פסוקים פופולריים מ- Yuhani 6

שתף

Ku Yesu la iya kai liniane, “Amaniaku ku taleke ki niake. Ku wakela nakwane kai, kai lri kasilrawnga palralrawthu; ku masalru nakwane, kai lri kakadhamenga palralrawthu.

Ku wabaai ku niake ki umawmase yai Siri, kai beate kadrwa ku paluludane; kai pelaelali numiane ki kikai vaga amani ku wabaai ku niake ka Siri.

Madha ngwalalai kudra lri tara kaburau ka akaneane kwalri, ngwaladha kwidra lri kainganai ki apalralrawthane panianiake ka taleke kisamula. Kikai taleke amani ku lrika abaadhane ki Lalake ki Umawmase numiane, asi lwiyane ku Tama ka Twaumase patwathingalenga pikai ki kinawmasane ki Lalake ki Umawmase.”

Asi lwiyane ku takidremedremane ki Tama yai lri patarumara ku palralrawthu ku niake kwidra ki wadrele ki Lalake si kasalru ku umawmase; ikai ki apalikaiyane ki vai, lri pasielaku papanianiake liniane.”

Ku Yesu la tubalre, “Kasalrwa kudra ki sikawluini, amani kikai kudra ani pia ku awnganeli iya ki Twaumase numiane.”

Sanaka baai ki Ama ku umawmase nakwane lri kainganai mwa nakwane kikai makanaelre. Ku wakela nakwane kai, lri kainaku pasiwlri iniane lutuumane

Ku Simune Pitiru la tubalre, “Tamatama, yakai muswane ku apalralrawthane panianiake ka vaga, aneaneana ku lri ka atupapalrane nai?

Amaniaku ku twalai belenge mulebe si baai ku taleke ki niake; ku wakane kikai taleke ku umawmase lri palralrawthunga kai pacai. Ku lrika abaadhaneli ki umawmase ku taleke amani kai beateli, ka patarwamara pakai ku amalrane ku niake ki umawmase.”

Ana kaika amani kudra siakawlu nakwane ka Ama ka kiamurikai ki umawmase, kadrwa ku umawmase ku lri dulru kainganai nakwane kai; ku wakela nakwane kai, ikai ki taalikaiyane ki vai lri pasielanaku iniane.

Asi lwiyane ku patarumara ki Twaumase ku taleke amani kwidra patwalai belenge pulebe, si baai ki yakawmasane ku niake.”

Amaniaku ku taleke ki niake.

Ku Yesu la malra ku pange, si kiaseasene, ala apavalavala ki wanene ki laumawmase, ku kange lamialri pia kai apavalavala; la ngisasingikaai ku tadulrwane lini kane makanaelre. Sa kanenga kabucukunga makanaelre, ku Yesu la pelaela ki lasitu, “Malra sarubu kwini tedrane ka lapapithipithingane, madha pasawlrawlra.”

Ku lasitu la kisamula kadrau ki acilai, ikai kau lrima kau eneme ka kunlri ku takatwasane adili, la drele ki Yesu ngubabelebelenge ki acilai kaingananganai papia ki varukuru lini, la kirimu kakiwcu turamuru. Ku Yesu la iya kai liniane, “Amaniaku, madha ukuludru!”