פסוקים פופולריים מ- Māteo 13

שתף

»ꞌE te kona ꞌōꞌone riva-riva vī-viri era o te karu he nuꞌu haka roŋo ꞌe aŋi-aŋi i te roŋo o te ꞌAtua. Mai i a rāua he hua meꞌe rahi nō atu meꞌe haŋa e te ꞌAtua, pa he ŋā karu ena ꞌā mai ruŋa i hua ai e hoꞌe hānere, e ono ꞌahuru ꞌe e toru ꞌahuru karu».

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

E ai rō ꞌā te nuꞌu pa he kona ara era ꞌā a ira i vī-viri ai te karu: e haka roŋo ena i te roŋo o ruŋa i te ⌊haka tere iŋa ꞌāpī o te ꞌAtua⌋ ꞌina he aŋi-aŋi; he tuꞌu ia e Rukifero he toꞌo i rā roŋo ꞌo tupu ꞌi roto i te rāua māhatu.

»E ai takoꞌa rō ꞌā te nuꞌu pa he kona papa ꞌōꞌone taꞌe rahi vī-viri era o te karu: e haka roŋo ena i te roŋo o te ꞌAtua he toꞌo mo rāua hai koa. Te meꞌe ꞌino nō, he haka moe i te rāua manaꞌu ꞌi ruŋa i rā roŋo mo te hora nō e tahi; ka riri era te nuꞌu mo rāua o ruŋa o te vānaŋa o te ꞌAtua ꞌo ka topa rō era te ꞌati ꞌi te hora haka ꞌatu i a rāua, he rehu rā roŋo, pa he taꞌe hio-hio iŋa o te aka ꞌi te kona ꞌōꞌone taꞌe rahi.

»Te haka tere iŋa ꞌāpī o te ꞌAtua pa he hauhaꞌa o roto i te henua e tahi. He tuꞌu e tahi kope he ravaꞌa, ꞌe he naꞌa haka ꞌou ꞌi rā kona mau ꞌā. Ko koa atu ꞌana, he oho he hoꞌo i tōꞌona meꞌe taꞌatoꞌa ki te nuꞌu, ꞌe he hoꞌo i rā henua mōꞌona.

»I ai takoꞌa rō te karu i marere a te kona ꞌōꞌone riva-riva. I tupu era he taiko. Mai rā ŋā karu i hua ꞌe i puŋa ai e hoꞌe hānere, e ono ꞌahuru ꞌe e toru ꞌahuru karu mai te karu nō e tahi.

Ka haka rē nō pē nā. Ki tuꞌu te ꞌāvaꞌe mo hore i te tariko, he uŋa a au, ꞌi raꞌe, i te nuꞌu he haka here-here hai ruru i rā mauku mo tutu. Ki oti he hāpaꞌo i te tariko ꞌi roto i te hare haꞌaputu tariko”».