פסוקים פופולריים מ- Zhã 10

שתף

Ŋwɔ̀l-bal wɔ́ ŋwɔ̀lɛ̀ ǹdə́ gu ǹdə́ cɔ̌ dúdú yil ń nə́ ń twí, sə àmyɛ́ túwə́, mùnì numbyínə́ bé zə nyǔ mə bɔrh.

“À wɔ́ vwã̌-ènɔ̀n nántwə̂. Vwã̌-ènɔ̀n nántwə̂ nə́ ń pɛ ń myə̂l ń pyììsí yilə.

À pyììsí nʼê cili à cəl lé. À yě sə̀ párá, sə̀ nʼê tó ne

sə à nʼâ pɛ sɛ nyǔ mɔ̀bɔ́ mə̀ tʼâ la zhɔ̌. Sə̀ tʼâ la cú gaga yé, sə lò myɛ wàr sɛ̀ ń la vwârh à jɔ̃̀ w yé.

Àmyɛ́ à wɔ́ pyì-jil lé nyí rí. Mɔ̀bɔ́ ń tó nyí rí rə̀myɛ́ n zù, rə̀-ná-cí mà n nə ń cìnə̀. Ń mà ń nə́ ń zwì, n jà ń nə́ ń dwi ń nɛ kùjú ń jí.

“Àmyɛ́ wɔ́ vwã̌-ènɔ̀n nántwə̂. À yě à pyììsí párá, à pyììsí myɛ yě à párá

Wɔ́ à Da ń pɔ sɛ nɛ, e jà à Da du kɔn gakó. Rə̀myɛ́ ce, lò wàr sɛ ń la vwârh à Da jɔ̃̀ w yé. Àmyɛ́ ǹdə́ à Da ga wɔ́ rə̀dù.”

ǹdə à Da gə́ yě à párá, àmyɛ jʼà yě à Da pár nɛ́. À nʼâ pɛ à myə̂l lé à pyììsí yilə.

È də̀ lò ń la à myə̂l lé vǔr yé. Wɔ́ àmyɛ́ cìcì à la rɛ pɔ. À wɔ̌ à pɛ rɛ, e jʼà wɔ̌ à kʼâ zwẽ de. Wɔ́ nyí rí rə̀myɛ́ à Da pɔ nɛ.”

N kə́ n wɔ̀ bɛ: “Zhə̀n zhə̀nà, à nʼâ wə̀l ába: àmyɛ́ à wɔ́ pyì-jil lé nyí rí.

Sə lò mɔ̀bɔ́ ń də̀ vwã̌-ènɔ̀n, wɔ́ kwé bə̀ kwè mò bə̀ nʼê kwɛ̃̌. Pyììsí gə́ də̀ ńmyɛ̌ nyə̂rh mɔ́ ce, ń gə nɔ gɔ-kùlí è bànà, n dùr n yẽ̌ se, gɔ-kùlí y zù sə̀ wẽ́, e zə sə̀ jàlà, shɛ̀bɛ́ sə̀ dàl mɔ́ làà dwã nɛ.

Rə̀myɛ́ yó, Yezu wòwə̀: “Zhə̀n zhə̀nà, à nʼâ wə̀l ába: lò mɔ̀bɔ́ ń nə́ ń tó pyì-jil lé jàà dõ w ń zwì, ń tá ń tó rə̀ nyí rí, rə̀-ná-cí wɔ́ ŋwɔ̀l-bal, n jà ń wɔ́ vwârhna.