פסוקים פופולריים מ- Ruka 17

שתף

He kī ia e Ietū ki tū taŋata era: «Ka eꞌa koe ki ruŋa ka oho. ꞌI te haka moe ōꞌou i te manaꞌu ꞌi ruŋa i te ꞌAtua i ora ena tuꞌu māui-ui».

Ka ai atu ꞌi te mahana mau nō e tahi e hitu hara iŋa atu ōꞌona, ꞌe e hitu kī iŋa atu e ko aŋa haka ꞌou e ia, e haka rehu tahi koe».

E tahi o rā nuꞌu, i takeꞌa era ko ora ꞌā a ia, he hoki he oho koia ko te haꞌahana-hana i te ꞌAtua hai reꞌo pūai. He tū-turi ꞌi muꞌa o Ietū, he noi ꞌātā ka puā rō te tira ki ruŋa i te ꞌōꞌone mo māuru-uru. Rā taŋata o Tāmāria.

¡ꞌO ira, e uꞌi kōrua! »Mo hara o tuꞌu taina, e ture; ꞌe mo haka roŋo atu ꞌe mo haka tapa mai roto, e haka rehu tōꞌona hara.

He kī e Ietū: «E hoꞌe ꞌahuru kope i haka ora e au. ¿Hē ia te tētahi nuꞌu era?

He pāhono e Ietū: «ꞌĀhani te kōrua haka moe iŋa o te manaꞌu ꞌi ruŋa i te ꞌAtua korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te tumu nei: “Ka oꞌi tuꞌu aka, ꞌai ka oho ka ꞌoka rō ꞌi roto i te vaikava”, ꞌe he haꞌatura atu.

»ꞌĪ a au he kī atu: te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa, e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE, te kope haka rē i tāꞌana meꞌe haŋa mo haꞌatura mai ki a au, he ravaꞌa e ia rā ora.

He kī e Ietū ki tāꞌana nuꞌu hāpī: «ꞌI te ao nei e ko taꞌe ai te meꞌe mo uŋa i te taŋata a roto i te hara; ꞌe, ¡ko te ꞌaroha ꞌi te kope haka hara i te rua! Te ūtuꞌa o te ꞌAtua mo te taŋata haka hara i te kope taꞌe pūai rahi o te haka moe iŋa i tōꞌona manaꞌu ꞌi ruŋa i a au he ūtuꞌa ꞌata taparahi-taꞌata ki te ūtuꞌa he here hai māꞌea paŋahaꞌa ki te ŋao ꞌai ka hoa ki roto i te vaikava.

»ꞌE te noho iŋa o te taŋata ꞌi te ŋā mahana era ko hāhine ꞌā mo hoki mai o te Poki o te taŋata, pa he noho iŋa ꞌā o te nuꞌu ꞌi te hora o Nōē. E kai nō ꞌana, e unu nō ꞌā ꞌe e ⌊hāipo-ipo⌋ nō ꞌana te taŋata i tano rō ai te hora o Nōē mo uru ki roto i te pahī, ꞌe he haꞌamata he hoa te ꞌua ꞌe he mā-mate tahi rō ꞌai.