פסוקים פופולריים מ- Lukasi 17

שתף

Hangko indo, nauli mbuli Yesu i tauna iti, “Meangkamoko, hai laomoko. Anti pepoinalaimu Iriko, ido hai maohamoko.”

Ane halalumi masala irikamu kehapiri pitu belana i lalu hangalo, hai bela-belana masala mai merapi ampu irikamu, hangangaa niampungi.”

Hadua hangko i tauna iti mesule lao i Yesu, nauli masisimbuku, “Tetoiami Pue Ala. Maohamona!” Ia molingkudu motumpa i lindona Pue Yesu hai manguli ngkaia kamaroana Iria. Tauna iti iami hadua to Samaria.

Ido hai hangangaa mainga-ingakau! Ane halalumi mobabehi sala, hangangaa nikonto. Ane tebalikimi laluna, niampungi woia.

Roo indo, nauli Yesu i ope-ope tauna au meula Iria, “Bara pae hampulohe au Kupakaoha? Iumbamohe au hahio?

Nahanai Yesu, “Ane arami pepoinalaimi nauri kokoi pea nodo lihu hahawi, peisakau mouliangaa kau mahile ide: ‘Mawukamoko hangko inde, hai melimbako i tahi!’ hai batena ina mewali moula hawami.”

Hema au mampeulai peundeana haduduana, bara molambi katuwo maroa. Agaiana hema au mokabaha peundeana hai meula Iriko kehapiri rapapate, iami au molambi katuwo maroa.

Roo indo, nauli Yesu i topeguruNa, “Batena ara pekelo au mopamanawo tauna alanda madosa. Agaiana hurewumohe tauna au mopaara pekelo iti! Hema au mopakanawo hadua tauna au koi tuwona alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i tanga tahi.

Apa au mewali i tempona nabi Noho hangkoia, ina mewali wori i alo kahaweaNgku, Iko Ana Manusia. I tempona nabi Noho hangkoia, manusia mampomalea, barahe moisa apa au ina morumpahe. Maande-ande hai maenu-enu peahe, motambihe hai rapopotambihe. Iti au rababehi liliu duuna nabi Noho mesua i lalu duanga mahile. Unga peahe naumbala owai mewali opehe mate.