjtim.

“Kuv yog tsob tseem txiv maab, hab kuv Txiv yog tug kws tu.

Tug kws tsi txuas rua ntawm kuv, tug ntawd zoo ib yaam le tug ceg maab kws luas muab txav povtseg; thaus qhuav lawm, luas yuav muab sua moog pov hlawv kuas kub nyab taag huv tuabsi.

“Kuv has tej nuav rua mej kuas mej zoo sab ib yaam le kuv zoo sab, mej yuav zoo sab kawg nkaus le.

Yog mej ua lawv le kuv tej lug, mej yuav muaj lub sab hlub ib yaam le kuv ua lawv le kuv Txiv tej lug hab kuv muaj lub sab hlub ib yaam le nwg.

Tej lug kws kuv saamfwm rua mej yog le nuav: mej ib leeg yuavtsum hlub ib leeg.

Yog mej nyam ua lawv le tuabneeg nplajteb ua, ces tuabneeg nplajteb yuav hlub mej. Tabsis mej tsi nyam ua lawv tuabneeg nplajteb ua, rua qhov kuv tub xaiv mej tawm huv nplajteb nuav lawm; yog le ntawd tuabneeg nplajteb txhaj le ntxub mej.