פסוקים פופולריים מ- Yohane 12

שתף

Yose uyo wati wanditeŵetera wakwenera kundirondezga mwakuti uko ndili ine, ndiko wakaŵenge na muteŵeti wane wuwo. Yose uyo wati wanditeŵetere ine, Ŵadada ŵamkumuchindika.

Munthu uyo wakutemwa umoyo wakhe wakuwutaya, uyo wakutinkha umoyo wakhe mu charu chino, wati wawusungilire ku umoyo wa muyirayira.

Inya, inya nadi nkhumunenerani kuti, kwambula kuti lumphuzi lwa tirigu luwe mu dongo na kufwa, lumphuzi lura lukukhara lwekha, kweni para lwafwa, ndipo lukupambika vipambi vinandi.

Ine ndili kwiza nga mbungweru mu charu, mwakuti yose uyo wakupulikana mwa ine wareke kukhalirira mu mdima.

Usange munthu waliyose wakupulika mazgu ghane ndipo wakughagomezga chara, kuti nkhumweruzga chara. Pakuti nkhiza kweruzga charu chara, kweni kuchiponoska.

Mariya wakatora supa ya mafuta ghakununkhira, ghakuzirwa na gha mtengo wapatali, gha narido mwenecho, ghakukwana hafu lita. Wakapungulira mafuta ghara pa malundi gha Yesu na kughapuputa na sisi lakhe, mpaka nyumba yose yikazura na sungu liweme.

Ntheura ŵakatora minthavi ya vivwati vya mikambarara ŵakaruta kuya kamutemerera uko ŵakuchemerezga ŵakuti, “Hosana! Ngwakutumbikika uyo wakwiza mu zina la Fumu! Ngwakutumbikika nanga ndi Karonga wa ŵaIsraele!”

Yesu wakaŵazgora wakati, Ora lafika kuti Mwana wa Munthu wachindikike.