פסוקים פופולריים מ- Zhã 15

שתף

“Àmyɛ́ à wɔ́ sɛ̃´-cǒ w ná yá. Ámyɛ̌ wɔ́ ò jɛ̀sɛ́. Á wàr kaka á la wɔ̀rhɔ́ ǹdʼá yə̀ àmyɛ́ nɛ zhí yé. Sə lò mɔ̀bɔ́ ǹ ŋwɛ́nɛ́ ǹdə́ àmyɛ́, àmyɛ ŋwɛ́nɛ́ ǹdə́ mɔ́, ǹ mʼâ ce byâ nánzhəzhɔ̌.

Mɛ̃na à wẽ́, bʼàmyɛ bʼa mɛ̃ á wẽ́. Ǹdə cǒ jɛ̃̀ gə́ wàr è mʼa ce byâ è dúdú ǹdə́ è yə̀ cǒ w ná y nɛ zhí ní, èta, ámyɛ gə yə̀ àmyɛ nɛ zhí, á wàr byâ á la co yé.

Á gə ŋwɛ́nɛ́ ǹdə́ nɛ, á nʼá zwẽ à zɔ̀mà nɛ́ á cĩ́ á wẽ́, kɔn dɛ̀bɛ́ á nʼá yàlá, sʼá lwə̀l lè, bʼâ mʼâ nə rɛ.

È də̀ ámyɛ̌ á cír ne yé. Wɔ́ àmyɛ́ à cír ába a twĩ̀, mùnì á vò á ce byâ byɛ̀bɛ́ bə̀ tʼâ la cɔ̌ gaga. Èta, kɔn dɛ̀bɛ́ gakó á la à Da nɛ lwə̂l àmyɛ́ yil yil mó, ń mà n pə rɛ ába.

Lò gə shɛ̀nɛ́ ń pɔ ń myə̂l ń dɔwabá yilə, sónó dõ tɛ̀nɛ́ ò du sónó w òmyɛ́ yé.

Cǒ w jɛ̃̀ kɛ̀bɛ́ è ŋwɛ́nɛ́ àmyɛ́ wẽ́ e jʼà tʼâ ce byâ, à Da mà n kà y n ji tɛ̃´. Sə kɛ̀bɛ́ è nʼê ce byâ, ń mà n gõ y e kʼa kwɛrhɛ e púrh e ce byâ nánzhəzhɔ̌.

“Swénénə dwã ǹdə à gə́ só ába né. Wɔ́ rə̀myɛ́ rə̀ wɔ́ à nyí à nʼâ pɛ ába.

Á gə nʼá ce byâ nánzhəzhɔ̌, á mʼâ yə̀ à kwã-lyì zhə̀n zhə̀nà. Èta, à Da mà n nə còrhó.

Yezu súlí n wɔ̀: “Àmyɛ́ wɔ́ sɛ̃´-cǒ nántwə̂. Wɔ́ à Da ń wɔ́ ò cə́bal mɔ́.

Lò mɔ̀bɔ́ ǹ tɛ̀nɛ́ ǹdə́ àmyɛ́, bə̀ mʼa vùr mó bə ce pwẽ̀ nè, ǹdə bə̀ gə́ yʼa kà cǒ jɛ̀rh bə ló tɛ̃´ sə kù, bə pwà sɛ̀ bə ló dwã yó bə ji myǐn ta.

À zɔ̀m zɔ̀mà nɛ́ nyɛ̀bɛ́ ǹdʼába, mùnì á zə àmyɛ́ cìcì wu-nyɔ̃̀ w á wẽ́, sə á wu-nyɔ̃̀ w yə̀ námpúm.

Á gə nʼá zwẽ à nyə́ né, á bʼâ mɛ̃ à sónó w wẽ́, ǹdə àmyɛ gə́ nʼâ zwẽ à Da nyə́ né, à ŋwɛ́nɛ́ ń sónó w wẽ́ né.

Swénénə dwã. Wɔ́ rə̀myɛ́ rə̀ wɔ́ à nyí à nʼâ pɛ ába.

Ámyɛ̌ ǹdə́ lũ w lyì bí gə yʼâ wɔ́ kɔn rə̀dù, bə̀ yʼà mʼa swéné ába. Sə à cír ába lũ w lyì bí wẽ́. Rə̀myɛ́ ce, ámyɛ̌ ǹdə́ bə̀myɛ́ də̀ kɔn rə̀dù yé. Wɔ́ rə̀myɛ́ yil bə̀ nʼê jí zùùrì ǹdʼába.