פסוקים פופולריים מ- Yohane 14

שתף

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Yesu mololita i topeguruNa, nauli, “Inee bata-bata lalumi! Mepoinalaimokau i Pue Ala, hai mepoinalai worikau Iriko.

Agaiana Topetulungi au natudu mai UmaNgku mewali pahuruna wataNgku, iami Inao Malelaha, Ia ina mopaturoakau hinangkana hai Napopaingaakau ope-ope au Kuuliangaamokau.

Tauna au modoko hai moula hawaNgku, ia au mampokaahiNa. UmaNgku mampokaahi tauna au mampokaahiNa, hai Iko wori mampokaahi tauna iti, hai Kupatongawaa wataNgku.”

Ina kuperapi i UmaNgku bona Naweikau hadua Topetulungi au ntanina bona Ia mamporangaikau hawe i hae-haena. Topetulungi iti, iami Inaona Pue Ala au moninikau i paturo au tou. Tauna au bara mepoinalai, barahe peisa modoko Inaona Pue Ala, lawi bara raita hai bara raisa. Agaiana ikamu, niisami, lawi Naporangaimokau ide-ide, hai ina maida i lalumi.

Mewali, apa au niperapi anti pepoinalaimi Iriko, ina Kubabehi, bona apa au Kubabehi iti mampomahile UmaNgku. Apa pea au niperapi anti pepoinalaimi Iriko, ina Kubabehi.”

“Ane nipokaahiNa, manoto nipeulai hawaNgku.

I souna UmaNgku, ngkaia paidaa. Ane kebara, barakau ina Kuuliangaa nodo, lawi laoNa mopasilolongaakau paidaami.

Ane roomoNa mopasilolonga paidaami, ina mesule huleNa maikau Kuala, bona iumba pea kaaraaNgku, inditi worikau hihimbela hai Iko.

Nauli Tomas, “Pue, bara wongkamia kiisa iumba kalaoaMu. Mewali, noumba kakiisana rarana?”