פסוקים פופולריים מ- Mâk 13

שתף

Ghî ghə̀n à dzə̀m lo bɛ̂ ghɛ̀ bòʼ mùghò. Ghî ghəla ghe lo kuūwn dzəlà mɛ̂ʼn daŋso ndûw ko fə̂ŋ tò alendùw kûu ndûw, ghe lo zə kətuw.

Nǐ nlò ghôom zò; naŋso tsughu nlò ghuw kə ebwìi kò, tɔŋlo enyəa ghɛ̀ kwò naŋa dzə yo tsuʼ fə te fo ŋkāa nəgha e te zo.

Abugho ghe kwu tsughu ghɛ, nì ndùw ghɛ̀ enyəa ghɛ̀ nduw tee an tia e sāʼ, e kwo ghɛ̀ lô so e bâŋsò tə̀fə̀ŋ mo nəgha e kaam kpe enyəa ghɛ̀ sô fughu yia kə̂aa ndùw êndughō. Bɔɔm kə̌aa ko fəgha kəla kə sə wo an dzughu ghɛʼɛ̄ an nə̀gha e te zo, tɔŋlo enyəa à kè kə̀aa yò ghɛ, à kè kə̀aa Zuʼ tə̀ Zɔlɔ to.

Wala kə lo tsə̀ghàa mìan nù à ghueekətsə̄ ko: shwaʼ waŋa u kê kǔuwn tsə̀ghà mìa yò.

Alekuūwn nîi tsughu, ghùw mɔʼɔ̄ kwo naŋa yo tsuʼ wəla Wɛ ù Ghùw kè bughōo a te ŋkāa nəgha e te zo, tsə̀təndə̄ghā tə Kəzə̀ alo kəwālā tə bûʼ kwò sugho yo. Wɛ bûʼ kwò sugho yo, à gɔ̀ʼɔ̀ ko Tsele ù te.

Abugho ghɛ̀ zuw tsughu tsaā tə kuū kaŋlō àsùghò làbəlà tə tətsàa to, e kwo ko fə̂ŋ tɛʼɛ tə lô so e tsə̄əŋ nù, ghəa ghən ki alenì kə̀bala, e fi kuuwn kāam daŋso yò dzə̂ enyəa mbī fi so e mîa.

Tɔ̀ʼɔ têe nlò, nu ghɛ̀ kwo naŋa yo nəgha zəla mughùbè ù te lo kwəlā nyəā a te. Ù lò alevùuŋ bughò an nə̀gha è gûŋsò zò, ŋkāa â fə̀ŋ è ùtsùʼ, ŋkāa â zùwzùw kə utsūʼ ko, ŋkāa â bwə̀làbwə̀là tò. E kwo ko ù lò vûuŋ ndûw bughōo mò ghɛ̀ yia bwiī. Ghəa ghəla Ǹ dzɛ̂ tsughu â ghɛ̀, M̀ fɛ dzɛ̀ â ghì ghò a dzə̀m: tiso kɔʼ nlò tuw ko.”

Naʼà tə̀ ke e zughū aŋ ghùe e ghee, fɔ̂e zə̀ è ke təma tsaā to ghùe e ghee, ghueekətsə̄ kə e ke boʼn bvʉā kaaŋ dəŋò tə̀ də̀ŋò, dzə̀ŋ è ke lo dəŋo tə̀ də̀ŋò. Ghəa ghən kê ò ko to wɛ lô kaʼā nu tsughuu zəla nʉ̀ghà u wɛ̄.

Ghe bûʼ kì dzə alenàʼà tùm è dzùŋ zən â nàʼà tò tə dzə̀m.

Ndə̀m kè ndùw bùghòo fɛ enyəa ghe lo mugho, ghe e dzaā wo enyəa, ‘Ǹ lo wə̄n!’ Ghe sêe məŋsō tsughu ndə̀m è àghì.

Yia a bughò ghɛ, tiso kɔʼ nlò tuw ko edzūŋ; ghe lo kwuū fughuu ndûw ghɛ aŋ kaŋsì, ghe tsɔʼ sa ghɛʼɛ an ndughutə̀ne to; ghɛ̀ lo sə tee an sə kə udwə̀ŋ à ghê gɔvə̀nò bòʼ mùghò, zən kè lǒ dzì alenàʼà tsə̀ndə̄ghā è Kə̀zə̀ â ghee.

Tɔŋlo enyəa ghê Mɛ̀sayà ghə agha, àsùghò ghǐishʉ̀ghà ghə agha a lo vùuŋ nùghùn sə̌a kɔʼɔ nù, ghe e deē wo tsə̌a to à sə̀ghà mò alesèe məŋso ghì ghə̀là Zə̀ kə̀ mò shîaa kɔʼ.

“A kê so e kuūwn bùghòo an tsùʼu n te mò, mo fala zə m mìa. Ləm kə kê nughù bvʉ̂a tsughu â tsə̀ tò, ndzɔŋ ke nyəmā tsughuu sughò. Sə̀ghàbəlà ŋ kê tsɔʼn tsughuu wô alo kəwālā, dwaʼa u kəwālā u kê noʼò kaāŋ ndûw.