פסוקים פופולריים מ- Matìo 18

שתף

Nu bugho aghî a bə̀ghà ŋkāa a təgha zûuŋ doʼò tsughu bòʼ mùghò, mùghò n lo a fughu ghàʼ à ghee.”

Ǹ so Ŋ̀ kôom dzâa kpeʼe wô â ghɛ̀ enyəa abugho ghɛ̀ a bə̀ghà tsughu boō tsughu alo eghəa, ghɛ̀ gɔŋlò enyəa to ghəa e mô sə êzə̀, Bəghà alo kəwālā lo fwàʼà fùghuu nù ghəa e te zo â ghɛ̀.

Ù n daŋso tɔŋɔ tsughu wɛfêtùghu fə̀ li fo, naŋa nyə tsughu am bvʉa e ghee, dzɛ̀ tsughu enyəa, “Kùmkùm, ghəa Ǹ dzâa wô fɛ â ghɛ̀, à buw mò ghɛ̀ kuuwn kɔʼ nû, ghɛ̀ doʼo tsughu tò wɛghêtùghu ghən, ghɛ̀ kê nyə yo am fɔ̀e u kəwālā.

Ghùw wəla ù ghaʼ tsəgha waazə̂ ghò am fɔ̀e u kəwālā lo ghùw wəla ù zuumsō tsughu ghue u wə̄n wo tò wɛfêtùghu fən.

Ghùw wəla ù nì naŋā sugho ŋgòʼò wɛfêtùghu fə te fo, ù fi nî nàŋa mùghò.”

Kùmkùm, aŋghəa Ǹ dzâa wô fɛ â ghɛ̀, ghəa zəla ghɛ̀ tsughu boō tsughu enyəa e lo êzə̀ a fɛ am mbī, ghe lo boom sùghò ezə̀ alo kəwala, mò à lò zəla ghɛ̀ kuūwn tue maʼà tsughu fɛ am mbī, ghe lo tuu màʼn sùghò êzə̀ alo kəwālā.

Yɛso n daŋso dzɛ̀ tsùghù enyəa, “Bə̀ghà alo kəwālā kê bɔ̌ɔm ghəəŋ sùghò èzə̀, â ghùw wəla ù dòʼŋkè nîizə̂ bo e wàazə̀ am fə̂ŋ è wə̄n.”

Yɛso n dzɛ̀ tsùghù sùghò enyəa, “Abugho ghùw ghəə̄ŋ tsughu wɛ̂ɛtùghu u mɔ̀ʼ aŋ wɛghêtùghu ghəla ghe boō fughu â mùghò enyəa ù ghəŋlo èbo, ghùw ù te fi kpe to a nî kɔʼ ŋgɔ̀ʼɔ̀ kə etia kə̀ gwuūŋ ko, a kɔlɔ̀ tsughu am mwè u wə̄n, a ndûw maʼà nyəa tsughu wə̄n alo kətsə̀m.

Ghɛ̀ moʼò èndùghò à? Abugho ghùw ki bɔm fə təndzì fò, e mɔ̀ʼ zə̀ è làʼ mîaa tsughu a te, ù ŋ kè naŋā taʼà tsughu ghə̀m n tə̀ndzì mən tɛ̀ndzūghū à ghè tǒ tɛ̀ndzūghū aŋ ŋgaŋlò e ukwàʼ à enyəa e ndûw kəŋo wô dzə̂ zəla è làʼ miaa a?