פסוקים פופולריים מ- AR LUKA 23

שתף

Nu mi zu̱hnu̱ ar Hesu har pontꞌi, bi ꞌñenö: —Ma Dadaꞌi, pumbabi nöꞌö o̱tka nuya jöꞌiyu̱, ngetho hingi pöhyu̱ nöꞌö te pe̱fi. Ha nuya ndogu mi ꞌbu̱hnu̱, bi ꞌye̱ntsꞌa ar nthöhö togo nda hñöꞌspa yá dutu ar Hesu.

Ar Hesu bi döti ne bi ꞌñembabi: —Nuga di xiꞌaꞌi, ár pania ma ga ꞌbu̱hwinu̱ mhetsꞌi.

Nepꞌu̱ bi ꞌñembabi ar Hesu: —Bengagi núꞌmu̱ xki hñuxa ha ri thuxandö.

Nepꞌu̱ ar Hesu bi mafi ntsꞌe̱di ne bi ꞌñenö: —Ma Dadaꞌi, di da̱tꞌa ha ri ꞌye̱ ma hñö. Ne mi wadi bi mönga njapꞌu̱, bi du.

Ha nu mi zo̱nga habu̱ mi tꞌembabi Nñöxhmundoꞌyo, ka bi tsꞌu̱tnu̱ har pontꞌi ar Hesu ne nuꞌu̱ ma yoho ya ñꞌo̱ho̱, nꞌa bi tsꞌu̱ta hár ñꞌe̱i, ha nöꞌö manꞌa hár ngöhö.

Ngu made mpa bi ndu̱i bi mꞌe̱xui xo̱ge ar ximha̱i, ne bi göxa ngu hñunde, ngetho ar hyadi himbi yotꞌi. Ha nu ar döta dutu mi naxa mbo har dönganijö, bi xi madetho.

Nu mi hyanda ar döndogu nöꞌö xki thogi, bi nsunda Jö, ne bi ꞌñenö: —Majöni nunar ñꞌo̱ho̱nu̱ xa mar hogajöꞌi.