פסוקים פופולריים מ- NSAN LUCA 22

שתף

ne bi ꞌñembabi: ―Ma Dadaꞌi, ꞌbʉ gui nehma̱, gui ꞌueca nuna thogui ma ga thogui, pe hindí ne gui ꞌyøtꞌe ngu núꞌa̱ ga nega, go da ꞌyøtꞌa ngu núꞌa̱ ri pahague.

Pe nugui stá apabi Ajua̱ ma Dada por gueꞌi, gue hinda ꞌmɛdi ri jamfri. Ha nu xcrí yopa jʉ ri jamfri, gui japi da zɛdi yá jamfri nehe nuyʉ maꞌra ri cu.

Nepʉ nuꞌá̱ bi gʉ ra thuhme ne bi umbabi njama̱di Ajua̱ ne bi hecuabiꞌʉ bi umbi, ne bi ꞌñembabi: ―Guehna ma ndoꞌyo ma ga uni po rá ngueꞌahʉ. Ora gui tsihʉ, gueꞌa̱ ꞌnara feni de ma du.

Nepʉ de ya xqui uadi ra ntꞌoxiꞌʉ, nuꞌá̱ bi gʉ ra vaso, ne bi ꞌñembabi: ―Nuna vinu guehna ꞌnara seña de ra ꞌraꞌyo cohi xa tꞌøtꞌe co ma ji núꞌa̱ ma ga fani po rá ngueꞌahʉ.

Nuꞌá̱ xi mi tu rá mʉi ndunthi de mi apabi Ajua̱, pe maꞌna mi apabi co ndunthi ra tsꞌɛdi asta mri xanthe, ne nuyá xanthe ngu myá da̱nga tagui dega ji, mi tʉi ja ra hai.

Pe nuꞌahʉ́ hingue rí ꞌñepi gui njahʉbʉ. Nuꞌa̱ rí ꞌñepi gui ꞌyøthʉ, nuꞌa̱ da nja rá nsu de gueꞌahʉ, mahyoni da notsi, ha nuꞌa̱ tóꞌo da manda, mahyoni da nja ngu ꞌnara ꞌbɛgo.

Ha nura Jesu bi ꞌñembabiꞌa̱: ―Nugui dí xiꞌaꞌi nuꞌi Pedro, gue núbya dí nxuui ante da mafi ra menja̱ ma gui ma̱ hñuꞌqui gue hinguí pa̱cagui.