פסוקים פופולריים מ- Lukasi 8

שתף

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

Tinuda au manawo i lalu dui, lempona mohaditohe Ngkorana Pue Ala, agaiana mopailalu liliu peahe katuwonda i lalu dunia ide, hai mampeinao peahe morampu peawa dunia. Lalunda nabukehi paka-pakana dake. Ope-ope iti mopaara pea kadana tinda lalunda, alana barapohe mepoinalai hai bara mobundu Ngkorana Pue Ala i lalu katuwonda.

Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai.

Hangko inditi, naulimi Yesu i topeguruNa, “Moapari hai baraNa nipoinalai?” Tingkara hai langamohe. Mololitahe hadua hai hadua, rauli, “Hemari tauna ide! Mogalo himburu hai balumba moula hawaNa!”

Iba pakana paidaa au nakanawoi tinuda iti, rapopandiri lalu tauna. Tinuda au manawo i rara, lempona mohadi mpuuhe Ngkorana Pue Ala, agaiana Datu Tokadake mopawuli lalunda, duuna barahe mepoinalai, hai barahe tekabaha hangko i huku dosanda

Nodo wori, ope-ope paturoNgku au tewuniangi mani batena ina tebungkahi. Hai ope-ope lolitaNgku au rawuniangi mani batena ina tongawa.

Naisami towawine iti kanaisana Yesu babehiana. Moradami anti kalangana, hai mai molingkudu i lindona Yesu. I olonda tauna au bosa, towawine iti mopahawe apa tunggaiana motobo baduNa hai kamaohanami hangko i hakina. Nauliangaa Yesu, “AnaNgku, maohamoko lawi mepoinalaiko Iriko. Mesulemoko, hai roa ngkatuwo mamporangaiko.”

TopeguruNa Yesu laohe morua Yesu, rauliangaa, “Guru! Guru! Tulungingkai. Ina marugike!” Mearomi Yesu, liliu mokambaroa himburu hai balumba, alana mengkaroo mpuu himburu, hai unga pea lene rano.