פסוקים פופולריים מ- Ruka 19

שתף

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Pē nei e kī era: «¡Taŋata haꞌamaitai e te ꞌAtua te ꞌAriki oho mai nei hai ꞌīŋoa ōꞌona!» «¡Ka ai te haumārū o te ꞌAtua i tōꞌona taŋata!» «¡Ki haꞌahana-hana tahi tātou ki te ꞌAtua ꞌi te raŋi!».

He kī e Ietū: —ꞌI ꞌaŋarīnā te nuꞌu o te hare nei i eꞌa ai mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua; te taŋata nei, ꞌi te huri ꞌe ꞌi te haka moe i tōꞌona manaꞌu ꞌi ruŋa i te ꞌAtua, i haka takeꞌa mai ai he hakaara mau ꞌā o ⌊ꞌAparahama⌋.

I vari era a ira, he hira a ruŋa he uꞌi ꞌe he kī e Ietū: «E Tākeo, ka topa koe mai ruŋa ena. ꞌArīnā ꞌi tuꞌu hare a au ka noho ena». ꞌI tū hora ꞌā he topa a Tākeo, ko toꞌo atu ꞌā te koa, he maꞌu he oho i a Ietū.

ꞌE, ꞌi te kona hare era, he eꞌa a Tākeo ki ruŋa he kī ki a Ietū: —¿Ko ꞌite ꞌā koe? ꞌĪ a au he vahi a vāeŋa i tōꞌoku hauhaꞌa taꞌatoꞌa, ꞌe he vaꞌai e tahi pāꞌiŋa ki te nuꞌu veve. ꞌE mo ai, hora haka ꞌauhau era e au i te nuꞌu hai moni mo te rōmano i ꞌata haka ꞌauhau rō ki ravaꞌa takoꞌa mai ai tōꞌoku, hora nei he haka hoki e au e hā tara mo te tara ka tahi toke e au.

ꞌI roto i tū nūnaꞌa taŋata era te tētahi ⌊fariseo⌋ e kī era: —E te Maꞌori, ka ture ka haka mou te nuꞌu era. He pāhono e Ietū