פסוקים פופולריים מ- JON 15

שתף

“Ngo roo annv, nulv haqbv. Hiyv xeq ngoqg uraso doodwn hoo ngo mwwg uraho doodwn, mwv vigo aaxy xeetayin, hoggab ngam apaqpel nulv hog akkam nyinyi ram.

Ngoqg uraso dooto, hoo ngo kam nulug uraho dootayin. Nulv ngoqg uraso dooma baloqkam roo haqbv svvnlo guugab dooma yukam aaxy xeema dvn, hoq hvbkalam nulv aaxy xeenyiram.

Nulv ngoqg uraso doobaloqkam, hoo ngoqg agamv nulug uraho dooba dvn, hoo nulug kob mwwnam mam hog mwlwngam nulv kobnyiloqkam ham nulgab nyijtayin.

Nulv ngam xuqmanum, hvbmabde ngo nulam xuqnam hoo xuqlinum tulungv wl vigo aaxy xeem dvb hoo nulug aaxiam dooyu mvdwb, hoqgab nulv Abam ngoqg eminho hog mwlw kobnyiloqkam, mwv nulam jiyi nvpv.

Atwg ajin tulungam aby banv bulug sidub sinam ham koi yaanbo abynam dooma dvn.

Mwv aaxy xeema bo haqb hvqxiam ngoqg hoqgv pal hurxa dvn, hoo aaxy xeenbo haqb hvqxiam, aaxy vigo xeem dvb paxaq banv mvxaq gvdvn.

Soq si ngoqg gaml benamv. Ngo nulam abynam hvbkalam, nulv akwn akwn abymins laka.

Soq sib lak nyil ngoqg Abwg yuunam mam kaakin dvn, hoo nulv vigo aaxy xeeb nyiloqkam ngoqg buungv hvl kaacin dvn

“Ngo roo annv, hoo ngoqg Abv rongo atv.

Hiyv lajaqkam ngoqg dookub dooma boam svvn haqbam pal hurxa tvl hoo sempaq mvnam hvb mvtayin, hoo haqb tulungam dorkum layil wmho joolwqtvl parxianum.

“Soq nulam ngoqg beg dvn si ngoqg hempam nulgab doom dvb hoo nulug hempam niqtuq polin mvdwb mvdwn.

Nulv ngoqg gaml benam mam pvvb nyiloqkam, nulv ngoqg abyko uraho doodwn, ngo ngoqg Abwg gaml benam mam tabnv mwwg abyko uraho doonam hvbkalam nulv dootayin.

Hoqgab ngo nulam soq gaml tulu sam begyin, nulv akwn akwn abymins laka.

Nulv gvda gvtwg nyiib nyinyiloqkam gvda gvtv nulam atwg nyi hvb aby sudco. Hvbmabde ngo nulam gvda gvt soqgv xuqlin pan, hoqgab nulv gvda gvt soq nyiib nyikma; hoqgab sulak gvda gvtv nulam oyum sudwn.