פסוקים פופולריים מ- យោហាន 12

שתף

ឞូ​ម៝ស​ឆើម​កើល​ជាន​ការ​មា​គ៝ប់ អ្យាត់​មា​ពាង់​តឹង​គ៝ប់ ជេសរី​អាស​នតុក​គ៝ប់​គុ ពាង់​គុ​តា​នតុក​នៃ​ដ៝ង់។ ឞូ​ម៝ស​ឆើម​កើល​ជាន​ការ​មា​គ៝ប់ ឞឹ​គ៝ប់​រានេ​ដ៝ង់​មា​ពាង់”។

ឞូ​ម៝ស​អុច​ងាន់​ពើស​មា​នាវ​រេស​ពាង់​នើម​ទើម​តា​នែស​នតូ​អ្យា ពាង់​អី​នៃ​មោ​អោស​គែស​នាវ​រេស​នហ៝​រ៝ យើន​មា​ឞូ​ម៝ស​មោ​អោស​កើប​ខ្លៃ​មា​នាវ​រេស​ពាង់​នើម​តា​នែស​នតូ​អ្យា ពាង់​អី​នៃ​ហោម​គែស​នាវ​រេស​នហ៝​រ៝​ងាន់​មា​ពាង់​នើម។

គ៝ប់​លាស​នហេល​នានេៈ​ងាន់​មា​ខាន់​មៃ លាស​ទូ​គារ់​ឞា​លាស​ឞា​អី​នៃ​ឞូ​មោ​តូច​តា​នែស ឞា​អី​នៃ​ហោម​ទូ​គារ់​នឹង​ទើម យើន​មា​លាស​តូច​តា​នែស​ពាង់​មោ​អោស​ហោម​កើត​អើម លោស​ជេង​តើម​ឞា​អី​លែៈ​ហ៝ន ជេសរី​គែស​ព្លៃ​អ៝ក់​ងាន់។ កើត​នទ្រី​ដ៝ង់​យ៝រ​មា​គ៝ប់​ខឹត​ទឹង​គែស​អ៝ក់​ឞូនុយ្ស​ឆ៝ៈ​ទើន​នាវ​រេស​មហែ។

គ៝ប់​វាច់​តា​នែស​នតូ​អ្យា​តឹម​ឞាន​មា​នាវ​អាង គៃ​មា​ឞូ​ម៝ស​ញឆីង​មា​គ៝ប់ ពាង់​មោ​អោស​ហោម​តឹម​ឞាន​មា​ឞូនុយ្ស​គុ​តា​នាវ​ង៝។

លាស​ឞូ​ម៝ស​តាង់​ឞ៝រ់​គ៝ប់​ងើយ តីស​មា​មោ​អុច​អ្យាត់​នាវ​គ៝ប់​នតី គ៝ប់​មោ​អោស​ផាត​ទោយ្ស​អាបៃ​អ្យា យ៝រ​លាស​គ៝ប់​វាច់​មោ​អោស​គៃ​មា​ផាត​ទោយ្ស​ឞូនុយ្ស​តា​នែស​នតូ​អ្យា គ៝ប់​វាច់​គៃ​មា​រាក្លាយ្ស​ឞូនុយ្ស​តា​នែស​នតូ​អ្យា។

ជេសរី​ មារី  ​ឆ៝ៈ​ទាក​ងី​បោ​កាស​អី​ខ្លៃ​ងាន់​នតីល​ទុត​អ្វែស​អី​ឞូ​ក្វាល់​លាស​ទាក​ងី​« នារតូ  »​ងគូល​លីត ត៝ៈ​តា​ជ៝ង់​ ឞ្រាស​យេឆូ  ​នៃ ជេសរី​ជូត​ជ៝ង់​ ឞ្រាស​យេឆូ  ​អី​នៃ​មា​ឆ៝ក់​ពាង់​នើម នហោល​បោ​កាស​ឞេង​ជៃ​នៃ​ងាន់។

ខាន់​ពាង់​លែវ​ឞាល់​ឆ្រែស​នហា​ជោម​លោស​ឞើស​ប៝ន​ហាន់​ច្វាៈ​ ឞ្រាស​យេឆូ  នអ៝ប់​មា​នតែរ​លាស៖ “រានេ​មា​កោរាញ​ឞ្រាស! ទាន់​កោរាញ​ឞ្រាស​អ៝ន់​នាវ​គែស​ជេង​មា​ពាង់​អី​កោរាញ​ឞ្រាស​ទែ​ដាៈ​វាច់‌ ពាង់​កាដាច់​ផូង​ អីឆ្រាអែល  ”។

ឞ្រាស​យេឆូ  ​លាស​មា​ខាន់​ពាង់៖ “នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់​លាប់​តា​នាវ​ច្រេក​លើប​គ៝ប់​នើម​លែៈ​ត៝ត់​ជេស។