פסוקים פופולריים מ- NINGPAWT NINGHPANG 1

שתף

Bai Karai Kasang gaw, “Anhte gaw, anhte a hkrang sumla hte anhte a asam hte bung ai, shinggyim masha hpan ga: shanhte gaw, nammukdara hta rawng ai nga ni a ntsa e mung, lamu kata na ntsa malen e pyen ai u ni a ntsa e mung, yamnga ni a ntsa e mung, ga ting a ntsa e mung, ga ntsa e gumrawt hkawm ai baw mahkra a ntsa e mung up nga mu ga,” nga ai. Shing rai Karai Kasang gaw shi a hkrang sumla hte maren, Karai Kasang gaw shi hpe hpan da wu ai: shinggyim lasha hte shinggyim numsha hpe shi hpan da wu ai.

Shaloi Karai Kasang gaw shan hpe tsun mu ai gaw, “Nan kashu kasha shaprat nna mayat maya wa mu; ga ting hpe jahpring nna dai hpe up nga lu mu: nammukdara hta rawng ai nga ni a ntsa e mung, lamu kata na ntsa malen e pyen ai u ni a ntsa e mung, ga ntsa e nsoi nsa rawng ai shamu shamawt chye ai baw mahkra a ntsa e mung a up nga mu,” ngu wu ai.

Shawng ningpawt e Karai Kasang gaw sumsing lamu hte ginding aga hpe hpan da wu ai.

Ginding aga chyawm gaw akrin ayang re ai hte asan awan rai nga ai; nsin mung sung ai shara e sin up nga ai rai nna, Karai Kasang a Wenyi gaw hka hpung ni a ntsa e ahpum nga ai.

Shaloi Karai Kasang gaw, “Ahtoi tai wa u ga,” ngu wu ai rai nna, ahtoi tai wa ai.

Shaloi Karai Kasang gaw shi hpan hpajang da ai amu yawng mayawng hpe yu yu nna, yu mu dai gaw nachying kaja nga ai. Shaloi shana hte jahpawt gaw kru ya nhtoi hta tai ma ai.

Dai ahtoi kaja nga ai gaw Karai Kasang mu wu ai: shaloi Karai Kasang gaw ahtoi hte nsin hpe karan jahka wu ai.

Bai Karai kasang gaw, “yu mu, ga ntsa ting hta nsi naisi li rawng ai nai mam amyu shagu mung, ngai nanhte hpe jaw made ai; dai gaw nanhte a matu lusha shahpa tai nga na rai nga ai

Karai Kasang gaw dai ahtoi hpe, “Shani,” dai nsin hpe, “Shana,” ngu nna, shamying wu ai. Shaloi shana hte jahpawt gaw, nhtoi langai ngu na hta tai ma ai.

Bai Karai Kasang gaw, “Hka hpungnung a ka-ang e lamu madin din nna, hka hte hka karan u ga,” nga ai.

dai hta kaga, ga ntsa na ashu ashan mahkra a matu mung, lamu kata na ntsa malen e pyen ai u ni mahkra a matu mung, ga ntsa e nsoi nsa rawng ai gumrawt hkawm ai baw mahkra a matu mung, sha na ushat tsit lali ai namlaw namlap tsingdu tsingman amyu myu ngai jaw da we ai,” nga ai: dai mung shing rai nga ai.

Bai Karai Kasang gaw, “Shani hte shana hpe karan ginhka na matu, sumsing lamu a madin hta e ahtoi hkum tai nga mu ga; dai ni gaw kumla tai na matu mung, duhkra ladaw a matu mung, shani nhtoi hte shaning nhtoi a ladaw langa matu mung, tai nga mu ga

Shaloi Karai Kasang gaw, “Aga gaw, tsingdu tsingman hpe mung, nsi naisi li rawng ai nai mam chyakai hpe mung, ga ntsa e tinang nang a nli rawng ai hte tinang amyu a asi si ai namsi namsaw hpun hpe mung shatut u ga,” nga ai: dai mung shing rai nga ai.

Shaloi Karai Kasang gaw dai lamu madin a kata e nga ai hka hte lamu madin ntsa e nga ai hka hpe karan da wu ai: dai mung shing rai nga ai.

Shaloi dai aga gaw, tsingdu tsingman hpe mung, tinang amyu hta nli rawng ai nai mam chyakai hpe mung, tinang amyu hta nli rawng nna si si chye ai hpun hpe mung shatut wu ai: dai kaja nga ai gaw Karai Kasang mu wu ai.

Shing rai Karai Kasang gaw, dai ahtoi hkum kaba lahkawng galaw wu ai: ahtoi hkum kaba gaw shani hpe up na matu, ahtoi hkum kaji gaw shana hpe up na matu rai nga ai.

Bai Karai Kasang gaw, “lamu kata e nga ai hka hpung ni, shara mi hta shinggyin hpawng nga nna hkarang ga dawng pru u ga,” nga ai: dai mung shing rai nga ai. Karai Kasang gaw dai hkarang hpe, “Aga,” shinggyin hpawng nga ai hka hpung ni hpe, “Nammukdara,” ngu nna shamying wu ai: dai kaja nga ai gaw Karai Kasang mu wu ai.

Bai Karai Kasang gaw, “Nanhte kasha ja nna mayat maya wa ai hte nammukdara hka hta hpring wa mu; ntsa malen u ni mung ga ntsa e law htam wa mu ga,” ngu nna shanhte hpe shaman ya wu ai.

Bai Karai Kasang gaw, “Aga gaw, tinang nang amyu hta nsoi nsa rawng ai baw, yamnga mung, gumrawt hkawm ai baw hpe mung, ga ntsa na dusat nhprang amyu myu hpe mung shapraw u ga,” nga ai: dai mung shing rai nga ai.

Bai Karai Kasang gaw, “Nsoi nsa rawng nna, hkrung ai baw wunawng wuwa gaw hka hpung ni hta kanawng nga nna, u ni mung sumsing lamu a madin npu, ginding aga a ntsa malen e pyen nga mu ga,” nga ai.

Shing rai Karai Kasang gaw, ga ntsa na dusat nhprang amyu myu, yamnga amyu myu, ga e gumrawt hkawm ai baw amyu myu hpe mung galaw wu ai: dai kaja nga ai gaw Karai Kasang mu wu ai.