פסוקים פופולריים מ- युहुन्‍ना 5

שתף

इङ्‌गाॽ से़क्‍खाए मे़त्‍निङ्, आत्तिल्‍ले़ पेलिगे़न् आबाःन्‍जाक्‍किन् खे़प्‍सुआङ् इङ्‌गाॽ याप्‍मि के़बाङ्‌बान् नसान् चोगुॽ, खे़ल्‍ले़ मे़न्‍नुप्‍मनाबा हिङ्‌मन् खोसुआङ् वाॽ, हे़क्‍क्‍याङ् खे़ल्‍ले़ खुम्‍दिङ् मे़घोसुन्, कर खे़ङ्‌ग तगिसा सिमे़न्‍लाम् मे़न्‍नुप्‍मनाबा हिङ्‌मन्‍नो चत्‍छिङ् पेआङ् वाॽरो॥

ये़सुरे़ खे़न् मनान् खे़प्‍मो ने़स्‍से़बा निसु हे़क्‍क्‍याङ् यरिक् तङ्‌बेआङ्‌धो तुक्‍काङ् ने़रो के़लॽबा निङ्‌वाॽ खोसुआङ् सेःन्‍दोसु, “खे़ने़ॽ वेःप्‍मा के़सिराॽ थाङ्‌बि?”

खिनिॽग साम्‌योसाप्‍लान् नुःरिक्‍काङ् के़निसुम्‍लो थेआङ्‌भे़ल्‍ले़ खे़प्‍मोलाम् मे़न्‍नुप्‍मनाबा हिङ्‌मन् खोसुम्‍बे़ फाॽआङ् निङ्‌वाॽ के़इःत्तुम्, कर खे़न् साम्‌योसाप्‍लाःल्‍ले़ए इङ्‌गाॽ आयाःम्‍बेओ तोःन्‍दि के़बिरिॽरो॥ हे़क्‍केसाङ् खिनिॽ इङ्‌गाॽओ तामाआङ् मे़न्‍नुप्‍मनाबा हिङ्‌मन् खोमा निङ्‌वाॽ के़न्‍जोगुम्‍मिन्‍लो॥

ये़सुरे़ खे़न् मे़त्तु, “पोगे़ॽ! हे़क्‍क्‍याङ् के़ने़त्‍नान् याङ्‌सिङ्‌ङे़ॽआङ् थासिङ्‌ङे़ॽओ॥” खिमो खे़न् मनान् वेःत्ते़आङ् कुने़त्‍नान् याङ्‌सिङ्‌ङाङ् थासिङ्‌लो॥ आल्‍ल कन् निङ्‌वाॽ के़माबा पाःन्‍निङ्‌ग नाःम्‍सिङ् ये़न्‍नो पोःक्‍खे़आङ् वये़रो॥

ये़सुरे़ खे़ङ्‌हाॽ अक्‍तङ्‌बा नोगप् पिरुसि, “से़क्‍खाए मे़त्‍निङ्‌लो, कुस्‍साःल्‍ले़ आबाङेग थेआङ् चोःक्‍मा मे़सुक्‍तुन्, कर खुने़ॽग पानुदिङ् कुम्‍बारे़ चोगुबा पाःन्‍हाॽ निसुबा कुइसिःक्‍लक् चोःक्‍मा सुक्‍तुॽरो, थेआङ्‌भे़ल्‍ले़ पानुदिङ् पाःल्‍ले़ थे चोगुॽ बा खे़न्‍ने कुस्‍साःल्‍ले़आङ् चोगुॽरो॥